Koparki SGB slěbro a bronzu dobyli

wutora, 16. meje 2017
artikl hódnoćić
(0 )
Koparki 5. do 7. lětnika Serbskeho gymnazija Budyšin wubědźichu sej na wuchodosakskim regionalnym finalu w starobnej skupinje III slěbro a w skupinje IV bronzu. Stejo wotlěwa Filomena Kurjatec, Elisa Korjeńkec, Sara Łušćanskec, Sarah Hančikec, Sarah Bauchec, Leonie Wenclec a Ronya Ulrich, klečo wotlěwa Sophie Matješkec, Hermine Lehmannec, Leticia Gust, Hannah Šustrec, Antonia Smolic, Cosima Lander a Josephina-Marija Bretšnajderec. Prědku wobě wrotarce Salome Bjeńšec a Constanze Senst (wotlěwa)  Foto: Měrko Korjeńk Koparki 5. do 7. lětnika Serbskeho gymnazija Budyšin wubědźichu sej na wuchodosakskim regionalnym finalu w starobnej skupinje III slěbro a w skupinje IV bronzu. Stejo wotlěwa Filomena Kurjatec, Elisa Korjeńkec, Sara Łušćanskec, Sarah Hančikec, Sarah Bauchec, Leonie Wenclec a Ronya Ulrich, klečo wotlěwa Sophie Matješkec, Hermine Lehmannec, Leticia Gust, Hannah Šustrec, Antonia Smolic, Cosima Lander a Josephina-Marija Bretšnajderec. Prědku wobě wrotarce Salome Bjeńšec a Constanze Senst (wotlěwa) Foto: Měrko Korjeńk

We wurisanju „Młodźina trenuje za olympiju“ wotmě so minjeny tydźeń w Großröhrsdorfje regionalne finale koparkow w starobnymaj klasomaj III a IV. Šulerki 5. do 7. lětnika Serbskeho gymnazija Budyšin (SGB) startowachu mjez cyłkownje pjeć šulemi a nawróćichu so ze slěbrom a bronzu.

Starobna skupina IV (5. a 6. lětnik): Štyri šule wuchodneje Sakskeje kwalifikowachu so za regionalne finale w kopańcy holcow, jeno tři gymnazije pak běchu w Großröhrsdorfje zastupjene. Najmłódše koparki SGB startowachu přećiwo holcam, Schilleroweho gymnazija Budyšin z połnym zapalom a nawjedowachu k połčasej z 1:0 přez wrota Leticije Gust, kotraž wot dźewjećmetrowskeho dypka suwerenje přetwori. Sportowy kontrahent pak so njepoda a wuruna přez swoju najlěpšu hrajerku na 1:1. Samsna šulerka zwyši dwě mjeńšinje do wothwizdanja na 2:1. Wulkemu faworitej z Biskopic so serbske holcy mócnje wobarachu a dopušćichu jenož dwoje wrota. Wrotarka Salome Bjeńšec steješe zwjetša na prawym městnje a dalše šansy Goethoweho gymnazija znješkódni.

kónčny staw starobneje skupiny IV

wozjewjene w: Sport
Prošu přizjewće so, chceće-li komentar podać

Serbska debata

nowostki LND