Pokiwy (24.03.16)

štwórtk, 24. měrca 2016
artikl hódnoćić
(0 )

Smochčanske jewišćo

Smochćicy. Ćichi pjatk w 19.30 hodź. su zajimcy do Domu biskopa Bena na hudźbne rozpominanje přeprošeni. Nimo Feliksa Brojeroweho „Stabat mater“ zaklinča twórby Helfrieda Knopsmeiera, Antonija Caldara a Arva Pärta.

Kniharnja sobotu wočinjena

Budyšin. Smolerjec kniharnja změje ćichu sobotu wot 10 do 13 hodź. wočinjene. Srjedu, 30. měrca, njebudźe rano žana milina, tak zo wotewrje kniharnja hakle w 11 hodź.

Změna programa w muzeju

Budyšin. Program w Budyskim Serbskim muzeju, sobotu, 26. měrca, w 16 hodź. njewuhotuje, kaž připowědźene, Serbski folklorny ansambl Slepo, ale swójba Zahrodnikec z Ćiska. Šulerce Wojerowskeho Lessingoweho gymnazija Marta a Hanka Zahrodnikec wobknježitej wjacore hudźbne instrumenty.

Jutry w fabrice

Hórnikecy. Tež lětsa wopyta jutrowny zajac muzej Hórnikečansku energijowu fabriku. Wopytowarjo móža tam jutře, ćichi pjatk, wot 10do 16 hodź. pod nawodom jutrowne jejka debić. Ćichu sobotu předstaja wot 10 do 18 hodź. na ležownosći krajiny w miniaturach, a jutry póndźelu přeproša muzej na nalětnje pućowanje za cyłu swójbu.

wozjewjene w: Pokiwy
Prošu přizjewće so, chceće-li komentar podać

Serbska debata

nowostki LND