Statok ze spara ćernjawki budźić

štwórtk, 25. awgusta 2016
artikl hódnoćić
(0 )
Julia, Johanna a Julia kaž tež pony Miki so na Ćernjawcynym statoku we Wujezdźe wočiwidnje derje čuja. Nowe žiwjenje je zaćahnyło do stareho burskeho statoka, kotryž na lětnim campje wobnowjeja.  Foto: Benjamin Mesam Julia, Johanna a Julia kaž tež pony Miki so na Ćernjawcynym statoku we Wujezdźe wočiwidnje derje čuja. Nowe žiwjenje je zaćahnyło do stareho burskeho statoka, kotryž na lětnim campje wobnowjeja. Foto: Benjamin Mesam

We Wujezdźe wobnowjeja burski statok po antropozofiskich idejach

Kóń na dworje je to prěnje, štož widźu. A před zachodom do domskeho dźěći we wulkim basenku lóštnje hejsuja. Je lěćo, a na starym štyristronskim statoku we Wujezdźe (Breitendorf) njezetkawawaja so jenož dorosćeni na dwutydźenskim lětnim campje. Nětko, popołdnju po swačinje, woni dale na domje dźěłaja. Wšako je nimale wšudźe wulke twarnišćo. Lěkar z Drježdźan rozłožuje něhdyšej čłonce Kurta Masuroweho orchestra, kak ma z njebozowej mašinu platy na sćěnje přičinić, wučer z Bad Sassendorfa rozkładuje złotnikarskej mišterce, kak dyrbi wottokowa roła wupadać, a w zadnjej stwě klepataj mužej stary wobmjetk z wjercha. Wučer je z Mannheima přišoł, zo by pomhał, a to tež financnje. Budyšanka pokazuje, kotre sćěny je hižo z hlinu wobmjetała. „Smy dwór Ćernjawcyny statok pomjenowali, dokelž chcemy jón kaž ćernjawku ze spara wubudźić“, powěda Jörg Schröder, jedyn z iniciatorow a nošerjow projekta.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND