Dobyće zasłužene było

srjeda, 15. apryla 2015
artikl hódnoćić
(0 )

ST Porchow

– ST Marijina hwězda 0:2 (0:1)

Zestawa hosći: Vacek – Rab, Škoda, Łušćanski, Wróbl, F. Peschmann (62. T. Pesch­mann), T. Jurš, D. Jurš, Schmidt, Korjeńk­, Winkler

Najebać personelne starosće chcychu so koparjo ST Marijineje hwězdy z třomi dypkami nawróćić. Hrajerjo rezerwy zno­wa­­ wupomhachu, za čož słuša jim wo­spjet wosebity dźak. Wot spočatka Pan­čičenjo koncentrowanje hrajachu a w defensiwje wěsće stejachu. W srjedźnym polu sej přeco bule wuwojowachu. Hižo w 7. min. bě Falko Peschmann Měrka­ Korjeń­ka z dołhim pasom posłužił. Tón so na prawym křidle přesadźi a sflan­ko­wa bul do šěs­natki. Tam wot­sko­­či znje­zbožena třělwa Tomaša Jurša wot chribjeta přećiwnika k 0:1 do wrotow.

Do a po połčasu měješe tež hosćićel móžnosć wurunać. Najlěpšu pak wrotar Oliver Vacek z prima akciju a z pomocu žerdźe wotwobara (55.). Rozsud tworješe 67. min. Po dołhim zamjeće Tomaša Jurša so wrotar domjacych zaliči a Dawid Jurš zhłójčkowa k 0:2 do wrotow. W přidatnym hrajnym času by hišće 0:3 padnyć móhło, jako sadźi Tobias Ško­da­ bul z 45 metrow na Porchowske wrota.

wozjewjene w: Sport
Prošu přizjewće so, chceće-li komentar podać

Serbska debata

nowostki LND