Hochoza (HA/SN). Swoju nowu inscenaciju „Smjaśe zakazane“ předstaja Němsko-Serbske ludowe dźiwadło wot 25. apryla hač 12. meje dohromady šěsć króć w župje Delnja Łužica, mjez druhim prěni raz na Złokomorowskim Nowym jewišću. Sobotu wječor dožiwi kruch swoju poradźenu premjeru w Hochožanskim gmejnskim centrumje. Madleńka Šołćic, kotraž měješe dramaturgiju na starosći, móžeše něhdźe 60 přihladowarjow z Hochozy, Drjenowa, Prjawoza, Wětošowa a Choćebuza witać: „Móžeće dźensa dožiwić a so wjeselić na jara rjanu komediju w delnjoserbskej rěči, kotraž ma europski format.“