Kopar lěta FC Energije

wutora, 13. februara 2024 spisane wot:
Kaž hižo před lětom wuzwolichu fanojo FC Energije Choćebuz tež za kalendrowe lěto 2023 Axela Borgmanna (srjedźa) za koparja lěta. Bohužel torhny sej kapitan 6. oktobra zašłeho lěta na wonkownej partiji w Eilenburgu křižny pask, tak zo šěsć zbytnych hrow swojeho towarstwa hač do zymskeje přestawki zranjeny wupadny. Borgmann ma njewšědne kwality jako wodźacy hrajer a tež zwonka stadiona je wón chětro wosebity čłowjek. Foto: Georg Zielonkowski

Horca hra po wulkej změnje

póndźela, 12. februara 2024 spisane wot:

Sokoł Ralbicy/Hórki –

HZ Łaz/Běły Chołmc 5:1 (1:1)

Zestawa domjacych: Chr. Gloxyn – Rawš, Heidorn, Schultz, Woko – Šewc, D. Gloxyn, Bejmak, Šołta, Domaška, Šiman

Turbulentne dny je prěnje mustwo Sokoła Ralbicy/Hórki dožiwiło. Njedźelu tydźenja steješe w testowej hrě hišće Tomaš Henčl při liniji delanskich koparjow, hnydom po tutej pak wón mustwu zdźěli, zo jich wjac trenować njebudźe. Cyle spěšnje pak zaskoči něhdyši trenar Thomas Schultz, dokelž je to za njeho wutrobita naležnosć. Štwórtk 60lětny potom prěnju treningowu jednotku nawjedowaše, njedźelu w prěnjej dypkowej hrě zaso debiowaše, a to wuspěšnje. Běše to chětro horca hra na twjerdym hrajnišću w stadionje „Jurij Frencl“.

Karnewal a póstny čas

póndźela, 12. februara 2024 spisane wot:

Köln (B/SN). Tak mjenowany pjaty počas su hižo před 5 000 lětami w Mezopotamiskej swjećili, a tón je so po cyłym swěće wšelako wuwił. Wot 19. lětstotka zahaja so karnewalska sezona na swjateho Měrćina 11. nowembra, něhdy běše to w němskich krajach na Třoch kralow 6. januara. Z popjelnej srjedu započina so 40dnjowski póstny čas jako přihot na najwjetši swjedźeń křesćanow, na jutry.

Bamž na list wotmołwił

Vatikan (B/SN). W nowembrje je 400 židow w lisće bamža Franciskusa prosyło, zo by wón terorowy nadpad Hamas na Israel jasnje zasudźił. Wotmołwa pontifeksa bě: „Moja wutroba je wam bliska, swjatemu krajej, wšěm tam bydlacym ludźom, Israelčanam kaž Palestinjanam. Modlu so, zo by žedźba za měrom we wšěch ludach dobyła.“ Bamž so tež dale wo pušćenje zastajencow modli.

Zastup do katedralow

Widźał, słyšał, napisał (12.02.24)

póndźela, 12. februara 2024 spisane wot:

Awtor dźensa

Clemens Šmit

„Póstnicam sym clown so přehotował …“ – to je sej zawěsće tež někotryžkuli hrajer z Mnichowa sobotu wječor po top-hrě přećiwo Bayer 04 rjekł. 3:0 su koparjo z Leverkusena poprawneho ligoweho primusa porazyli. Njebě pak jenož jasny rezultat poražki, kotryž dyrbjał trenarja Bayerow z Mnichowa, Thomasa Tuchela zaběrać. Tež cyłkowny mustwowy wukon njewotpowědowaše duelej prěnjeho přećiwo druhemu. To dopokazaja tež ličby sportoweho portala KICKER. Tak njeje sej mustwo po jich ličenju w běhu cyłeje hry přećiwo Leverkusenej ani jednu woprawdźitu šansu z wotzamknjenjom na přećiwniske wrota wuhrało! Jako dopomnjenka: Za Bayerow su zašłu sobotu mjez druhim Kane, Musiala a Sane zasadźeni byli. Hižo­ wot lěta 1989 zběraja reporterojo KICKERa­ tute ličby. Bayeram bě so dotal jenož dwójce poradźiło w hrě bjez šansy wostać – 1995 přećiwo Rostockej a zašłu sobotu.

Wuslědki (12.02.24)

póndźela, 12. februara 2024 spisane wot:

Kopańca, wokrjesna wyša liga

Hnašecy-Dobr. – Hlinowski SK  4:0 (1:0)

ST Ćisk – TSV Wachau 1:3 (0:3)

TSV Połčnica – SC Großröhrsdorf 0:0 (0:0)

ST Radwor – Drohotka Ramnow 0:6 (0:5)

Něm. Pazlicy – Ottendorf-Okrilla  4:0 (1:0)

Sokoł – Łaz/Běły Chołmc 5:1 (1:1)

1. ST Hnašecy-Dobruša 16 73 : 26 38

2. Biskopičanske KT II 16 51 : 10 38

3. ST Horni kraj-Sprjewja 16 52 : 18 38

4. Sokoł Ralbicy/Hórki 16 42 : 19 35

5. SG Großnaundorf 16 28 : 28 30

6. SC Großröhrsdorf 16 34 : 25 27

7. Módro-běli Kulow 16 31 : 26 25

8. Natwar Němske Pazlicy 16 45 : 41 24

9. Drohotka Ramnow 15 35 : 26 21

10. TSV Połčnica 16 24 : 32 19

11. HZ Łaz/Běły Chołmc 16 15 : 43 15

12. TSV Wachau 15 30 : 41 14

13. FV Ottendorf-Okrilla  16 23 : 43 13

14. Hlinowski SK  16 26 : 41 12

15. ST Radwor 16 22 : 61 9

16. ST Ćisk  16 21 : 72 3

Sport (09.02.24)

pjatk, 09. februara 2024 spisane wot:

Serbski koparski derby

We wokrjesnej wyšej lize steji na hrajnym planje serbski koparski derby, a to njedźelu w Radworju. W samsnym času hraja w krajnej klasy Chróšćenjo.

11.02.  13:30  Budissa Budyšin –

  ST 09 Arnstadt

11.02.  14:00  SJ Chrósćicy –

  FSV Nowosólc-Hródk

11.02.  14:00  ST Radwor –

  Sokoł Ralbicy/Hórki

Přihotowanske koparske hry

Wokrjesny ligist sportowe towarstwo Marijina hwězda testuje dźensa wječor pod swětłomjetakami w Kamjencu a zastupjer wokrjesneje klasy SJ Njebjelčicy njedźelu we Wojerecach.

09.02.  18:30  HZ Łužica –

  ST Marijina hwězda

11.02.  14:00  Wojerowski FC II –

  SJ Njebjelčicy

17.02.  11:45  TSV Połčnica II –

  SJ Njebjelčicy

Kickerowy turněr

Lětuši kickerowy turněr Wotrowskeje młodźiny přewjedźe so sobotu, 9. měrca, w tamnišej starej šuli. Maksimalnje 64 dwójkow smě sobu hrać. Přez 50 je so hižo přizjewiło. Na Facebooku su přizjewjenja hišće móžne. Cyłki zahraja so wot 13 hodź., prěnja hra započnje so w 14.30 hodź.

Kćenjowe běhi a kolesowanje

Liški po sylnej hrě podleželi

štwórtk, 08. februara 2024 spisane wot:

Lodowe mjedwjedźe Regensburg –

Łužiske lodohokejowe liški 3:2 (2:0, 1:2, 0:0)

Hra započa so jara aktiwna a Liški pokazachu hižo w prěnich mjeńšinach dwě, tři rjane móžnosće. Tola lodowe mjedwjedźe docpěchu hnydom při prěnim prawym nadběhu prěnje wrota. Prěnja zestawa domjacych bě na lodźe a hrajer ze złotym nahłownikom Andrew Yogan přetwori k 1:0 (5.). Złoty nahłownik Regensburga njeje jenož znamjo za najlěpšeho třělca wrotow swojeho mustwa, ale tež z wotstawkom najlěpšeho cyłeje ligi. Liški hrajachu w prěnim wotrězku aktiwnje sobu a mějachu statistisce samo wjace šansow hač hosćićeljo. Ći běchu pak zaso prosće efektiwniši a třělichu 2:0 (13.). Abot Girduckis steješe na prawym městnje a suny hrajny nastroj pod pažu Matthewa Galajdya do saka. Na stronje Liškow měještaj Ville Järveläinen a Sam Dove-McFalls sylne móžnosće na wrota, njepřińdźeštaj pak z čornej tačelu nimo Thomasa McColluma.

Serbske šule w regionalnym finalu

srjeda, 07. februara 2024 spisane wot:

Za regionalne šulerske finale „Młodźina trenuje za olympiju“ we wolejbulu w starobnej klasy SK III běchu so hnydom tři serbske cyłki kwalifikowali. Holče mustwo z Ralbic, hólče mustwo z Worklec a hólči cyłk Serbskeho gymnazija Budyšin.

Zastupnistwo Serbskeho gymnazija Budyšin zahaji turněr ze swojej prěnjej hru přećiwo gymnaziastam z Niskeje a doby prěnju sadźbu 25:18. Druhu sadźbu wotedachu Budyšenjo na Nisku 22:25. W rozsudnym tiebreaku podležachu 9:15. W druhej hrě nastupichu Worklečan hólcy přećiwo gymnazijej ze Žitawy. Z rezultatom 19:25 a 15:25 z wida Worklečanow su přěhrali. Tež w třećej partiji dnja podleža Worklečan hólče mustwo po třomi sadźbami (13:25, 25:19, 12:15). Štwórtu hru dnja dobychu Žitawčenjo přećiwo serbskim gymnaziastam 25:21 a 27:25. W serbskim derbyju podležachu Worklečan hólcy 25:23, 12:25 a 16:14 snadnje wolejbulistam z města.

Holcy z Ralbic běchu so prěni raz na regionalnym finale wobdźělili a nazběrachu tójšto nazhonjenjow. Přećiwo gymnazijam ze Žitawy, Niskeje a Biskopic stajnje 0:2 podležachu. Zdźěla pak běchu hry chětro wuske.

kónčny rezultat:

hólcy WK III

1. F.-Schleiermacherowy gymnazij Niska

Sponsorowy turněr Budissy

srjeda, 07. februara 2024 spisane wot:
Mustwo trenarjow dorosta Budissy Budyšin je zašły štwórtk halowy koparski turněr sponsorow dobyło. We wjacezaměrowej hali Gottlieba-Daimleroweje wyšeje šule přesadźi so wone přećiwo zastupnistwu předewzaća Mayer a cyłkej Energijowych a wodowych zawodow Budyšin. Na dalšich městnach sćěhowachu mustwo fitnesowy studijo Clever fit, Hantušec awtowy dom, kotrež hraješe zhromadnje z bankownikami Ludoweje banki Drježdźany-Budyšin, twarski zawod Hentschke a mustwo fanow Budissy Budyšin. Foto: Jörg Stephan

Tři sadźby za tři dypki

wutora, 06. februara 2024 spisane wot:

Za prěnje zastupnistwo zasadźene běchu: Fanny Hassemeier, Marina Köhler, Stefanie Köhler, Jennifer Otto, Constance Pötschke, Rejzka Rawšec, Kathrin Spiesec, Tadeja Šeferec, Rejzka Wjeńcyna; trenarka: Daniela Kralec

Sobotu bě so prěnje wolejbulowe zastupnistwo žonow Viktorije Worklecy do Běłeje Wody po­dało. Běłowodźanki hrajachu prěnju hru přećiwo Póst Drježdźanam, potajkim přećiwo načolnikej tabulki. Domjace zastupnistwo steješe na pjatym a z tym předposlednim městnje sakskeje klasy stafla wuchod. Tež hdyž bě zaměstnjenje tak rozdźělne, poradźi so Běłowodźankam po zastatku dweju sadźbow wurunać 2:2 (16:25, 16:25, 25:21, 25:20), tak zo so tiebreak wuhra. Tola Drježdźanjanki wobchowachu čuwy a rozsudźichu hru naposledk 15:8 za sebje. Běła Woda wudoby sej z kóncom prěnjeje hry dalši dypk w tabulce a bě z tym po dypkach z Worklečankami wurunała.

TSG Hamor Běła Woda –

ST Viktoria Worklecy 0:3

(21:25, 15:25, 10:25)

Serbska debata

nowostki LND