11. meje běchu 1., 2. a 4. ukrainska fronta Schörnerowu wojersku skupinu „Srjedźa“ w Čěskej dopřewinyli. 860 000 wo­jakow poda so do wójnskeho zajeća. Schörner sam ćekny do Tirola, hdźež bu wot Američanow zajaty a Čerwjenej armeji přepodaty. Jako wójnski złóstnik bu k 25 lětam dźěłoweho lěhwa zasudźeny. Po nawróće 1955 do ZRN zapowědźichu jemu jako jeničkemu generalej pensiju. 1957 zasudźichu jeho w Mnichowje k 60 měsacam jastwa.