Wubědźowanje za młodostnych

wutora, 16. februara 2016
artikl hódnoćić
(0 )
Zhorjelc (SN). Zhorjelski zapósłanc Němskeho zwjazkoweho sejma Thomas Jurk (SPD) namołwja młodostnych w starobje 16 do 20 lět, wobdźělić so na kreatiwnym wubědźowanju „Přichod Europy“ wo Myto Otta Welsa za demokratiju frakcije SPD w zwjazkowym sejmje. Wolić móža młodostni mjez třomi wubědźowanskimi nadawkami. Tak móža swoju wiziju za zhromadne žiwjenje w Europje lěta 2020 zwuraznić, tamnym młodym ludźom lóšt na Europu činić abo so roze­stajeć z prašenjom, kak móžeš přećiwo prawicarstwu wojować. Wšelakore wašnja zwoprawdźenja idejow su dowolene, kaž su to na přikład narěč­, grafika abo widejo. Nimo jednotliwcow móža tež skupiny z hač do třoch wosobow zhromadne dźěło zapodać. „Dobyćerjow přeprosymy w meji na přepodaće myta do Berlina“, připowědźa Thomas Jurk w zdźělence. Najlěpše tři přinoški chcedźa z pjenježnym mytom wuznamjenić. Hač do 29. měrca móža zajimcy swoje přinoški zapodać. Informacije namakaja na internetnej stronje frakcije SPD.

wozjewjene w: Kultura
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND