Michał Nuk na dobyćerskim podesće

srjeda, 15. apryla 2015 spisane wot:

38. Biskopičanske běhi

na dlěše distancy

Tradicionalny, a to hižo 38. Biskopičanski běh na dlěše distancy wotmě so při poměrnje přijomnym wjedrje. Hosćićelske Biskopičanske sportowe towarstwo TV 1848 běše tež lětsa z cyłkownje 496 startowacymi běharkami a běharjemi jara spokojom. Najsylnišo zastupjena ze serbskich wobdźělnikow běše Krawcec swójba – staršej a dźěsći – z Budyšina, startowaca za Hrubjelčicy. Nan Jan Krawc běhaše na najdlěšej distancy 21,1 km (106 w cilu, z nich 23 žonow). Wón bu w sylnje wobsadźenej starobnej klasy (sk) dwanaty (1:47:14 hodź.). Cyłkownaj dobyćerjej w połmarathonje běštaj Nico Pietsch (1:16:35 hodź.) a Marina Helas (1:39:00 hodź.), wobaj z Drježdźan.

Na 10 km zawěsći sej Budyšan Silvio Schade w sk 45 w spěšnych 38:33 min. jasne dobyće. Cyłkownaj dobyćerjej na 10 km (175 w cilu, z nich 57 žónskich) běštaj Marco Friedrich z Budyšina (34:28 min.) a Eva Lamm z Pirny (39:48 min.)

Wuslědki (15.04.15)

srjeda, 15. apryla 2015 spisane wot:

Kopańca, wokrjesna liga stafla III

1. Kinspork  18 54 : 15 43

2. Ottendorf-Okrilla  19 42 : 15 38

3. Marijina hwězda  20 34 : 32 33

4. Frankenthal  19 46 : 30 32

5. Großnaundorf  20 33 : 26 32

6. Großröhrsdorf II  18 28 : 31 28

7. Liegau-Augustusbad  19 42 : 33 26

8. Njebjelčicy  19 47 : 39 25

9. Němske Pazlicy  19 24 : 39 22

10. Arnsdorf  19 29 : 29 20

11. Porchow  19 26 : 33 20

12. Haselbachtal  19 22 : 36 19

13. Großharthau  18 19 : 43 14

14. Hermsdorf  20 22 : 67 14

33. volleyballowy turněr wo pokal Domowiny wuhódnoćili

Čłonojo předsydstwa Serbskeho Sokoła su hišće do jutrow 33. sokołski volleyballowy turněr wo pokal Domowiny wuhódnoćili. Nimo starosty Achima Kowarja a nawody turněra Józefa Šwona bě mjez wjacorymi přitomnymi tež nowinski rěčnik Serbskeho Sokoła Jan Hrjehor. Jurij Bjeńš je so z nim zetkał a jako prěnje hnydom prašenje k dobyćerskemu mustwu stajił.

Jano! Dobyće volleyballistow z pólskeje Tokarnje njebě překwapjenka, prašenje za přisłušnosću pólskich hrajerjow w tam­nišich ligach tež nic. Sće na swojej wu­hódnoćenskej zhromadźiznje na to hišće raz reagowali?

J. Hrjehor: Ně, to njebě trjeba. Hižo do a tež na turněrje sym so lětsa raz intensiwnišo ze zestawu pólskeho mustwa zaběrał. Je to wólnočasny cyłk, kotryž prawidłownje hraje. Nawoda Domu biskopa Bena w Smochćicach dr. Peter-Paul Straube je mi to wobkrućił. Jemu połnje dowěrjamy. Wón je za cyłk tež zamoł­wity. Nimo toho smy njedawno w Serbskich Nowinach list čitali, kotryž mam za jara dobru wotmołwu na přeco zaso samsne prašenje.

Načolnikej snadnje podleželi

wutora, 14. apryla 2015 spisane wot:

TTC Połčnica II

– Viktoria Worklecy 9:7

Blidotenisća Viktorije Worklecy nastupichu minjeny pjatk w Połčnicy pola načolnika tabulki w 1. wobwodnej lize, dyrbjachu pak Stena Püschela z Aleksandrom Hazu narunać. Po wuspěšnych dwójkach Manuel Šołta/Michał Mikławšk a Marcel Linke/Křesćan Mikławšk Worklečenjo z 2:1 nawjedowachu. W prěnim kole jednotliwcow přesadźichu so faworića na woběmaj bokomaj, tak zo steješe 5:4 za Viktoriju. Po tym zo běštaj Šołta a Straube w druhim kole jednotliwcow wuběrny wukon pokazałoj, mějachu hosćo rozsudnu dwójku hižo wěstu. W poslednich štyrjoch hrach jednotliwcow pak dyrbjachu so woni domjacym kłonić, a Manuel Šołta/Michał Mikławšk nastupištaj při stawje 7:8 k rozsudnej dwójce přećiwo Kutznerej a Menzlej. Na woběmaj bokomaj wuwi so napjata partija na wysokim niwowje. Při stawje 5:4 za Połčnicu w pjatej sadźbje stachu so Worklečanam zmylki, kotrež njezamóchu hač do kónca hry hižo nachwatać a podležachu Połčnicy snadnje ze 7:9.
Křesćan Mikławšk

Sprawny remisdypk wunjesł

wutora, 14. apryla 2015 spisane wot:

TTSV Korzym/Załom

– Viktoria Worklecy 8:8

Sobotu hrajachu Worklečanscy blidotenisća w Korzymje. Püschela naruna tónraz Jurij Šwejda z třećeho mustwa. Prěnju dwójku tworještaj Manuel Šołta a Marcel Linke, kotrajž Lehnarta a Jeckoscha z 3:0 suwerenje porazyštaj. Dalšej duelej dwójkow dobychu domjacy. Jeničce Šołta a Michał Mikławšk w prěnim kole jednotliwcow přeswědčištaj, tak zo steješe 6:3 za Korzym k połojcy hry. Zo bychu sej hosćo znajmjeńša dypk zaručili, dyrbjachu so jasnje stopnjować. Šołta doby 30. raz w sezonje, a po tym zo bě Straube Schulzu porazył, mějachu Worklečenjo w srjedźnym překřižnym porje móžnosć wurunać. Linke dominowaše Jeckoscha a Michał Mikławšk pokaza wospjet sensacionelny wukon w druhej połseriji, tak zo Viktoria nětko samo nawjedowaše. Po snadnym dobyću Křesćana Mikławška móhł Šwejda nachwatansku hońtwu pozłoćić. Lehnart pak jeho porazy a tak dyrbjachu zaso do rozsudneje dwójki. Kaž hižo dźeń do toho hosćo 2:3 podležachu, běchu pak hladajo na wotběh hry z dypkom spokojom.
K. Mikławšk

Dynamo-dary dźěćom we Wuježku

wutora, 14. apryla 2015 spisane wot:
Do jutrow je dźěćacy dom we Wuježku njewšědny wopyt měł a njewšědne dary dóstał.­ Jednaćelej Dynama Drježdźany Ralf Minge (naprawo) a Robert Schäfer (druhi wotlěwa) staj dźěćacemu domej na próstwu jeho spěchowarja Hans­petera Benada (druhi wotprawa) reagowałoj a zhromadnje ze sobudźěłaćerku Isabel Fix nimo zastup­nych lisćikow a trikota z podpismami profijowych hrajerjow šek w hódnoće 5 000 eurow přepodałoj. Pjenjezy chcedźa we Wuježku w přichodnych měsacach za reno­wěrowanje zetkawanskeje rumnosće wužiwać. Foto: Hanspeter Benad

Z prózdnymaj rukomaj so nawróćili

póndźela, 13. apryla 2015 spisane wot:

FSV Wacker 90 Nordhausen – FSV Budissa Budyšin 3:2 (0:2)

Zestawa hosći: J. Jakubov – Kolan, Schikora, Patka, Kral, Hausdorf (82. Vrabec), Hoßmang, Kotyza, Reher, A. Jakubov (77. Höer), Rosendo (82. Walther)

Regionalny koparski ligist Budissa Budyšin bě wčera hósć w Alberta Kuntzowym sportowym parku pola Wackera Nordhausen. 498 přihladowarjam so tam za zastupny pjenjez tójšto skićeše. Budissa nochcyše so bjez dypka nawróćić.

Hnydom na spočatku hry dóstachu domjacy dwělomnu jědnatku (5.). Wrotar Jakub Jakubov pak pokaza wospjet swoje wuběrne zamóžnosće a pokutny kop dźeržeše. Budyšenjo móžachu derje sobu hrać a móžnosće wužiwać, tak Kotyza w 21. min. zmylk Nordhausenskeho škitarja, kiž bě bul překrótko k wrotarjej hrał. 0:2 w 39. min. běchu wosebite wrota­. Ze zda­lenosće 60 metrow bě Aleksander Jakubov přećiwniskeho wrotarja Birnbauma přewinył.

Jónu remis, jónu wysoke dobyće

póndźela, 13. apryla 2015 spisane wot:

Sokoł Ralbicy/Hórki

– Wojerecy 1919 0:0

Zestawa domjacych: Gloxyn – Wałda (68. Zschorlich), Schultz, Lulak, von Köding, B. Bjeńš, Korjeńk, Šołta, S. Bjeńš, M. Kurjat, G. Kurjat

Hižo du jutrow hrajachu koparjo Sokoła Ralbicy/Hórki doma přećiwo Wojerowčanam, kotřiž steja hłuboko w pincy tabulki. Hosćo hrajachu přez cyłu hru defensiwnje a koncentrowachu so na kontery. Nadběhowar Sokoła Pětr Do­maška pjateje žołteje karty dla pobrachowaše. Prěnju dobru składnosć měješe Korjeńk. Po Šołtowej přihrawce steješe w centrumje šěsnatki a móhł sej faktisce wrotowy róžk wupytać. K zadźiwanju pak suny bul nimo wrotow. Připadnje nasta šansa za hosća. Gloxyn so wobsuny, Wojerowčan Schönwald pak z wótreho kuta njepřetwori.

Po přestawce bu hra dale a wostudliša. Krótko do kónca bu Měrćin Kurja­t nima­le dobyćerske wrota docpěł, bul pak wrota misny.
André Strelow

TSV Wachau – Sokoł Ralbicy/Hórki 2:7 (1:4)

Zestawa hosći: Gloxyn – M. Matka, Wałda­ (64. M. Kurjat), Kř. Matka, Lulak, Wowčerk,­ B. Bjeńš, Korjeńk, S. Bjeńš (73. Schultz), Domaška, G. Kurjat

Wulkotnu njedźelu měli

póndźela, 13. apryla 2015 spisane wot:

SJ Chrósćicy

– Zeleno-běli Bukecy 3:0 (1:0)

Zestawa domjacych: Teschner – Pöpel (87. Hawš), Dehn, Runt, Bětnar, Dórnik, Pohling, Domaška, Zahrodnik, Žur (77. Šmit), Šafář

Trenar Chróšćanskich koparjow mě­ješe do hry jasne přeće: jónu přez cyły čas agilnje hrać a po móžnosći žane wrota kasě­rować. Hra započa so optimalnje za Chróšćanow. Po sydom mjeńšinach hižo we wrotach hosći klinkaše. Domaška zwjertny róžk z lěweje strony direktnje do wrotow. Wrotar šmórny so hišće bula, běše pak bjez šansy. Domjacy mějachu wšón přichodny čas jasne komando nad hru, dalše wrota so jim přiwšěm njezešlachćichu. Po dobrej kombinaciji přez prawu stronu bu Šafář w šěsnatce foulowany, ale sudnik njezahwizda. Před swójskimi wrotami mějachu Chróšćenjo jenož jónu zbožo, jako bul snadnje nimo lěweje žerdźe dźěše. Pjeć mjeńšin do přestawki chcyše Žur daloko wonka stejaceho wrotarja přezběhnyć. Tón pak z ruku wotwobara a dósta za to čerwjenu kartu, dokelž bě šěsnatku wopušćił.

Widźał, słyšał, napisał (13.04.15)

póndźela, 13. apryla 2015 spisane wot:

Awtor dźensa

Jurij Nuk

Z pohladnjenčkom do stawiznow lochkoatletiki chcu dźensa pokazać, što móže sportowy wukon woznamjenjeć a kotre dramatiske wokomiki móža z toho wurosć: Nazymu 1968 wotměchu so w Mexiku-měsće olympiske hry. Ze sensacionelnej dalokosću 8,90 metrow w prěnim pospyće wubědźowanja w da­lokoskoku zawěsći sej 22lětny Američan Bob Beamon hnydom złotu medalju a polěpši wuznamnje dotalny swětowy rekord. Haj, wšudźe rěčeše a pisaše so wo „skoku do 21. lětstotka“.

nawěšk

nowostki LND