Tři dźesaćiny lěpši byli

srjeda, 07. junija 2017 spisane wot:
Při druhim hašenskim wubědźowanju dobrowólnych wohnjowych woborow je měšane mustwo Róžant/Sernjany we Worklecach dobyło. Wone bě ze 27,32 sekundami wo tři dźesaćiny spěšniše hač wobornicy ze Smjerdźaceje (27,62 sek). Na dalšich městnach sćěhowachu cyłki z Konjec-Šunowa (30,06 sek), z delnich Sulšec (31,81 sek, na wobrazu při starće), z Worklec (36,24 sek), z Wotrowa (38,03 sek) a z Pěskec (38,57 sek). Dalše wurisanje budźe njedźelu, 11. junija, w 10 hodź. w Konjecach/Šunowje. Foto: Konstantin Hrjehor

Wuslědki (07.06.17)

srjeda, 07. junija 2017 spisane wot:

Wokrjesna koparska liga, stafla I

Horni kraj-Sprjewja II – Porchow 1:3 (0:1)

Hodźij – Germania Budyšin II 1:6 (1:2)

Malešecy – Wjelećin II 5:0 (2:0)

Kubšicy – Wjazońca6:0 (9:0)

Budyšin – Wóspork/Hbjelsk II 5:1 (3:0)

Großharthau – Załom 2:1 (1:1)

1. Traktor Malešecy 24 89  : 23 56

2. Horni kraj-Sprjewja II 24 84  : 35 52

3. ST Budyšin 24 66  : 27 46

4. TSV Wjernarjecy 24 55  : 41 41

5. Concordia Załom 24 65  : 36 40

6. Wulka Dubr./Minakał 24 67  : 48 39

7. ST Porchow 24 42  : 36 34

8. Postup Großharthau 24 55  : 55 33

9. Germania Budyšin II 24 59  : 55 31

10. ST Hodźij 24 43  : 72 28

11. ST Kubšicy 24 53  : 44 26

12. TSV Wjazońca 24 31  : 93 19

13. Wóspork/Hbjelsk II 24 31  : 102 13

6. Ramnowski Fichtowy běh

wutora, 06. junija 2017 spisane wot:
Při přijomnym wjedrje wotmě so kónc meje w Ramnowje mjeztym hižo 6. Fichtowy běh. Tam je 217 lubowarjow na běhach a 28 atletow w skatowanju star­towało. Jednotliwe distancy za běharjow běchu 0,8 km, 2,2 km a 7,5 km a za skaterow 2,0 km a 10 km. Horstka Serbow wubě­dźowaše so na najdlěšim běhu 7,5 km, kotryž wjedźeše po asfaltowej dróze a lěsnych pućikach. Cyłkownaj dobyćerjej­ na tutej distancy rěkaštaj Marc Überfuhr (25:18 min) a Sandy Pollack (31:32 min). Najspěšniši Serb běše Jakub Čórlich z Němcow, kiž doběža w swojej skupinje 20-29 lět jako štwórty do cila (27:33 min). W samsnej skupinje wobsadźi Richard Paška z Kanec 5. městno (29:01 min). Młodostny Leo Čórlich z Budyšina wubědźi sej prima 2. městno w skupinje U 18 (35:36 min). Jurij Nuk

Sezonu z poražku zakónčili

wutora, 06. junija 2017 spisane wot:

FV Módro-běli Zschachwitz

– SJ Chrósćicy 3:1 (2:1)

Zestawa hosći: Králíček – Teichmann, Sentivan, Šafář, Henčl, Schulze, Młynk (64. F. Zahrodnik), M. Zahrodnik (73. Gries), Runt, Žur, Věchet (45. Bogusz)

Prěnje koparske mustwo SJ Chrósćicy je swoju premjernu hrajnu dobu w krajnej klasy-wuchod jako prěni cyłk zakónčiło, dokelž ma stafla njerunu ličbu mustwow. Nažel su so chowancy trenarja Pavela Runta ze słabym wukonom do lětnjeje přestawki rozžohnowali. Při tym běchu woni w zwučenej a sylnjej zestawje nastupili. Jeničce kapitan Bosćij Cyž njesmědźeše so žołto-čerwjeneje karty dla, kotruž bě w hrě přećiwo Weixdorfej dóstał, wobdźělić. Domjacy hru a tempo wot spočatka postajachu. Chróšćenjo skutkowachu skerje mučni. Po jědnaće mjeńšinach Zschachwitz hižo 1:0 nawjedowaše. Jenož mjeńšinu pozdźišo drje zamó Čech Radim Věchet wurunać a hišće do połčasa pak přećiwnik znowa wyskaše­ (37.). Po rjanej přihrawce přetwori nadběhowar módro-běłych zymnokrejnje k 2:1. Králíček bě bjez šansy.

Widźał,słyšał, napisał (06.06.17)

wutora, 06. junija 2017 spisane wot:

Awtor dźensa

Clemens Šmit

Lubi čitarjo, wěsće wy, što maja serbscy koparjo Fabian Korjeńk, Bosćij Bjeńš a Pětr Domaška z Tonijom Kroosom, Sergiom Ramosom a Karimom Benzemu zhromadne? Ně? Nó, to wam rady přeradźu! Wšitcy šesćo mějachu nimo indiwiduelnych sezonowych cilow lětsa cyle wosebity són: Zakitowanje pokala! Tym jednym, mjenujcy „kralowskim“ z Madrida je so wosebity coup minjenu sobotu poradźił. Real přesadźi so w finalu w mišterstwje europskich klubow přećiwo Juventus Turinej jasnje z 4:1. Z tym poradźi so jim to, štož žane europske mustwo dotal docpěło njeje: zakitowanje pokala champions league. Runje tak njeje mi znate, zo je so hdy někajkemu mustwu z našeje wokoliny poradźiło, sej dwójce za sobu wokrjesny pokal zdobyć. Koparjo z Ralbic, potajkim tež Korjeńk, Bjeńš a Domaška móža z triumfom dopokazać, zo je tež tole móžno.

Narodninar přećiwnika sej dobyće darił

wutora, 06. junija 2017 spisane wot:

Sokoł Ralbicy/Hórki II

– HZ Łaz/Běły Chołmc 0:3 (0:1)

Zestawa domjacych: Bjeńš – Gerlich, Kobalc (77. Cyž), M. Matka, Bogusz, Serbin (65. Materna), Šwejda, Čornak, Šnajder, Jakubaš, J. Matka

Při horcych temperaturach nastupi rezerwa Sokoła Ralbicy/Hórki přećiwo načolnikej z Łaza/Běłeho Chołmca. Znowa njemějachu Sokoljo wšitkich hrajerjow k dispoziciji. Chowancy Tomaša Matki złožowachu so tuž na defensiwne dźěło a chcychu sej ze spěšnymi konterami tu abo tamnu šansu wotkryć. Škit před wrotarjom Jurjom Bjeńšom dyrbješe přez cyły hrajny čas mócnje dźěłać. Prěnja šansa poskići so hosćej w 5. min., jako třělwa wrota Sokoła snadnje misny. Hač do 22. min. tale murja ste­ješe. Jónu pak njezamóchu delanscy koparjo­ bul ze šěsnatki třělić a Nicola Tietze přetwori k 0:1.

Nowopřichad pola Energije

wutora, 06. junija 2017 spisane wot:
Regionalny koparski ligist FC Energija Choćebuz ma za nowu hrajnu dobu prěni nowopřichad. Je to Maximilian Zimmer, kiž je dotal za Berlinski AK hrał, minjenu­ sezonu dźewjeć wrotow třělił a šěsć přihotował.­ 24lětny hraje w ofensiwnym srjedźnym polu a je pola FCE zrěčenje hač do lěća 2018 podpisał. W padźe postupa do třećeje ligi so zrěčenje awtomatisce wo dalše lěto podlěši. Jako dorostowy hrajer bě Zimmer pola Herthy BSC Berlin aktiwny.­ Po tym hraješe wón w Babelsbergu pola druheho mustwa 1. FC Kaisers­lautern II. Georg Zielonkowski

Njedawno swjećachu w Choćebuzu w Stadionje přećelstwa sławne koparske časy tamnišeho FC Energija. Na dwacetym jubilejnym dnju pokalneho finala 1997 a postupa do druheje koparskeje ligi­ Němskeje kaž tež postupow 2000 a 2006 do prěnjeje zwjazkoweje ligi njeměješe 2 000 wopytowarjow runjewon žane wjesołe mjezwočo. Tuchwilne sportowe po­dawki mjenujcy z tehdyšimi ani kuska sobu dźeržeć njemóža. Mały turněr tradiciskich mustwow zbudźi hišće raz přidatne dopomnjenki na wuspěšne časy. Tak dóstachu Jens Melzig, Kay Weh­ner a Toralf Konetze z lětnika 1997 přiklesk kaž tež postupnicy do prěnjeje ligi Toni Labak z Chorwatskeje, Rudi Vata z Albanskeje a Rumunjan Sergiu Radu. Trenarska legenda Eduard Geyer bu wot Choćebuskeho publikuma tohorunja sławjeny. Georg Zielonkowski

Wuslědki (06.06.17)

wutora, 06. junija 2017 spisane wot:

Krajna liga mužow

Markkleeberg – FC Eilenburg 1:3 (0:0)

SG Taucha – Wocl Riesa 0:1 (0:0)

Kamjenc – VfB Zwenkau II 4:2 (1:1)

Přezjednota Niska – BSC Freiberg 1:1 (0:1)

Rapid Kamjenica – FC Grimma 4:1 (2:1)

Glauchau – FC Lößnitz 2:1 (2:1)

1. FC Eilenburg 26 73  : 21 68

2. Jednota Kamjenc 27 65  : 25 63

3. FC Grimma 26 50  : 30 50

4. Hohenstein-Ernstthal 26 60  : 42 43

5. Wocl Riesa 26 56  : 48 41

6. VfL Pirna-Copitz 26 48  : 40 38

7. Rapid Kamjenica 27 56  : 51 34

8. Glauchau 26 48  : 46 34

9. Přezjednota Niska 26 42  : 43 32

10. Markkleeberg 26 37  : 51 30

11. FC Lößnitz 26 30  : 40 26

12. FC Rychbach 26 27  : 47 23

13. BSC Freiberg 26 35  : 77 20

14. VfB Zwenkau II 26 29  : 61 19

15. SG Taucha 26 21  : 55 4

16. Žołto-běli Zhorjelc 0 0  :  0 0

Sport (02.06.17)

pjatk, 02. junija 2017 spisane wot:

Stari knježa za bulom honja

Serbski Sokoł přewjedźe 21. koparski turněr starych knjezow wo swój pokal pjatk, 9. junija w Hórkach zhromadnje z koparjemi Zeleno-běłych Hórki. Přeprošene cyłki z Njebjelčic, Chrósćic, Pančic, Radworja a Hórkow zetkaja so w 17.30 hodź. Prěnju hru w modusu kóždy přećiwo kóždemu zahwizda sudnik dypkownje we 18 hodź. Zakitowar pokala su Ralbičanscy Sokoljo.

Na probowy koparski trening

Dorostowi trenarjo sportoweho towarstwa FSV Budissa Budyšin přeprošuja młodych koparjow na probowy trening. Štóž je dźesać abo jědnaće lět stary, smě so 7. a 14. junija wot 17 hodź. wobdźělić. Dwanaće- do 13lětni zetkaja so 8. a 15. junija wot 17.30 hodź., 14- do 15lětni 9. a 16. junija wot 17.30 hodź. Městnosć proboweho treninga je dorostowy centrum w Budyskim Humboldtowym haju, Neujowa promenada 1.

Wobornicy so wubědźuja

Wohnjowi wobornicy zarjadniskeho zwjazka Při Klóšterskej wodźe Pančicy-Kukow a dalše hašenske cyłki su so tydźenja na dalše terminy wubědźowanjow dojednali:

2. junija  18:30  we Worklecach

11. junija 10:00  w Konjecach/     Šunowje

30. julija 14:00  w Smjerdźacej

Serbska debata

nowostki LND