Pokalnu hru wysoko přěhrali

štwórtk, 13. septembera 2018 spisane wot:

Dalše hry Chróšćanskich koparjow:

16.09. 15:00 SJ Chrósćicy –

  Drježdźany 06 Laubegast

22.09. 15:00 SC Großröhrsdorf –

  SJ Chrósćicy

30.09. 15:00 SJ Chrósćicy –

  SC Borea Drježdźany

06.10. 15:00 ST Horni kraj Sprjewja –

  SJ Chrósćicy


SC Syrau – SJ Chrósćicy 5:1 (3:1)

Zestawa hosći: Králíček – Šiman, L. Zahrodnik (51. Lešawa), Sentiwan, Püschel, Runt, M. Zahrodnik, Dehn (77. Špitank), G. Zahrodnik, Henzl (89. Cyž), Młynk

Z nowymi trikotami do sezony

štwórtk, 13. septembera 2018 spisane wot:
Koparski dorost młodźiny F Sportoweje jednotki Chrósćicy je z nowymi trikotami do hrajneje doby 2018/2019 startował. Dariła je drastu koparjam firma Eldakon ­z Noweje­ Wjeski. Dźěći kaž tež trenarjej Stefan Šmit a Dominik Dyrlich dźakuja so mějićelej Křesćanej Šołće za podpěru. Po dwěmaj hrajnymaj dnjomaj maja Chróšćenjo tři dypki na konće a nadźijeja so, zo budźe jich dale a wjac. Foto: Dominik Dyrlich

Wuslědki (13.09.18)

štwórtk, 13. septembera 2018 spisane wot:

Kopańca, wokrjesne pokalne koło

LSV Hory II – ST Porchow 3:6 (2:1) p.p.

Mały Wjelkow – Haselbachtal 0:6 (0:3)

Kinspork/Łužnica II – Arnsdorf II 0:4 (0:0)

Drjewnica – Łaz/Běły Chołmc0:1 (0:0)

Steinigtwolmsdorf – W. Ždźary 2:4 (0:2)

Wóslink/Skaskow – Rakecy 0:5 (0:1)

HZ Bretnig-Hausw. II – ST Lubuš 0:3 (0:2)

Minakał – FV Ottendorf-Okrilla 2:4 (2:0)

HZ Pančicy II – Sepicy2:5 (1:3)

Němske Pazlicy II – Biskopicy II 7:3 (4:2)

ST Hlinowc – Arnsdorfske KT II 0:2 (0:2)

Wjelećin II – Großröhrsdorf II 0:5 (0:2)

krajne pokalne koło

SC Syrau 1919 – SJ Chrósćicy 5:1 (3:1)

Fortuna Kamjenica – Taucha 99 0:2 (0:0)

MB Lipsk – Wocl Riesa 10:9 (0:0) p.tř. j.

Přezjednota Niska – Glauchau 3:0 (0:0)

International Lipsk – Plauen 0:1 (0:1)

Wesenitztal – Drj. Laubegast0:4 (0:1)

Wilsdruff – Grodk3:4 (0:0) p.tř.j.

Striesen – Pirna-Copitz 07 6:5 (0:1) p.tř.j.

Zwenkau 02 – Oelsnitz 1:3 (0:3)

Heidenauer SV – Markkleeberg 1:6 (0:2)

Rotacija Drježdźany – Grimma 1:2 (0:0)

Hohenstein-E. – Chemija Lipsk 1:3 (0:1)

Naunhof – Reichenbachski FC 0:4 (0:4)

Motor Marienberg – Lößnitz 0:3 (0:3)

p.tř.j. = po třělenju jědnatkow

p.p. = po podlěšenju

Mustwo wohnjowych wobornikow z Róžanta a Sernjan smě sej pokal zarjadniskeho zwjazka Při Klóšterskej wodźe na přeco zdźeržeć a smě wubědźowanje woborow, kotrež zwjazkej přisłušeja, klětu wospjet zarjadować. Měrko Domaška, předsyda zarjadniskeho zwjazka, ma tuž nětko nowy pokal wobstarać. Móžno, zo hašenske wurisanje 2019 w Sernjanach přewjedu, wšako swjeći wjes potom 600lětne wobstaće.

Hru bjezmała z ruki dali

srjeda, 12. septembera 2018 spisane wot:

SJ Njebjelčicy – ST Nadrózna Hrabowka 3:2 (1:0)

Zestawa domjacych: Hahn – Kral (68. Ričel), Hrjehor, Pawlik, Šołta, Hoelzel (87. Domš). Hanuza, Haška, Lejnart, Čornak, Wagner (60. Korjeńk)

Za druhu domjacu hru běchu sej chowancy koparskeho trenarja Handrija Krawčika kruće předewzali, po jasnej poražce w Pančicach-Kukowje tři dypki nětko w Njebjelčicach zdźeržeć.

Hačrunjež poradźi so jim 1:0 hižo we 5. min. přez Gabriela Čornaka, so prawje do partije njenamakachu. Přećiwnik wustupowaše ćělnje robustnje, a někotři hrajerjo so nastajnosći hóršachu a reklaměrowachu. Tak nasta do přestawki jenož mało šansow. Najlěpšu měješe na stronje domjacych Sandro Šołta. Wón pak zhłójčkowa bul po přihrawce Ronyja Hanuzy w 13. min. nimo wrotow.

We wosmifinalu krajneho koła

srjeda, 12. septembera 2018 spisane wot:

Angermündeski FC – FC Energija Choćebuz 0:3 (0:1)

Zestawa hosći: Rauhut – Starcew, Stein, Baude (60. Graudenz), Schlüter, Stanese, Knechtel, Zimmer, de Freitas (80. Zi­ckert), Viteritti (78. Broschinski), Mamba

Tež bjez škita dohladowanja šeftrenarja Clausa-Dietera Wollitza, kiž bu na kolenu operowany, je FC Energija Choćebuz w pokalu koparskeho krajneho ligista Angermünde z 3:0 porazyła a koło čisło tři docpěła. Hosćićeljo drje z něhdyšim dorostowym hrajerjom FCE Janom Beck­mannom přeco zaso nadběhowachu, škit wokoło druheho wrotarja FC Energije Kevina Rauhuta pak bě stajnje na městnje. Tak su wrota Marcela de Frei­tasa do přestawki kaž tež Fabija Viterittija a Fabiana Graudenza po přestawce přez dlěši čas jednostronsku partiju rozsudźili. A FCE postara so wo wěsty zaćah do wosmifinala. K finalnej partiji Babelsberg – Choćebuz pak klětu dóńć njemóže. Mustwo z filmoweho městačka je doma přećiwnikej Union Fürstenwalde z 2:3 podležało. Georg Zielonkowski

Serbscy starterojo z brawuru wobstali

srjeda, 12. septembera 2018 spisane wot:

Wo 9. Połčničanskich strowotniskich běhach

31. awgusta wubědźowaše so 486 sportowčow a sportowcow we wobłuku 9. Połčničanskich strowotniskich běhow na distancach 0,8 hač do 10 kilometrow. Mjez nimi wojowaše na čarje 5 km tež 55 lubowarjow walkinga. Atleća běchu hłownje ze Sakskeje, ale tež z Braniborskeje, Berlina a něhdźe třicećo z pólskeje Złotoryje pola Legnicy, partnerskeho města Połčničanow. Tež tónkróć wobdźěli so zaso dźesatk serbskich entuziastow z brawuru.

Na 0,8 km (97 w cilu) a 2,0 km (76 w cilu) wubědźowachu so młódši a starši šulerjo. Dobyćerjej na 0,8 km běštaj Paul Frenzel (2:59 min) a Theresia Hesse (3:12 min). Šuler Budyskeje Serbskeje šule Jarek Schade wubědźi sej samo cyłkowne třeće městno w swojej starobnej skupinje (sk) U 10 w spěšnych 3:04 min a Franc Žur w sk U 8 z 4:38 min 9. městno.

Zhromadny zazběh sezony so nimokulił

srjeda, 12. septembera 2018 spisane wot:

Módro-běłe Wojerecy – HZ Pančicy-Worklecy 3:1 (23:25, 25:21, 26:24, 25:22)

Po poradźenej generalce w předkole wobwodneho pokala, jako OSC Lubijej z 0:2 podležachu a přećiwo JTVG Koblicam z 2:1 dobychu, běchu volleyballistki Hrajneho zjednoćenstwa Pančicy-Worklecy sobotu tydźenja hósć zastupnistwa Módro-běłe Wojerecy w prěnjej dypkowej hrě sezony. Ze snadnym dobyćom 25:23 dźěše prěnja sadźba na konto Pančičankow-Worklečankow. Tež přichodnej sadźbje běštej napjatej, tej pak zawěsćichu sej hosćićelki z 25:21 a 26:24. Nětko rěkaše za hóstne hrajerki, wšitke mocy mobilizować. Zazběh do štwórteje sadźby pak zaběža hinak hač planowane. Po krótkim času ležachu wone z dźesać dypkami w zastatku. Z mudrymi taktiskimi změnami a ze sylnym mustwowym wukonom pak žony hrajneho zjednoćenstwa dale wojowachu. Přiwšěm njemóžachu so z dobyćom mytować, přetož podle­žachu Wojerowčankam z 22:25.

Wuslědki (12.09.18)

srjeda, 12. septembera 2018 spisane wot:

Kopańca, wokrjesne pokalne koło

ST Bart II – SJ Chrósćicy II 1:5 (0:0)

Augustusbad – Marijina hwězda 1:6 (1:5)

TSV Wjazońca – ST Ćisk II 3:0 (0:0)

Łaz/Běły Chołmc II – N. Hrabowka 

3:5 (1:0) po podlěšenju

TSV Połčnica II – ST Wjelećin 1:5 (1:0)

ST Lubuš II – ST Mały Wosyk 5:0 (1:0)

Budissa Budyšink – Malešecy0:11 (0:3)

Kulow II – Germania Budyšin 2:3 (0:1)

Wětnica/Hola/Łuty II – Wachau 0:5 (0:1)

ST Kubšicy – Bretnig-Hauswalde 1:2 (0:1)

ST Budyšin II – TSV Wjernarjecy 2:3 (0:0)

ST Bart – ST Budyšin1:3 (1:0)

Z wulkim sebjewědomjom wustupowali

wutora, 11. septembera 2018 spisane wot:

FC Čerwjeno-běli Erfurt

– FSV Budissa Budyšin 1:0 (1:0)

Zestawa hosći: Ebersbach – Mack (81. Bär), Patka, Hoßmang, Krall, Weiß, Ciapa, Treu, Schmidt, Merkel (71. Langr), Bönisch

Po dosć dobrym zazběhu noweje hrajneje doby su sej koparjo Budissy Budyšin za partiju w Erfurće tójšto předewzali. Wobě mustwje dotal hišće ženje přećiwo sebi­ nastupiłoj njeběštej. Čerwjeno-běli, kotřiž běchu z třećeje ligi zestupili, njemóžachu wot měrca doma hižo dobyć. Tež w prě­nimaj hromaj nětčišeje sezony přećiwo Auerbachej a Kamjenicy so jim žane wrota poradźili njejsu. Tak steja­chu nětko pod njesměrnym ćišćom. Byrnjež do hry w tabulce za Budissu zaměstnjeni byli, pak běchu tónraz přiwšěm jasny faworit.

nawěšk

  • Spěchowanski kruh za serbsku ludowu kulturu je 16. a 17. měrca mjeztym 28. serbske jutrowne wiki w Budyskim Serbskim domje wuhotował. Wiki běchu jara wuspěšne, tež nastupajo ličbu wopytowarstwa. Tule smy wam někotre fotowe impresije z wikow zestajeli

nowostki LND