Sport (29.06.18)

pjatk, 29. junija 2018 spisane wot:

Přihotowanske koparske hry

01.07. 17.00  Wubranka města Grodka

  – FC Energija Choćebuz

07.07. 13.30  SZ Žylow

  – FC Energija Choćebuz

11.07. 19:00 Přezjednota Niska

  – Budissa Budyšin

14.07. 13:30  Módro-běli Kulow

  – SC Mały Wosyk

15.07. 14:00  International Lipsk

  – Budissa Budyšin

18.07. 18:30  Jednota Kamjenc

  – Budissa Budyšin

04.08. 15:00  FSV Łuty

  – Módro-běli Kulow

Šěsćdypkowa partija

Dźensa we 18.30 hodź. nastupi w Ku­lowje třeći wólnočasneje ligi Zapado­łužiskeho koparskeho zwjazka přećiwo prěnjemu. Módro-běli Kulow wočakuja zastupnistwo Sokoła Ralbicy/Hórki. Te je dotal jenož jednu dypkowu hru přěhrało, a to doma přećiwo Kulowčanam. Jeli Sokoł dobudźe, móhł wón předskok na zakitowarja titula na šěsć dypkow rozšěrić.

Honja za bulom a keheluja

ST Rakecy přewjedźe 6. a 7. julija sportowy swjedźeń. Pjatk wot 18.30 hodź. woča­kuje tamniša stara koparska garda hrajerjow Wojerowskeho FC. Kehelerjo wubědźuja so w samsnym času wo hejdušny pokal. Za sobotu je koparski turněr ze štyrjomi mustwami planowany. Za bulom honić chcedźa FSV Budissa Budy­šin, Biskopičanske KT 08, Jednota Kamjenc a Rakečanske ST.

Hórki Róžant narunaja

Sport (28.06.18)

štwórtk, 28. junija 2018 spisane wot:

Aktualna tabulka wólnočasneje koparskeje ligi starych knjezow WFV

1. Sokoł Ralbicy/Hórki 9 37 : 9 24

2. Natwar Wojerecy 9 37 : 13 21

3. Módro-běli Kulow 9 18 : 8 20

4. HZ Hórnikecy/Ćisk 8 23 : 21 13

5. Jednota Wojerecy 8 9 : 15 12

6. Aktiwist Wojerecy 8 28 : 36 12

7. LSV Hory 9 19 : 13 10 

8. HZ Rakecy/Šćeńca 7 8 : 15 7

9. HZ Bluń/Lubuš 8 9 : 16 4

10. Lok Wojerecy 9 8 : 50 0


Delenjo we Wojerecach jara sylnje hrali

Lok Wojerecy

– Sokoł Ralbicy/Hórki 1:8 (0:5)

Zestawa hosći: Mjetaš-Wowčer – Rychtar, Schultz, Matka, M. Žur, Jakubaš, Lulak,­ Šołta, Šwejda, Brückner, Hrjehor, Strelow, S. Žur, Krawc, Brězan

Na 7. hrajnym dnju wólnočasneje ligi starych knjezow Zapadołužiskeho koparskeho zwjazka wjedźeše jězba Sokoła Ralbicy/Hórki do Wojerowskeho stareho města k Lok Wojerecy. Lok drje steji z nul dypkami na poslednim městnje tabulki, tola hdys a hdys so jej překwapjenka radźi.

Snano cyle derje tak

štwórtk, 28. junija 2018 spisane wot:
Jako jedyn z „80 milionow zwjazkowych koparskich trenarjow Němskeje“ zwažu sej rjec: Zo je naša koparska wubranka na swětowych mišterstwach w Ruskej dočasnje hižo w předkole zwrěšćiła, bě wotwidźomne. Přesłabe běchu wukony w poslednich hrach do turněra. Tež argument, zo ma Němska „turněrowe mustwo“, ­kotrež so z kóždej hru stopnjuje, hižo njepłaći. Snano kónc Němskej tež tyje. Nochcył sej předstajić, by-li w tajkej słabej ­formje přećiwo Brazilskej nastupić dyrbjała. Snano bychu Južnoameričenjo składnosć wužili a so za historiski debakl 7:1 rewanšowali, kotryž je jim němske narodne mustwo před štyrjomi lětami doma načiniło. Tehdy dźě bě sej na kóncu trofeju swětoweho mištra wubědźiło. Wot teje formy bě lětsa chětro zdalene. Sym sej ­wěsty, zo zwjazkowy koparski trenar ­Joachim Löw zastojnstwo złoži. Wón je mudry dosć widźeć, zo trjebamy nowo­započatk. Marko Wjeńka

Prěni raz w stawiznach swětowych koparskich mišterstwow je němske narodne mustwo hižo w předkole zwrěšćiło a domojjězbu nastupiło. Wčera podleža wone Južnokorejčanam z 0:2. Wrota třělichu ći w přidatnym hrajnym času. 1:0 Younga-Gwona Kima najprjedy njepłaćeše, dokelž bě pobóčny asistent nimohru spóznał. Sudnik Mark Geiger pak njepřewidnu scenu hišće raz na wobrazowce pruwowaše a rozsudźi na wrota. Posledni při bulu bě Toni Kroos (92.). W tej fazy hry wrotar Manuel Neuer swoje wrota wopušći, zo by so sobu do zadwělowanych nadběhow podał. Němcy pak bul zaso raz zhubichu a Son Heung-min zwyši po konteru na 2:0 (96.). Tři hry, tři słabe wukony, špatne wužiwanje wulkošansow, žadyn trěbny zapal. A k tomu su wjacori hrajerjo a po wšěm zdaću tež trenarjo a zamołwići hižo daloko přez swój cenit.

Nowy trenar

štwórtk, 28. junija 2018 spisane wot:

Detlef Scholze z Kulowa je nowy trenar prěnjeho koparskeho mustwa Módro­běłych Kulow. 52lětny je ženjeny a nan dweju synow. Powołansce dźěła wón jako­ kładźer podłohow w firmje Graf & Maiwald. Jako šěsćlětny bě hižo pola Natwa­ra Wojerecy za bulom honić za­počał. Pozdźišo šnórowaše wón kopački za Aktiwist Čornu Pumpu, Brězk, Zły Komo­row a za Hrajne zjednoćenstwo Akti­wist Čorna Pumpa/FSV Wojerecy. Wot lěta 1995 je wrotar Módro-běłych Kulow, a čini to hač do dźensnišeho pola starych knjezow.

W prezidiju Módro-běłych wukonja Detlef Scholze funkciju sportoweho nawody. Přeco, hdyž ludźo pobrachowachu, je kaž wobornik wupomhał. Hižo trójce bě wón nazwučowar za wšelake mjezydoby. Wotnětka pak steji jako Kulowski šeftrenar při liniji. Werner Müller

Kónčna tabulka koparskeho dorosta

młodźina C, wokrjesna liga, stafla 1

1. Póst Germania Budyšin 18 106 : 16 52

2. Wulka Dubrawa/Radwor 18 116 : 29 43

3. ST Hnašecy-Dobruša 18 74 : 27 40

4. HZ Pančicy/Njebjelčicy 18 62 : 34 32

5. ST Porchow 18 45 : 46 31

6. HZ Horni kraj/Kumwałd 18 61 : 38 28

7. Kamjenc/Biskopicy II 18 38 : 69 18

8. ST Palow-Stachow 18 13 : 81 11

9. HZ Załom/Wernarjecy 18 14 : 82 10

10. HZ Huska/ST Hodźij 18 14 : 121 0

Z Francoskej a Danskej stej so cyłkaj prěni raz na swětowych koparskich mišterstwach w Ruskej bjez wrotow dźěliłoj. Wobaj pak stejitej we wosmifinalu. Francozojo kopachu z tak mjenowanym B-mustwom, wostachu pak na čole skupiny C. Trenar Didier Deschamps je swoju Équipe Tricolore hnydom na šěsć po­zicijach změnił. Tak steješe na přikład Steve Mandana za Huga Llorisa we wrotach, a w nadběhu hraješe Thomas Lemar za superstara Kyliana Mbappéja.

W dalšej hrě wčerawšeho popołdnja měješe Awstralska z dobyćom hišće móž­nosć, koło najlěpšich šěsnaćoch doc­pěć­. Dźiw pak so njesta. Awstralčenjo podležachu wubrance Peruwa 0:2. Z direktnej třělwu trjechi za nju André Carillo we 18. min., a krótko po połčasu zwyši Paolo Guerrero na 2:0 (50.). Carillowe wrota běchu zdobom prěnje za Peru na swětowych mišterstwach po 36 lětach. Kosta Rika je tuž dotal­ jeničke mustwo na aktualnym turněrje bjez wrotoweho wuspěcha.

FCE trenuje za nowu ligu

srjeda, 27. junija 2018 spisane wot:

FC Energija Choćebuz, postupnik do tře­ćeje koparskeje ligi Němskeje, je přihoty na nowu sezonu zahajiła. Tydźe­nja dyrbjachu hrajerjo na test laktata a na medicinske přepytowanja. Na to zapo­čachu trenować. Sezona 2018/2019 započ­nje so wot 27. do 30. julija. Wot 23. decembra přizamknje so pjećtydźenska přestawka. Finalny hrajny dźeń budźe 18. meje, a po tym relegacija do druheje zwjazkoweje ligi.­ Wo relegaciji pak w Choćebuzu njerěča. Tam dźe jeničce wo to klasu dźeržeć, štož je hłowny zaměr FC Ener­gije za při­chodnu hrajnu dobu.­ Hrać budu łužiscy koparjo sobotu a njedźelu stajnje wot 14 hodź., pjatk a srjedź tydźenja wot 19 hodź.

Žadosćiwje wočakowany hrajny plan budźe hakle w běhu tydźenja wozjewjeny. Dokładny datum pak hišće znaty njeje. Zo by FCE derje přihotowana była, su zamołwići treningowe jednotki po­dlěšili. Zwjetša traje jedna tajka dwě ho­dźinje. Jeničku wotměnu tworja při tym testowe partije, kotrež maja trenarjam wažne dopó­znaća wunjesć.

Přihoty na nowu sezonu zahajene

srjeda, 27. junija 2018 spisane wot:
Dźens tydźenja je regionalny koparski ligist Budissa Budyšin do přihotow za nowu hrajnu dobu 2018/2019 startował. Wšitcy hrajerjo su so na prěnich treningowych jednot­kach wobdźělili, k tomu hišće někotři probowi. Mjez koparjemi Budis­sy bě tež Njebjelčan Jonas Krawčik (srjedźa, čisło 8). Dźensa wobdźěli so mustwo na firmowym běhu DAK w Budyšinje a 7. julija w Rakecach na koparskim turněrje tamnišeho sportoweho towarstwa. Foto: Torsten Zettl

Wuslědki (27.06.18)

srjeda, 27. junija 2018 spisane wot:

Kónčne tabulki dorosta Zapadołužiskeho koparskeho zwjazka

młodźina A, wokrjesna liga, stafla 2

1. HZ Jednota Kamjenc/ST Kinspork/

Łužnica 21 62 : 42 44

2. HZ SZ Großnaundorf /Lomnitzer SV 

 21 51 : 38 41

3. HZ FSV Bretnig-Hauswalde/

TSV Połčnica 21 65 : 50 35

4. HZ ST Ćisk/HZ Łaz/Běły Chołmc/

LSV Hory 21 45 : 43 33

5. SC 1911 Großröhrsdorf 21 66 : 60 27

6. FV Ottendorf-Okrilla 21 53 : 56 25

7. TSV Wachau 21 47 : 69 22

8. HZ SC Hlinowc 1931/

ST Marijina hwězda 21 39 : 70 18

młodźina B, wokrjesna liga, stafla 1

1. ST Horni kraj Sprjewja 16 94 : 19 42

2. Póst Germania Budyšin 16 75 : 29 40

3. HZ ST 1896 Wulka Dubrawa/

ST 1922 Radwor 16 77 : 13 39

4. HZ ST 1910 Drohotka Ramnow/

ST Porchow 16 55 : 63 26

5. HZ ST Bart/Budissa 08 Budyšink/

ST Traktor Malešecy 16 39 : 57 19

6. HZ ST Módro-běli Njeswačidło/

Rakečanske ST 16 35 : 84 15

7. HZ ST Huska/ ST Palow-Stachow/

ST Hodźij 04 16 38 : 82 12

8. TSV Wóspork/Hrodźišćo 16 34 : 72 11

9. SZ Wjelećin 16 23 : 51 6

młodźina B, wokrjesna liga, stafla 2

1. HZ Sokoł Ralbicy/Hórki/

Módro-běli Kulow 16 97 : 15 48

2. Jednota Kamjenc 16 47 : 36 32

3. HZ ST Ćisk/LSV Hory/

HZ Łaz/Běły Chołmc 16 49 : 29 31

4. HZ SZ Großnaundorf/

Lomnitzer SV  16 50 : 36 27

5. ST Kinspork/Łužnica 16 44 : 41 25

6. HZ ST Běła-Cunnersdorf/

Natwar Němske Pazlicy/

SV Haselbachtal 16 40 : 65 17

7. HZ FSV Bretnig-Hauswalde/

TSV Połčnica II 16 36 : 61 16

8. HZ Jězorowy kraj ST Lubuš/

LSV Bluń 74 16 21 : 60 10

9. SV Hermsdorf 16 15 : 56 5

nawěšk

  • Tež lětsa je Domowina na swjedźenskim zarjadowanju wjacorym čestnohamtsce skutkowacym Serbam Myta Domowiny, Čestne znamješko Domowny a tohorunja čestne čłonstwo třěšneho zwjazka spožčiła.  Mjez wuznamjenjenymi běchu zastupjerjo wjacorych generacijow.

nowostki LND