Pod hesłom „Stawizny a stawiznički ze Serbskeho seminara w Praze“ je nawodnica archiwa, biblioteki a pokładnje Budyskeho tachantstwa dr. Birgit Mitzscherlich wčera we „Wjelbiku“ na Maćičnej akademiji přednošowała.
Budyšin (SN/CoR). Dyrbješe-li předsydka stawizniskeje sekcije Trudla Malinkowa na hłownej zhromadźiznje Maćicy Serbskeje hišće w nic runje spokojacej bilancy zwěsćić, zo mějachu na Maćičnych akademijach loni najwjace 16 wopytowarjow, bě tomu wčera wječor cyle hinak. „Smy z temu do čorneho trjechili“, wjeseleše so čłonka předsydstwa Maćicy dr. Annett Brězanowa, wšako móžeše nimale połsta zajimcow witać.