Kniha z fotografijemi wo Łužicy podawa nowe perspektiwy
Budyšin (SN/MiR). Kak wšelakory je wid na łužisku krajinu, na jeje twary a na ludźi, kotřiž tu bydla, na to pokazuje wčera w Budyskej Smolerjec kniharni předstajena nowostka z Ludoweho nakładnistwa Domowina „Wćipni być“. Dźesać zajimcow je so loni na dźěłarničce fotografija wobdźěliło, kotruž běštej LND a Spěchowanski kruh za serbsku ludowu kulturu zhromadnje wuhotowałoj. Isa Bryccyna je 80 stron wopřijacu, ze spiralu wjazanu knihu z jara načasnej wuměłskej ruku wuhotowała.