Wyšoklasowy jěchanski sport

štwórtk, 10. awgusta 2017
artikl hódnoćić
(0 )
Konjacy sportowc Křesćan Zahrodnik je tež na 11. Wulkim jěchanskim turněrje w Bošecach startował. Domjacu lěpšinu změje Chróšćan potom zaso wot 15. do 17. septembra na mnohostronskim jěchanju w Hórkach.  Foto: Carmen Schumann Konjacy sportowc Křesćan Zahrodnik je tež na 11. Wulkim jěchanskim turněrje w Bošecach startował. Domjacu lěpšinu změje Chróšćan potom zaso wot 15. do 17. septembra na mnohostronskim jěchanju w Hórkach. Foto: Carmen Schumann

Kaž hižo loni dožiwichu 3 000 lubowarjow konjaceho sporta při 11. Wulkim Budyskim jěchanskim turněrje w Bošecach wyšoklasowe wubědźowanja. Startowali běchu tam 250 jěcharkow a jěcharjow z něhdźe 500 konjemi.

Wosebity hósć bě lětsa Benjamin Wulsch­ner, kotryž ma swój konjenc w Mecklenburgsko-Předpomerskej a kiž doby Wulke myto města Budyšin. Benjamin Wulschner bě wo zarjadowarju a wuhotowarju turněra jara zahorjeny a slubi, zo so zaso wobdźěli. To turně­roweho nawodu Martina Sämanna jara zwjeseli. Sylnje zastupjeni běchu w Bošecach tež jěcharki a jěcharjo z Chrósćic, Pančic-Kukowa, Šěšowa, Njeswačidła, Kulowa, Bošec, Budyšina a tež Zhorjelca. Z 9. městnom poradźi so Laurje­ Grundmannec z PSV Budyšin při A-skakanju česćehódny wuslědk. Cindy Reppe ze Šešowa zaměstni so při Wulkim myće Budyšina na sedmym městnje. Jara derje prezentowachu so tež konjacy sportowcy PSV Rosenhof ze Zhorjelca. Anna-Lena Frenzel wobdźěli so na přikład na ska­kanju a tež na dresurowych wurisanjach.

wozjewjene w: Sport
Prošu přizjewće so, chceće-li komentar podać

Serbska debata

nowostki LND