Na Kaponicy, w Njeswačidle, Nowej Wsya w Delanach ćežke boje ...

štwórtk, 30. apryla 2015
artikl hódnoćić
(0 )
Při ćežkich wojowanjach wot 25. apryla do 6. meje 1945 bu 85 procentow twarjenjow Njeswačidła dospołnje zničene, tule wupa lena cyrkwinska šula. Srjedźišćo wsy nima hač donětka hišće swój stary napohlad.  Foto: archiw Njeswačanskeho muzeja Při ćežkich wojowanjach wot 25. apryla do 6. meje 1945 bu 85 procentow twarjenjow Njeswačidła dospołnje zničene, tule wupa lena cyrkwinska šula. Srjedźišćo wsy nima hač donětka hišće swój stary napohlad. Foto: archiw Njeswačanskeho muzeja

wojerske jednotki 1. běłoruskeje a 1. ukrainskeje fronty počachu 16. apryla 1945 rano ze swojej Berlinskej operaciju za zdobyće němskeje stolicy. Wone běchu do toho dwaj měsacaj nad Wódru a Nysu stali a so na wulki nadběh dokładnje přihotowali. W běhu Berlinskeje operacije buštej tež Łužica a z njej serbski lud po ćežkich a woporliwych bo­jach­ wuswobodźenej. Mnohe městna w Hornjej a Delnjej Łužicy stachu so w poslednich aprylskich a prěnich mejskich dnjach 1945 z krawnym bitwišćom.

Mjeztym zo w Delnjej Łužicy a na sewjeru Sakskeje wuchodnje Łobja sowjetscy wojacy wuspěšnje postupowachu, dóńdźe w poslednich dnjach apryla 1945 k jara ćežkim wojowanjam. We wobłuku 1. ukrainskeje fronty wojowaše tež 2. pólska armeja pod komandom generala Świerczewskeho. Jeje 1. tankowy korps kaž tež 8. a 9. diwizija pěškow běchu po 19. aprylu sewjernje Budyšina přez serbske wsy a Kamjenc spěšnje do směra na Drježdźany postupowali, mjeztym zo pra­we křidło 2. pólskeje armeje wróćo wosta.

wozjewjene w: Předźenak

Galerija

dalši wobraz (1) Při wotwobaranju nadběha němskich „tigrowych“ tankow na Kaponicu 26. apryla padnjeni Korzcyńskec bratřa běchu přikład za roman Janusza Przymanowskeho a za film „Štyrjo tankisća a pos“, kotryž je nowina Morgenpost njedawno jako DVD wudała.
Prošu přizjewće so, chceće-li komentar podać

Serbska debata

nowostki LND