Njebjelčicy (AW/SN). Iniciatiwna skupina za demokratisce legitimowane ludowe zastupnistwo Serbow – Serbski sejmik přihotuje list, kotremuž připołoži zakła- dny koncept swojeho modela. Spis pósćelu prezidentomaj Sakskeho a Braniborskeho krajneho sejma kaž tež předsydam frakcijow wobeju parlamentow z próstwu, zo bychu jón přiwzali do hamtskeho postupowanja (Geschäftsgang) za zakonsku iniciatiwu k wutworjenju Serbskeho sejmika. To su iniciatiwnicy wčera w Njebjelčicach wobzamknyli. List z próstwu měł podpisać rjad serbskich wosobinow komunalnopolitiskeho, kulturneho, wuměłstwoweho, předewzaćelskeho a cyrkwinskeho wobłuka.