Horcy bój stareju gardow bjez dobyćerja

wutora, 12. septembera 2017 spisane wot:

Sokoł Ralbicy/Hórki

– Módro-běli Kulow 1:1 (1:0)

Zestawa domjacych: Mjetaš-Wowčer – Schultz, Statnik, Zynda, Brězan, Brückner, Strelow, Obst (50. Žur), Šwejda, Čórlich, Jakubaš

Zestawa hosći: Scholze – Rose, Wels, Pelz, Schursch, Hörauf (48. Rettig), Bulank, Nowak, Müller (35. Sauer), Merting, Mark

Třeći raz su koparjo stareju gardow z Kulowa a Ralbic lětsa mocy měrili. Połfinale w pokalnym kole běchu Ralbičenjo doma snadnje 0:1 přěhrali, a w Kulowje w dypkowej hrě dźěleštej so cyłkaj njerozsudnje 0:0. Do duela w Ralbicach stejachu Kulowčenjo hromadźe z Natwarom Wojerecy na čole a Sokoljo na štwórtym městnje tabulki.

Na wrota bohatu hru dožiwili

wutora, 12. septembera 2017 spisane wot:

ST Radwor

– ST Wjelećin 6:3 (3:2)

Zestawa domjacych: Kral – Henka, Šěrak, Omran, Hančik, Bejmak, Nuk, Zimmermann, Winar, Schulze, Kurjat (66. Mark)

Přihladowarjo dožiwichu rjanu a wuspěšnu domjacu koparsku hru Radworskeho ST. Hižo w 6. min. pak wjedźeše konter hosći k nawjedowanju. Ronny Kebschull přeběža zadnje mustwo domjacych a swobodnje stejo zymnokrejnje přetwori. Chowancy trenarja Pětra Bejmaka so njepodachu a ofensiwnje nadběhowachu. Tři mjeńšiny pozdźišo wuži Měrćin Kurjat zmylk hóstneho wrotarja a wuruna. Daniel Nuk postara so w 20. min. po niskej přihrawce Křesćana Bejmaka wo 2:1. Dalše móžnosće pak hosćićeljo zdźěla lochkomyslnje wuwostajichu. Naspomnić ma so dwójna šansa Paula Zimmermanna po wólnym kopje, kotruž Wjelećanski wrotar wulkotnje wotwobara. Wo 3:1 (31.) so znowa Kurjat postara. Wuběrne přidźěło a wóčko Toma Schulzy rodźenemu Sernjančanej při tym pomhaštej. Krótko do połčasa Kebschull skrótši. Meter před klětku Bena Krala wón nadběh z wrotami zakónči.

Wulki nadawk za małe towarstwo

wutora, 12. septembera 2017 spisane wot:

Sakski koparski zwjazk (SFV) je zašły štwórtk pokalnu partiju SJ Chrósćicy – FSV Zwickau wulosował. Jedna so wo hru w třećim kole wo krajny pokal. Za přiwisnikow a hrajerjow serbskeho cyłka je to jónkrótna a tak wosebita partija, za zamołwitych towarstwa wulka zamołwitosć. Nimo sportoweho aspekta je profesionelna organizacija nuznje trěbna. Kaž jednaćel towarstwa Tadej Cyž praji, mějachu tež hižo na europeadźe 2012 wjace hač tysac přihladowarjow a wosebity koncept, kotryž nětko zaso nałoža.

Něhdyše koparki so zetkali

wutora, 12. septembera 2017 spisane wot:
Po 17 lětach zetkachu so njedawno zaso něhdyše koparki Sokoła Ralbicy/Hórki, kotrež běchu hač do lěta 2000 w Delanach zhromadnje za bulom honili. Marija Šołćina a Gabriela Radau stej kóždu koparku „wuslědźiłoj“ a zhromadny wječor organizo­wałoj. Zady wotlěwa steja Klawdija Hejdušcyna, Doreń Mičcyna, Diana Kralowa, Borbora Liznarjowa, Martina Möllerowa, Margit Smolina, Marija Šołćina a Weronika Paulowa. Prědku wotlěwa su to Manuela Rešcyna, Bernadet Krječmarjowa, Nicole Pilcowa, Bettina Lipičowa, Birgit Wokowa, Michaela Krječmarjowa a Petra Lizna­rjowa. Foto: Marija Šołćina

Wuslědki (12.09.17)

wutora, 12. septembera 2017 spisane wot:

Regionalna koparska liga

Hertha BSC II – Altglienicke 0:2 (0:1)

BFC Dynamo – Neustrelitz 4:1 (1:0)

Lok Lipsk – FC Viktoria 0:1 (0:1)

Berlinski AK – Neugersdorf 5:2 (2:1)

Halberstadt – Energija Choćebuz 0:5 (0:3)

Meuselwitz – Budissa Budyšin 0:1 (0:0)

Auerbach – Chemija Lipsk 3:0 (2:0)

Fürstenwalde – Luckenwalde 5:3 (3:1)

1. Energija Choćebuz 6 22  :  1 18

2. BFC Dynamo 6 15  :  6 13

3. FC Viktoria 6 13  :  9 11

4. Fürstenwalde 6 13  :  10 10

5. Lok Lipsk 6 7  :  4 10

6. Altglienicke 6 6  :  4 10

7. Budissa Budyšin 6 4  :  6 10

8. Nordhausen 6 5  :  2 9

9. Babelsberg 03 6 5  :  4 9

10. Neugersdorf 6 13  :  13 8

11. Berlinski AK 6 12  :  12 8

12. Halberstadt 6 8  :  11 8

13. Meuselwitz 6 8  :  9 7

14. Auerbach 6 6  :  8 6

15. Hertha BSC II 6 6  :  12 6

16. Chemija Lipsk 6 2  :  12 3

17. Neustrelitz 6 5  :  17 3

18. Luckenwalde 6 9  :  19 1

Tójšto atletow so wobdźěliło

póndźela, 11. septembera 2017 spisane wot:

Nimale 4 000 na měšćanskimaj běhomaj we Wojerecach a w Budyšinje

Perfektne wjedro za běhanje bě sobotu 1 869 běharkow a běharjow do Wojerec na 11. HOYWOJ-cityjowy běh a do Budyšina na 24. měšćanski běh samo rekordne 2 079 sportowče a sportowcy zwabił. Wo­sebje wjele přidatnych přizjewjenjow dyrbjachu organizatorojo w Budyšinje přijimać. Blido z přizjewjenskimi formularami při Serbskim domje bě stajnje derje wopytane.

Dalšu poražku poćerpjeli

póndźela, 11. septembera 2017 spisane wot:

SJ Chrósćicy II

– ST Lubuš 1:3 (1:1)

Zestawa domjacych: Matješk – Šiman, Klimant (78. Kral), Förster, Budar (56. Zahrodnik), Mohaupt (82. Pjetaš), Bětnar, Dórnik, Jakubaš, Bogusz, Šmit

Na štwórtym hrajnym dnju su koparjo Chróšćanskeho druheho mustwa přećiwo dalšemu sylnemu kontrahantej nastupili. Wšako steješe přećiwnik z Lubuša w minjenej sezonje na pjatym městnje tabulki. Najebać to žadaše sej trenarska trójka domjacych Wowčer/Klimant/Dórnik wot swojich chowancow, zo sej znajmjeńša dypk wubědźa.

Widźał, słyšał, napisał (11.09.17)

póndźela, 11. septembera 2017 spisane wot:

Awtor dźensa

Clemens Šmit

„Hej, pohladaj raz, kak su Ralbičenjo a Radworčenjo hrali?“, prašeše so njedawno Chróšćan kopar swojeho kolegi-sobuhrajerja po hrě w kabinje. A handy njezdźěli jemu jenož wuslědki, ale hnydom tež mjena třělcow wrotow a zaměstnjenje w tabulce. Kak daloko technologiske wuwiće dźensniši čas hižo naše dźěło wolóža, widźimy tež na polu kopańcy. Kompjutery wupluwaja wuslědki, statistiki, tabulki w běhu sekundow. Zo pak mjeztym tež hižo samostatnje sportowe rozprawy zhotowjeja, mi dotal znate njebě!

Poprawom nochcych swojimaj wočomaj wěrić, jako slědowace čorne na běłym w artiklu Frankfurtskeje wulkeje nowiny čitach: „Kaž je na polu akcijowych rozprawow a bursowych prognozow hižo uzus, informuje dźeń a wjace digitalnych a čišćanych wudaćow swojich čitarjow tež na polu sporta z pomocu algoritmiskeho žurnalizma.“ Algo … što? Přełožene rěka to, zo njepisa redaktor sportowu rozprawu, ale čini to kompjuter z pomocu tekstoweho korpusa a jednotliwje zasadźenych datow.

Wuslědki (11.09.17)

póndźela, 11. septembera 2017 spisane wot:

Wokrjesna koparska klasa, stafla III

Lubuš II – Njeswačidło II 10:1 (5:0)

Šćeńca – Wóslink/Skaskow 0:3 (0:2)

Wětnica-Hola – Kulow II 2:3 (1:3)

Hory II – Hermsdorf5:1 (1:0)

1. LSV Hory II 4 16  :  5 12

2. LSV Bluń 3 11  :  2 9

3. ST Lubuš II 4 19  :  8 8

4. SV Hermsdorf 4 22  :  12 6

5. SZ Wóslink/Skaskow 3 5  :  2 6

6. FSV Šćeńca 4 12  :  18 6

7. Módro-běli Kulow II 3 5  :  4 5

8. HZ Łaz/Běły Chołmc II 3 4  :  5 2

9. FSV Łuty II 3 5  :  15 0

10. ST Wětnica-Hola 3 3  :  13 0

Sport (08.09.17)

pjatk, 08. septembera 2017 spisane wot:

Dumperowcy w Drjowku

Štwórty běh wo němske dumperowe mišterstwa 2017 budźe jutře, sobotu, w Drjowku na ležownosći piwarnje Kircher. Wot 18.30 hodź. přewjedu tam kwalifikaciske běhi, wot 20.30 hodź. so motorsportowcy wubědźuja a wokoło 22.30 hodź. chcedźa dobyćerjow mytować. Tabulku nawjeduje po třećim běhu Filip Kral z Róžanta (52 dypkow) před Markusom Donatom z Baćonja (48 dypkow) a Thomasom Neumannom ze Skaupa pola Großenhaina (46 dypkow).

Powerserb w Kopšinje

Lětuše sportowe wubědźowanje Powerserb wotměje so jutře wot 13 hodź. w Kopšinje. Ze serbskim młodźinskim towarstwom Pawk je so Traktor Kopšin na wosom stacijow dojednał. Startowy pjenjez wučinja 10 eurow, a mustwo ma z pjeć hólcow a jedneje holcy wobstać.

Měšćanske běhi w Budyšinje

MSV Budyšin přewjedźe jutře zhromadnje z dalšimi partnerami (mjez druhim ze Serbskim Sokołom) 24. Budyske měšćanske běhi. Start a cil budźetej zaso na Póstowym naměsće. Prěnje wubědźowanje je w 10 hodź. běh na distancy 400 m za bambinijow. Wot 10.15 hodź. su šulerske běhi na rjedźe, w 14 hodź. budźetej hłownej běhaj 5,5 km a 9,3 km.

Cityjowe běhi we Wojerecach

Serbska debata

nowostki LND