Dobry test za nowu sezonu

póndźela, 17. julija 2017
artikl hódnoćić
(0 )
Dirk Šołta (při bulu) bě wčera zhromadnje z Dennyjom Gloxynom sylny srjedźopólny hrajer w prěnjej testowej partiji Sokoła Ralbicy/Hórki.  Foto: Maik Brězan Dirk Šołta (při bulu) bě wčera zhromadnje z Dennyjom Gloxynom sylny srjedźopólny hrajer w prěnjej testowej partiji Sokoła Ralbicy/Hórki. Foto: Maik Brězan

Sokoł Ralbicy/Hórki

– FSV Kemnitz 7:1 (2:1)

Zestawa domjacych: Ch. Gloxyn – M. Matka (57. Kobalc), Korjeńk, Šewc, K. Matka, Młynk, Šołta, D. Gloxyn, Janca, Bjeńš, Kurjat

Tři tydźenje po poslednjej winowatostnej hrě sezony 2016/2017 stejachu koparjo Sokoła Ralbicy/Hórki znowa na hrajnišću. Minjeny pjatk zahajichu woni přihotowansku fazu, a to z nowym trenarjom Jiříjom Krohmerom. Dominik Schlicke je jeho kotrenar. Mustwowy nawoda wostanje Maik Brězan.

Ći, kotřiž stejachu njedźelu na trawniku, su swój nadawk derje spjelnili. Hnydom w 2. min. klinkaše po dwójnej přihrawce mjez Stefanom Bjeńšom a Dennyjom Gloxynom. Druhi mjenowany njeměješe žane ćeže, bul do wrotow sunyć. W 11. min. Kemnitz wuruna. Po foulu postaji sudnik Heiko Hejduška na wólny kop ze zdalenosće 18 metrow, a tón w hornim kuće zadyri. Domjacy srjedźa derje kombinowachu a Uwe Młynk bu na prawej stronje swobodny hraty, ale zwrěšći na wrotarju. Krótko do połčasa pak sčini to lěpje. Přez staciji Kurjat a Bjeńš běše wón swobodny a přewiny wrotarja k 2:1 (43.).

wozjewjene w: Sport

Galerija

dalši wobraz (1) Tež Gabriel Kurjat je so wčera do lisćiny třělcow zapisał.
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

nowostki LND