Přehladka z wosebitostkami
Slepo. Lubowarjo orchidejow njeměli skomdźić, sej jutře abo njedźelu do Slepjanskeho Serbskeho kulturneho centruma dojěć. Tam wotměje so dźesaty raz wulka přehladka orchidejow, a to wobaj dnjej wot 10 do 17 hodź. Zastup za dorosćenych płaći dwaj euraj, za dźěći euro. Wustajerjo prezentuja mjez druhim někotre z najžadnišich družin tychle rostlin kaž paphiopedilum sandereanum z Borneja. Tale družina eksistowaše lětdźesatki jenož jako mytos, hakle 1987 su ju zaso nadešli.
Jubilej motorskich
Dubrjenk. Składnostnje 20lětneho wobstaća towarstwa Kulowskich bikerow budźe jutře, sobotu, wulka party w Dubrjenskim klubje. W 13.30 hodź. započnje so jězba motorskich, na kotrejež spočatku chcedźa swoje mašiny požohnować dać. Wo ćělne derjeměće budźe wězo postarane. Wječor zaklinči live-hudźba.
Knižne předstajenje