Dypki domjacym přewostajili

srjeda, 05. decembera 2018 spisane wot:

VfL Osnabrück

– FC Energija Choćebuz 3:1 (1:0)

Zestawa hosći: Spahić – Starcew (46. Rangelow), Matuwila, Schneider (46. Scheidhauer), Stein, Weidlich, Gehrmann, Viteritti, Holthaus (78. Beyazit), Schlüter, Mamba

„W prěnim połčasu njejsmy dosć aktiwni byli. Njejsmy sej dypk tuž zasłužili“, rjekny přesłapjeny trenar koparjow FC Energije Choćebuz Claus-Dieter Wollitz po poražce na městnje, na kotrymž je Wollitz něhdy raz dźěłał. A woprawdźe, hosćo z Łužicy su načolnikej 3. ligi prěni połčas přewostajili, tak zo běchu ze zastatkom 0:1 hišće dosć derje posłuženi.

Hakle po přestawce so Energija do hry namaka. Chcyjo wurunanje docpěć pak měješe w škiće wjetše dźěry. Jednu tajku hosćićel wuži a zwyši na 2:0 (82.). To běchu njetrjebawše wrota, dokelž poradźi so Fabijej Viterittijej z přichodnej akciju 2:1 (87.) Znowa chcyše FCE remis, ale wospjet bě přewjele jeho hrajerjow prědku, tuž třěli domjacy cyłk dalše wrota (88.). Tak sydaše njetrjebawša sedma poražka sezony. Georg Zielonkowski

Skónčnje prěnje dobyće swjećili

wutora, 04. decembera 2018 spisane wot:

ST 1922 Radwor – Póst Germania Budyšin 2:0 (0:0)

Zestawa domjacych: Jendrewski – Šěrak, Zähr (63. Omran), Bauer (72. Wjacławk), Wjeńka, Nuk, Kral, Hančik, Winar, Amar (90. Hettasch), Henka

Njedźelu popołdnju dyrbjachu so Ra­dworscy koparjo doma z Póstom Germaniju z Budyšina rozestajeć. Po dobrym druhim połčasu w Dobruši chcychu chowancy trenarja Andreasa Schultzy nětko cyłe 90 mjeńšin wo dypki wojować. Z wulkim elanom startowachu woni do hry, přiwzachu dwuboje a móžachu sej tak tež dobre šansy wuhrać. Partija běše hač do poslednjeho wokomika napjata a skónčnje raz z lěpšim wukóncom za Radworske ST.

Wučerjo nós prědku měli

wutora, 04. decembera 2018 spisane wot:
Wučerjo-wolejbulisća Serbskeho gymnazija Budyšin (na wobrazu w čornych cholowach a zelenych košlach w hrě přećiwo hosćićelej z Chrósćic) su wčera wječor tradicio­nalny Mikławšowy turněr Sportoweje jednotki Chrósćicy w tamnišej „Jednoće“ dobyli. Na wubědźowanju šěsć wólnočasnych mustwow přesadźichu so pedagogojo ze sprjewineho města přećiwo ST 1922 Radworjej, Mustwu 1296, Viktoriji Worklecy, SJ Chrósćicam a Žołto-módrym Kulow. Přichodny z dohromady šěsć wolejbulowych­ turněrow wólnočasnych cyłkow budźe spočatk noweho lěta w Ku­lowje. Foto: Tomaš Šołta

Šulerjo-mjetarjo Wyšeje šule „Dr. Marja Grólmusec“ Slepo su so njedawno w Niskej na wu­bědźowanju „Młodźina trenuje za olym­piju“ wobdźělili. Holcy a hólcy 8. do 10. lětnika wobsadźichu na wokrjesnym finalu dwójce 3. městno. Přihotowała bě Sle­pjanskich šulerjow na wubědźowanje wučerka Ines Bönigk (nalěwo). Foto: Ines Bönigk

Poslednjemu tabulki podleželi

wutora, 04. decembera 2018 spisane wot:

HZ Rakecy/Šćeńca II

– SJ Njebjelčicy 1:0 (1:0)

Zestawa hosći: Matješk – Kral, Haška, Šołta, Hanuza, Domš, Lejnart, Hrjehor, Hoelzel, Ričel, Korjeńk

Po poměrnje dobrym wuslědku tydźeń do toho doma so koparjam Nje­bjelčanskeje SJ w Rakecach nimale ničo njezešlachći. Štož so dotal druhim cyłkam přećiwo poslednjemu tabulki po­­radźiło njeje, zdokonjachu Njebjelčenjo z dospołnje přesłapjacym wuslědkom 0:1. W spočatnych 25 mjeńšinach nadźěłachu sej woni tři do štyri šansy. Konsekwentnje wotzamknjena pak žana z nich njebu. Domjacy hrajachu ze sylnym ćělnym­ zasadźenjom, štož chowancam Handrija Krawčika tak prawje njetyješe. We 28. min. padnychu jeničke wrota partije­. Po wólnym kopje wotwobara Njebjel­čanski škit wysoku třělwu. Bul wotskoči do žerdźe, a Rakečan suny jón přez wrotowu liniju k 1:0.

Hórčanaj wuspěšnaj

wutora, 04. decembera 2018 spisane wot:
We Wojerecach přewjedźechu njedawno 14. płuwanski meeting, na kotrymž wobdźělištaj so tež płuwarka a płuwar z Hórkow. Za OSSV Kamjenc startowa­štaj we Wojerecach Jan Zarjeńk a jeho sotra Anika, šulerjej Wyšeje šule „Michał Hórnik“ Worklecy. Jan wubědźi sej jednu złotu a jednu bronzowu medalju, Ani­ka bronzu. Foto: Konstantin Hrjehor

Halowa kopańca

wutora, 04. decembera 2018 spisane wot:

Budissa Budyšin tež lětsa w decembrje a klětu w januarje wjacore halowe ko­par­ske turněry přewjedźe. Hrate budźe w dwěmaj sportowymaj halomaj.

Sportowa hala Wyšeje šule Gottlieba Daimlera

08.12.  09.00  młodźina G

08.12.  14.30 młodźina E

09.12.  09.00 młodźina F

09.12.  14.30  młodźina F

10.12.  18.00  turněr sponsorow

15.12.  09.00  młodźina D

15.12.  14.30  młodźina D

16.12.  09.00  młodźina F

16.12.  14.30  młodźina E

09.02.  14.00  stari knježa

Sportowa hala na Třělnišću

27.12.  09.00  młodźina B

27.12.  17.00  wo pokal SZ

(Budissa Budyšin U 21, Póst Germania Budyšin, FSV Wopaka, Rakečanske ST, ST Hnašecy-Dobruša, ST Horni kraj Sprjewja, Zeleno-běli Bukecy, ST Ćisk 1993)

28.12.  09.00  młodźina C

28.12. 15.00  młodźina C

29.12.  10.00  młodźina D

05.01.  14.00 20. Landskron-cup

(Budissa Budyšin, Biskopičanske KT 08, dobyćer SZ-turněra, Jednota Kamjenc, Přezjednota Niska, FC Hornja Łužica Neugersdorf, FSV Nowosólc-Hródk, VfL Pirna-Copitz 07)

Wobwodna wolejbulowa liga – žony

CVJM Zhorjelc  8 22 : 10 18

MB Wojerecy 7 21 : 10 17

JTVG Koblicy 8 17 : 16 14

OSC Lubij  7 15 : 10 13

Ochranowske wolejfantki 7 13 : 13 11

TSV Kundraćicy 6 12 : 12 9

ST Kupoj-Nowa Łuka  6 9 : 15 6

HZ Pančicy-Worklecy 7 10 : 18 5

VV Žitawa 09 II 8 8 : 23 3


CVJM Zhorjelc

– HZ Pančicy-­Worklecy 3:2

(19:25, 20:25, 25:12, 25:10, 15:3)

Za HZ zasadźene: Johanna Fiegler, Stefanie­ Köhler, Jana Kral, Alessandra Müller, Jennifer Otto, Lydia Rachelic, Anne­ Šołćic a Rejzka Wjeńcyna. Trenarjej: Daniela Kralec a Stephan Mühl

Wuslědki (04.12.18)

wutora, 04. decembera 2018 spisane wot:

Kopańca, regionalna liga muži

Babelsberg – Halberstadt 3:1 (1:0)

Hertha BSC II – Nordhausen 2:1 (0:0)

Erfurt – Altglienicke7:1 (1:1)

Meuselwitz – Lok Lipsk 0:0 (0:0)

Biskopicy – Berlinski AK 0:3 (0:3)

Fürstenwalde – Kamjenica 2:4 (1:2)

BFC Dynamo – Auerbach 0:3 (0:2)

1. Kamjeničanski FC 18 48 : 15 48

2. Berlinski AK 18 35 : 18 38

3. Čerwjeno-běli Erfurt 18 37 : 15 36

4. Hertha BSC II 18 36 : 23 34

5. Viktoria 1889 Berlin 18 26 : 17 30

6. Wacker Nordhausen 18 21 : 16 30

7. SV Babelsberg 18 31 : 22 27

8. Lok Lipsk 18 23 : 22 23

9. VfB Auerbach 18 21 : 27 22

10. Biskopičanske KT 18 15 : 28 21

11. Union Fürstenwalde 18 24 : 31 20

12. BFC Dynamo 18 20 : 34 20

13. Germania Halberstadt 18 23 : 27 19

14. VSG Altglienicke 18 28 : 37 19

15. HŁ Neugersdorf 17 18 : 29 19

16. Budissa Budyšin 18 11 : 26 18

17. ZFC Meuselwitz 18 27 : 37 17

18. Optik Rathenow 17 15 : 35 9

krajna klasa

Ćisk – Rotacija Drježdźany 0:0 (0:0)

Drježdź.-Strěžin – Neugersdorf II wupad

Oderwitz II – Chrósćicy wupad

Běła Woda – Großröhrsdorf 3:0 (1:0)

Nowe Město – Borea Drježdźany 5:2 (2:0)

Weixdorf – Laubegast 2:3 (0:3)

Trjebin – Horni kraj-Sprjewja 1:4 (0:2)

Njelepi před wrotami

póndźela, 03. decembera 2018 spisane wot:

HZ Wulke Ždźary

– SJ Chrósćicy II 2:1 (2:0)

Zestawa hosći: Hejduška – Donat, Kl. Mark, M. Zahrodnik, Wowčer, L. Zahrodnik (46. Ki. Mark), Dórnik, Špitank, Kral, Liznar, Šmit

Při włóžnym nazymskim wjedrje nastupi koparska rezerwa Chróšćanskeje SJ kónc tydźenja w Hórnikecach k předposlednjej hrě prěnjeje połserije. Špatny wuslědk přećiwo Wulkej Dubrawje chcychu chowancy wokoło kapitana Aleksandra Dórnika z dobyćom wurunać.

Serbska debata

nowostki LND