Dale diskusije wo zakazu AfD

srjeda, 14. februara 2024 spisane wot:

Berlin (dpa/SN). Zo AfD a jeje dorostowa organizacija, młoda Alternatiwa (JA), z lěto a radikalnišimi wuprajenjemi napadnjetej, hodźi so w posudkach, sudniskich rozsudach a protokolach plenarnych posedźenjow sćěhować. Přiwšěm je wjetšina politikarjow dotal přećiwo zakazej strony. Prawniskopolitiski rěčnik frakcije unije w zwjazkowym sejmje Günter Krings ma samo za móžne, zo přechwatna próstwa wo zakaz AfD stronje w tuchwilnym wólbnym lěće lěpšiny wobradźa. „Dyrbimy přećiwo AfD předewšěm politisce wojować“, zwurazni bywši parlamentariski statny sekretar w zwjazkowym nutřkownym ministerstwje powěsćerni dpa.

Dokelž pak wuchadźa z dorostoweje organizacije AfD po wšěm zdaću „přeco dale přiběraca radikalizacija“ je woprawnjene, zakaz tutoho towarstwa znajmjeńša swědomiće pruwować, Krings rozłoži. „Rozsudnje a njeparujomne za wuspěšny zakaz su při tym dopóznaća wustawoškita“, jurist wuzběhny.

Baerbock: „Gaza před kolapsom“

srjeda, 14. februara 2024 spisane wot:

Berlin (dpa/SN). Zwjazkowa wonkowna ministerka Annalena Baerbock (Zeleni) je sej hladajo na ciwilnu ludnosć w měsće Rafah na juhu Gazaskeho pasma přestawku wojerskeje ofensiwy israelskeho wójska přećiwo islamistiskej Hamas žadała. „W Rafah je tuchwilu 1,3 milionow ludźi a tam pod najstrašnišimi wuměnjenjemi přebywa, dokelž njeje žanych móžnosćow sej wućeknyć“, Baerbock wujasni. Wot dźensa wopyta wona Israel, hdźež chce wona z wšelakimi politiskimi zastupjerjemi kraja rěčeć. „Ofensiwa israelskeho wójska w Rafah humanitarne połoženje tam tradacych ludźi hišće bóle pohubjeńša.“ Ludźo w kónčinje njemóhli so „prosće z blaka zhubić“, Baerbock podšmórny. Woni trjebaja wěste městnosće a wěste koridory. „Gaza steji krótko před kolapsom.“

Njepřewidny swět

srjeda, 14. februara 2024 spisane wot:
Samo so zrozumi, zo maja zakładne šule dźensniši dźeń kompjuterowy kabinet, kiž je zwjetša – dźakowano spěchowanju zwjazkoweho knježerstwa – wuhotowany z načasnej techniku. Někotre šule dźěłaja samo jenož hišće z digitalnej taflu. Poprawom móhł sej myslić, zo wědźa zakładni šulerjo z wobsahowymi móžnosćemi, kotrež technika skići, wobchadźeć. Tomu pak husto tak njeje. Maja-li šulerjo na přikład domjacy nadawk z pomocu digitalnych medijow zhotowić, potom zwrěšća resp. trjebaja pomoc nazhonićišich. Čehodla? Jenož dźěl dźěći do dźesać lět, wě z nowymi medijemi, wosebje z internetom wobchadźeć – to rěka, sej wědomje informacije pytać. Zwjetša njejsu hišće kmani, sej za to trěbne hesła namakać. Tuž je wažne – šule wšako po wučbnym planje šulerjow we wobchadźe z nowymi medijemi kubłuja – zo mamy poskitki kaž Fabmobil, LUCIJU, BTZN RCKS abo eksperiMINT, kotrež jim digitalny swět wuswět­leja. Milenka Rječcyna

Teror w Iranje?

srjeda, 14. februara 2024 spisane wot:
Teheran (dpa/SN). W Iranje su so w nocy na dźensa při wjacorych eksplozijach płunowe pipeliny wobškodźili. Płomjenja běchu wjacore kilometry daloko widźeć. Šef Centruma za narodnu syć płunowodow Said Aghli ma podawki za terorowy nadpad. Hišće w nocy bu posedźenje z wěstotnymi słužbami zwołane.

Etat powyša

srjeda, 14. februara 2024 spisane wot:

Podstupim (dpa/SN). Čerwjeno-čorno-zelena koalicija w Braniborskej chce planowany dodatny etat něhdźe 371 milionow eurow wo něhdźe 225 milionow eurow powyšić. Frakciscy šefojo SPD, CDU a Zelenych wčera připowědźichu, zo chcychu změny w zwisku ze zwyšenjom tarifow za zastojnikow a druhe institucije, za nowe městna we wustawoškiće, w strowotniskim wobłuku a krajnym zličbowanskim zarjedźe kaž tež druhe stejnišćo krajneje wohnjowoborneje šule přesadźić.

Twarsku přestrjeń hižo přihotuja

srjeda, 14. februara 2024 spisane wot:
Paralelnje k zahajenju produkcije w hali 2 noweje twornje Němskeje železnicy na Choćebuskej Wilhelma Külzowej dróze spočatk januara su twarske přihoty za dalšu halu hižo zaběželi. Twarske polo, za kotrež su wjele zahrodkow wotstronili, dźěłaćerjo z wulkej techniku tuchwilu přihotuja. Přichodna hłowna hala noweje železniskeje twornje w Choćebuzu je chětro wobšěrny twarski projekt. Hala budźe cyłkownje 526 metrow dołha a z tym nimale 100 metrow dlěša hač hala 2. Tam maja so potom 380 metrow dołhe spěšniki ICE reparować. Foto: Michael Helbig

To a tamne (14.02.24)

srjeda, 14. februara 2024 spisane wot:

Njeznaty je we Weimarje dźěl płota pokradnył a so z cedlku zamołwił. Kaž policajska inspekcija zawčerawšim rozprawješe, je so pozdatny skućićel w nocy na njedźelu na ležownosć dóstał a při tym wobhrodźenje wobškodźił. Po tym je dźěl płota pokradnył. Wočiwidnje nic bjez hubjeneho swědomja.

Štyri metrow dołheho mortweho pytona je pasant w Berlinskim parku Hasenheide namakał. Pasant je sobudźěłaćerjow zamołwiteho zarjada za zelenišća informował, kotřiž su hada zawčerawšim pod štomom namakali. Nětko chce zarjad pad wuslědźić a prosy ludnosć wo pomoc.

Mjezy dale kontrolować

wutora, 13. februara 2024 spisane wot:

Podstupim (dpa/SN). Braniborski nutřkowny minister Michael Stübgen (CDU) je so za to wuprajił, zapućowarjow na mjezach do Němskeje dale kontrolować. „Bohužel njeje we wokomiku žaneje druheje móžnosće a tohodla dyrbimy so na to zwučić“, wón wuzběhny. Stübgen z toho wuchadźa, zo zwjazkowa nutřkowna ministerka Nancy Faeser (SPD) loni w oktobru zahajene nutřkokrajne kontrole wo dalšich šěsć měsacow podlěši.

Potrjechenych lěpje škitać

Berlin (dpa/SN). Zwjazkowa ministerka za swójby Lisa Paus (Zeleni) je za to, zo ma so prewencija hidy w syći polěpšić. W „rańšim magacinje“ sćelaka ARD wona zwurazni, zo dyrbja so prawa za potrjechenych dodźeržeć a pomoc poskićić. Zhromadnje z „kompetencnej syću přećiwo hidźe w syći“ je Paus dźensa dopołdnja w Berlinje wuslědki studije wo hidźe w socialnych medijach předstajiła. Namóc, diskriminacija, rasizm a antisemitizm su w syćach wšědnje tema.

Naprawy přećiwo ekstremizmej

Tysacy ludźi w pisanych kostimach a na wupyšenych wozach rejuja k samba-zynkam, wšo to słuša ke karnewalej w brazilskim Rio de Janeiro. Kaž tamniši měšćanski zarjad zdźěli, je to najwjetša party cyłeho swěta, hdźež miliony ludźi přichadźeja. Zawčerawšim a wčera su samba-šule swětosławny přećah w sambodromje zmištrowali. Foto: pa/Silvia Izquierdo

Knježerstwo chce ratarjow podpěrać

wutora, 13. februara 2024 spisane wot:

Podstupim (dpa/SN). Braniborski ministerski prezident Dietmar Woidke (SPD) chce hladajo na trajace protesty ratarjow dale za rozrisanjemi pytać, kak móhło knježerstwo agrarnu branšu wolóžić. Po wčerawšim zetkanju z ratarjemi w Podstupimskej statnej kencliji wón přilubi, zo dyrbi so běrokratija w tymle wobłuku wottwarić. Nimo toho chce wón za pućemi pytać, kak móhli so ratarske zawody ze špatnymi pódami financielnje podpěrać. Woidke ma wčerawšu rozmołwu za prěnju wažnu kročel. Dźensa měješe so hižo kabinet z tym zaběrać. Braniborske knježerstwo zdobom připowědźi, zo chce so za šěsć do wosom tydźenjow znowa z krajnym burskim zwjazkom wo namjetach k wottwarej běrokratije wuradźować. Zdobom dyrbi so dźěłowa skupina zarjadować.

Znowa wčera burja při namjeznym přechodźe w Frankfurće nad Wódru přećiwo planowanym skrótšenjam zwjazkoweho knježerstwa protestowachu.

Serbska debata

nowostki LND