Liza a Matej před domskim so parałoj

Slepo (JoS/SN). Z wječornym programom „Nałožki, drasta, tradicije“ je Serbski folklorny ansambl Slepo publikum sobotu na wupředatej žurli tamnišeho Serbskeho kulturneho centruma zahorił. Pisana rewija serbskich nałožkow, spěwow a rejow bě splećena do znateje stawizny wo Lizy a Mateju, kotrajž sej w Slepom domčk zarjadujetaj. Předstajiłoj staj jeju Doreen Nowušowa a Björn Sobotta. Zarjadowanske dźěła pak so dlija, dokelž přeco zaso nowe podawki, kaž nalětni koncert a posedźenja gmejnskeje rady, elan wobeju haća.