Pokiwy (28.01.16)

štwórtk, 28. januara 2016
artikl hódnoćić
(0 )

Mały serbski filmowy wječor

Radwor. Štóž chce wědźeć, kotry napohlad su něhdy serbske wsy skićeli, ­njech dóńdźe sej na mały serbski filmowy wječor jutře, pjatk, w 19 hodź. w Radworskim „Słodeńku“. Tam pokazaja amaterski pask wo Chrósćicach z lěta 1972, nimale njeznate nahrawanje ­DEFA wo zymskich nałožkach w Serbach 1954, mjez druhim w Radworju, a někotre dalše zajimawe paski. Nimo toho přednošuje Jan Nuk ze swětłowobrazami wo swojej pomocy dźěćom w Južnej Africe. Wšitcy zajimcy su na tónle trochu hinaši filmowy wječor přeprošeni.

Wobrazy z Čelnoho

Běła Woda. „Pückler a krajina w změnje“ rěka wustajeńca, kotruž wotewru sobotu­, 30. januara, w 16 hodź. w Běło­wodźanskej galeriji Kunstschmiede. W přehladce pokazaja napohlady Muža­kowskeho Pückleroweho parka, Mužakowskeho zwěrjenca kaž tež z wotbagrowaneje wsy Čelnoho. Po wustajeńcy powjedźe Hans Klei.

Wo aktualnych konfliktach

wozjewjene w: Pokiwy
Prošu přizjewće so, chceće-li komentar podać

Serbska debata

nowostki LND