Poradźuje nětko hižo pjeć koparjow
Uwe Młynk z Ralbic je wot lětušeho trenarjej druheho koparskeho zastupnistwa Sokoła Ralbicy/Hórki Michałej Čóšce poboku. 29lětny je nětko hižo pjate lěto tak mjenowany scout, kiž wobkedźbuje młode talenty. Nimo toho poradźuje tučasnje pjeć koparjow, kotřiž maja zrěčenje z jeho agenturu Arena 11 sports group. Štó woni su a što Uwe Młynk jako scout hišće čini, to chcyše Jurij Bjeńš wědźeć.
Uwe, před dlěšim časom sym so Će hižo raz prašał, tehdy sy třoch koparjow podpěrał. Nětko maš jich wjac. Štó je k tomu přišoł?
U. Młynk: Hnydom třo to su. Marcel Franke (SpVgg Greuther Fürth) a Tobi Müller (Halleski FC) staj wostałoj. Z Ardu Dülekom (tehdy RB Lipsk) so rozžohnowach. K tomu přišli su Niklas Landgraf (Dynamo Drježdźany), Lennart Czyborra (U 17 FC Schalke 04) a Maik Salewski wot Budissy Budyšin.
Čehodla sy so z Dülekom rozžohnował?
U. Młynk: Wón njeje te kročele šoł, kotrež smy jemu poručili, tak dyrbjachmy zrěčenje z nim rozpušćić. Arda měješe hinaše zaměry hač my, a tohodla njemóžachmoj wjac hromadźe dźěłać.
Maš najebać rozžohnowanje hišće kontakt k Dülekej?
Wuslědki (23.09.15)
Wokrjesna koparska wyša liga
Kulow – Łuty2:3 (1:2)
Połčnica – Kumwałd1:1 (1:0)
Ćisk – Póst Budyšin2:3 (1:1)
Rakecy – Kinspork5:1 (1:0)
Wjelećin – Hnašecy1:4 (0:0)
Ramnow – Chrósćicy1:4 (1:1)
Wokrjesna liga, stafla II
Hórnikecy – Šćeńca4:4 (1:3)
Wětnica/Hola – Wojerecy 1919 0:4 (0:1)
FC Łužica – N. Hrabowka 4:3 (0:3)
Ćisk II – Njeswačidło0:6 (0:2)
Ralbicy/Hórki II – Hory II 5:1 (2:0)
Nowowutworjene holče koparske mustwo Sportoweho towarstwa ...
Jasne wonkowne dobyće
SV Großdrebnitz
– SJ Njebjelčicy 0:4 (0:0)
Zestawa hosći: Hahn – Kral (85. F. Ričel), Hoier, Haška, Šołta, Hanuza, Cyž, Dubaw, Lejnart, Čornak (68. Hrjehor), Hoelzel (75. C. Ričel)
Na dotal njeznatym kopanišću započa Njebjelčanske mustwo hru měrnje a wěsće. Domjacy so wobarachu, do šěsnatki Njebjelčanow pak so lědma předrěchu. Tak bě tež wrotar Nico Hahn w prěnim połčasu nimale bjezdźěłny. Dwě wulkej šansy nadźěłachu sej chowancy trenarskeje dwójki Panic/Krawčik w prěnich 45 minutach. Hnydom na spočatku partije přesadźi so Robert Lejnart na lěwym křidle a połoži bul wróćo před wrota. Tam smokny jón Tadej Cyž hnydom na klětku, ale wrotar storči kulowatu kožu z wulkej prócu runje tak přez łatu. Po hratej poł hodźinje pósła Lejnart na prawej stronje młodeho Leopolda Hoelzela, třělwa z połneho běha pak dźěše snadnje wyše łaty.
Radim Věchet z hattrickom
Drohotka Ramnow
– SJ Chrósćicy 1:4 (1:1)
Zestawa hosći: Králíček – Dórnik, Cyž, Šafář, M. Zahrodnik (73. Šmit), Młynk (46. Šiman), Runt, Domaška, F. Zahrodnik, Věchet, Žur
Festiwal wrotow
Zeleno-běli Sepicy
– ST Marijina hwězda 3:7 (3:4)
Zestawa hosći: O. Schmidt – Hawš, Czapik, Łušćanski, Lipič, Peschmann, Bělk, T. Jurš, P. Schmidt, Winkler, D. Jurš
Před 147 přihladowarjemi w Sepicach bě na teamje koparskeho trenarja Tobiasa Škody spóznać, zo jón špatny wukon ze zašłeho tydźenja přeco hišće mjerzaše. Wšitcy běchu koncentrowani při wěcy a podachu so z cyłym elanom na hru. Duel započa so z wuwostajenjom dweju stoprocentneju šansow přez Dawida Jurša (3., 5.). W 11. min. pak wón trjechi. Wosom mjeńšin po tym třěli samsny hrajer 0:2. Z prěnjej akciju domjacych poradźi so Markej Abdinej z hłowu 1:2 (21.). Hósć pak njebě šokowany a wospjet bě Dawid Jurš k 1:3 (22.) a 1:4 (23.) wuspěšny. Woboje wrota nastachu po zmylkach Sepic. Wuběrny wukon Abdina pak wjedźeše hišće do přestawki k 2:4 (42.) a 3:4 (45.).
Wuslědki (22.09.15)
Wokrjesna liga, stafla III
Großharthau – Großnaundorf 0:7 (0:1)
Frankenthal – Kamjenc II 3:2 (2:2)
Großdrebnitz – Njebjelčicy 0:4 (0:0)
Wóslink/Sk. – Haselbachtal 2:2 (2:0)
Němske Pazlicy – Arnsdorf 1:1 (0:0)
Sepicy – Marijina hwězda 3:7 (3:4)
1. Großnaundorf 5 25 : 2 15
2. Arnsdorf 5 19 : 3 13
3. Großröhrsdorf II 5 7 : 3 12
4. Njebjelčicy 5 13 : 10 9
5. Frankenthal 4 13 : 11 9
6. Marijina hwězda 5 16 : 13 7
7. Ottendorf/Liegau 4 7 : 5 7
8. Hlinowc 4 11 : 8 6
9. Sepicy 5 13 : 19 6
10. Němske Pazlicy 4 5 : 7 4
11. Wóslink/Skaskow 5 10 : 15 4
12. Großharthau 4 5 : 11 3
13. Kamjenc II 5 5 : 15 3
14. Großdrebnitz 5 2 : 15 3
15. Haselbachtal 5 7 : 21 1
Načolnika porazyli
Sokoł Ralbicy/Hórki II
– LSV Hory II 5:1 (2:0)
Zestawa domjacych: Měškank – Mě. Matka, Zynda, Mi. Matka, Šěn (76. Serbin), Rawš, B. Bejma, T. Bejma, Kobalc (88. Bernard), Kurjat, Domaška
Z pěska na halowy parket
W minjenych tydźenjach su volleyballisća Viktorije Worklecy časćišo w pěsku hač w hali trenowali. Při beachvolleyballu wukmanjachu wosebje kondiciju, wysokosć skoka a wotwobaranje. W pěsku pak su nimale wšitke wotběhi cyle hinašeho razu hač w hali.
Kaž w časach NDR so čuli
BFC Dynamo
– FSV Budissa Budyšin 1:0 (0:0)
Zestawa hosći: J. Jakubov – Kolan, Klippel, Pfanne, Kral (85. Patka), Hoßmang, Čermák, Reher, Rosendo, Hansch (72. Salewski), A. Jakubov (60. Walther)
Před lětom bě sej Budissa pola BFC Dynama z njerozsudnym 1:1 dypk wubědźiła štož tež lětsa chcyše. Wšitcy pak wědźachu, zo budźe to ćežko. W Friedricha Ludwiga Jahnowym sportowym parku dožiwi 993 přihladowarjow w prěnim połčasu jasnje dominowacy BFC. Budyscy koparjo pak so jeho nadběham wobarachu. Přiwšěm so jim wjele njeporadźi. To najlěpše w prěnim połčasu bě třělwa Hanscha nad wrota hosćićela (22.). Móžachu tuž wjeseli być, zo wosta hač k přestawce 0:0.
