„Idiot“ hnuje a zahorja

štwórtk, 28. januara 2016
artikl hódnoćić
(0 )
André Kaczmarczyk (prědku) hraje rólu wjercha Lewa Nikolajewiča Myškina w nowej inscenaciji „Idiot“ Drježdźanskeje statneje činohry.  Foto: Matthias Horn/Drježdźanska statna činohra André Kaczmarczyk (prědku) hraje rólu wjercha Lewa Nikolajewiča Myškina w nowej inscenaciji „Idiot“ Drježdźanskeje statneje činohry. Foto: Matthias Horn/Drježdźanska statna činohra

Sławny roman Dostojewskeho na Drježdźanskim jewišću inscenowany

K wuznamnym Rusam, skutkowacym w Drježdźanach, słuša Fjodor Dostojewski, kiž bě tam w druhej połojcy 19. lětstotka wjacekróć a dlěje ze swojej druhej mandźelskej přebywał. Mjez druhim pisaše­ Dostojewski w sakskej stolicy dźěle romana „Demony“ a přihotowaše so w Drjež­dźanach na pisanje 900 stron tołsteje knihi „Idiot“.

Drježdźanska statna činohra, znata za swoje wurjadne a často chětro diskutowane inscenacije stareje a našočasneje ruskeje dramatiki (w minjenych lětdźesatkach), je spočatk lěta ze swojej najnowšej inscenaciju roman swětoznateho spisowaćela „wotklepała“ na jeho bolostne poselstwo. Te rěka: Dobry a dobroćiwy čłowjek zwrěšći na tymle swěće nahrabnosćow, česćelakomnosćow, rozwólnosćow, intrigow a boja wo móc!

wozjewjene w: Kultura
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND