Wuspěchi w sćinje rozestajenjow

srjeda, 03. februara 2016
artikl hódnoćić
(0 )

Z 98 600 wopytowarjemi bě zajim na Budyskim wopomnišću loni nimale tak wulki kaž w lětach do toho. Tak wostanje­ wopomnišćo dale najbóle wopytowane­ muzealne zarjadnišćo sprjewineho města.

Budyšin (SN/CoR). Zhladowanje na lońše dobre skutkowanje steji pak pod sćinom tuchwilnych rozestajenjow. Tak wobjednawachu hakle wčera na Drježdźanskim dźěłowym sudnistwje skóržbu sobudźěłaćerki wopomnišća přećiwo hnydomnemu wupowědźenju. A su jej w półnej měrje­ wotpowědowali. Dobrowólnje rozžohnowała je so loni wědomostna sobudźěłaćerka Cornelia Liebold, kotraž wot lěta 1996 we wopomnišću skutkowaše. Na dalšich sudniskich jednanjach w minjenych lětach we wobłuku Załožby sakskich wopomnišćow bě jednaćel Siegfried Reiprich přeco zaso přěhrał. Personalna rada załožby je mjeztym přećiwo Reiprichej skóržbu ranjenja słužbneje winowatosće dla zapodała.

wozjewjene w: Kultura
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND