×

Powěsć

Failed loading XML...

Nabožno-narodna tradicija bohate płody njese

pjatk, 11. junija 2021
artikl hódnoćić
(0 )
Zapokazanje serbskeho superintendenta Gustawa Mjerwy na 3. cyrkwinskim dnju 1949 w Njeswačidle archiw Gerhard Wirth Zapokazanje serbskeho superintendenta Gustawa Mjerwy na 3. cyrkwinskim dnju 1949 w Njeswačidle archiw Gerhard Wirth

K 75. jubilejej Serbskeho ewangelskeho cyrkwinskeho dnja

19. a 20. junija woswjeća ewangelscy Serbja­ w delnjołužiskim Mosće swój mjeztym 75. cyrkwinski dźeń. Jubilej je składnosć, sej krótki pře­hlad­ wo stawiznach kóždolětneho nabožneho zet­kanja tworić.

Zrodźeny 1947 we Wojerecach

Zrodźiła je so mysl w powójnskim času we Wojerecach, hdźež wotmě so prěni serbski cyrkwinski dźeń póndźelu, 3. nowembra 1947, zo bychu so cyrk­winsko-­politiske naležnosće rozjimali. Dźěše wo wo­zrodźenje serbskeho cyrkwinskeho ži­wje­nja w sakskej a šleskej cyrkwi po Druhej swětowej wójnje, wosebje wo zakonske rjadowanje, wo natwar serbskich cyrkwinskich strukturow a wo wobsadźenje wosadow ze serbskimi fararjemi. Cyle w znamjenju tutych zaměrow steješe tež druhi cyrkwinski dźeń 26. meje 1948 w Bukecach, na kotrymž so krajny biskop Hugo Hahn wobdźěli a hdźež Serbja, podpěrani wot předsydy Domowiny Pawoła Neda, jasne žadanja na cyrkwinsku wyšnosć w Sakskej stajachu.

wozjewjene w: Předźenak

Galerija

dalši wobraz (1) Wojerowske Serbowki na 16. cyrkwinskim dnju 1962 w Barće
dalši wobraz (2) W Nowej dobje wozjewjene přeprošenje na prěni serbski cyrkwinski dźeń 1947 we Wojerecach
Prošu přizjewće so, chceće-li komentar podać

nawěšk

nowostki LND