Beachvolleyballowy turněr na wjesnym swjedźenju přewjedli

wutora, 15. awgusta 2017
artikl hódnoćić
(0 )
Tež Daniel Gall ze Smjerdźaceje je so w Róžeńće při wulkej dartowej sćěnje pospytał. Štyri hodźiny dołho bě nowa atrakcija Budyskeho sportoweho zwjazka stajnje wobsadźena. Foto: Beno Šołta Tež Daniel Gall ze Smjerdźaceje je so w Róžeńće při wulkej dartowej sćěnje pospytał. Štyri hodźiny dołho bě nowa atrakcija Budyskeho sportoweho zwjazka stajnje wobsadźena. Foto: Beno Šołta

We wobłuku Róžeńčanskeho wjesneho swjedźenja je tamniša młodźina sobotu beachvolleyballowy turněr přewjedła. Dokelž bě so dohromady wosom mustwow přizjewiło, wulosowachu je najprjedy raz do dweju staflow. Lětsa běštej sej samo dwě z Kamjenca do Róžanta dojěłoj, a zbytk mustwow běchu zwjetša měšane cyłki.

W stafli A přesadźi so cyłk z mjenom „Volker Rachow“ – volleyballisća Vikto­rije Worklecy – snadnje před Bratrowstwom Róžant. 3. a 4. městno wobsadźichu Chróšćenjo a Róžeńčanske rowdyje. W tamnej stafli bě wšitko tróšku jasniše. Tež tam steješe cyłk ze spodźiwnym mjenom cyle horjeka – „Phi a hańba“. Mustwo „Fit for fun I“ z Kamjenca bu druhe, za nimi dalše Kamjenske a dalše Róžeńčanske zastupnistwo.

Byrnjež tróšku ćoplišo być móhło, knježeše přez cyłe popołdnjo wulkotna nalada, wšako starachu so Róžeńčenjo wo nju z napojemi, jědźu a spodobnej hudźbu.

wozjewjene w: Sport
Prošu přizjewće so, chceće-li komentar podać

Serbska debata

nowostki LND