Wšelcy politikarjo warnuja před móžnym zwrěšćenjom wjerška EU
Berlin (dpa/K/SN). Nimo zadźerženja žołmy ćěkancow je naležna problematika politiki integracija migrantow. Zo by so to zešlachćiło, namjetuje šef Berlinskeje frakcije SPD Raed Saleh komisiju, kotraž měła zdźěłać cyłoněmski plan integrowanja. Předsydować měłoj jej něhdyši kancler Gerhard Schröder (SPD) a prjedawša předsydka zwjazkoweho sejma Rita Süssmuth (CDU). Saleh reaguje tak na plany CDU nastupajo integraciju, kotrež bě CDU wčera, póndźelu, předpołožiła. „Trjebamy plan wusměrjenja, dokal chcemy.“ Spokojom wón je, zo njewobstawa CDU hižo na tym, ćěkancam płaćić snadnišu minimalnu mzdu.