Sport (28.08.15)
Strowotniske běhi
W Połčnicy su dźensa wot 17.45 hodź. wjacore tak mjenowane strowotniske běhi. Na wubědźowanskich lisćinach steja tež mjena serbskich běharjow. Na distancy 800 m startuje Juraj Nuk, na čarje 2 km Janoš Nuk a na 5 km Michał Nuk.
36. Běłobóske běhi
We Wopakej přewjedu njedźelu běhi na horu Běłobóh. Start budźe w stadionje na Lindbergowej w 10 hodź. W poskitku maja tam distancy 1,5 km/4,9 km/12 km a 20 km.
Koparske dypkowe hry
29.08. 15:00 Budissa II – Drježdźany
29.08. 15:00 Großröhrsdorf – Ralbicy
29.08. 15:00 Póst Budyšin – Kulow
29.08. 15:00 Arnsdorf – Njebjelčicy
30.08. 11:00 Rakečanske ST – ST Ćisk
30.08. 15:00 SJ Chrósćicy – LSV Hory
29.08. 13:00 Póst Budyšin II – Radwor
30.08. 15:00 N. Hrabowka – Ralbicy II
30.08. 15:00 Marijina hwězda
– Ottendorf/Liegau
Wobornicy so wubědźuja
Pokiw wšěm tym, kotřiž maja jenož pjatkowne wudaće SN: Dźensa wot 20 hodź. wubědźuja so wohnjowi wobornicy pod swětłomjetakami na Pěskečanskim sportnišću a přichodny pjatk w samsnym času na Ralbičanskim starym sportnišću do směra na Konjecy.
Triatlon KnappenMan
FC Łužica Wojerecy reaguje
Sportowe towarstwo FC Łužica Wojerecy je wčera přez medije a po dalšich pućach list rozesłała, z pomocu kotrehož pytaja za mjenami skućićelow, kotřiž běchu kónc junija w Kulowje při pokalnej koparskej hrě antiserbske spěwy spěwali, na sudnika kurowu bombu ćisnyli a na hrajnišćo praskotaki mjetali. Wobrazy skućićelow a dalšich přiwisnikow sportowej redakciji Serbskich Nowin předleža. Za pomjenowanje wosobow z adresu přilubja FC Łužica 50 eurow, za pomjenowanje mjetarja kuroweje bomby 250 eurow. Zašły tydźeń je sudnistwo Zapadołužiskeho koparskeho zwjazka FC Łužicu Wojerecy k pokuće 1 050 eurow zasudźiło. Nimo toho dyrbi sportowe towarstwo antirasistiski trening přewjesć.
Pokiwy, kotrež budu dowěrliwje wobdźěłane, podajće prošu pod telefonowym čisłom 03571/42030 abo e-mailnje pod . Hagen Grasemann, zamołwity FC Łužicy Wojerecy, na to skedźbnja, zo njesłušeja skućićeljo-fanojo k fanowej skupinje FC Łužicy Black devils.Werner Müller
Poražka zposlednim nadběhom
SJ Njebjelčicy – FC Hornja Łužica Neugersdorf, młodźina A 0:1 (0:0)
Zestawa domjacych: Hahn – J. Šołta, Šram, Pawlik, S. Kral, Hoelzel, M. Kral, R. Šołta, Hrjehor, Matka, Lejnart, Hübenthal, Matješk
Jutře „hašeja“ w Pěskecach
Dobrowólna wohnjowa wobora Pěskecy wuhotuje jutře w 20 hodź. dalši hašenski běh we wobłuku wohnjowobornych wubědźowanjow zarjadniskeho zwjazka při Klóšterskej wodźe. Přewjedli su lětsa dotal pjeć wurisanjow, tři do štyri maja hišće slědować.
Nimo dorosćenych wobdźěleja so wot lětušeho tež dorostowi wohnjowi wobornicy na hašenskich běhach. Dobrowólnej wohnjowej woborje Ralbicy-Róžant a Pančicy-Wotrow wukubłuja holcy a hólcow w šulskej starobje. Prěnja w tymle wurisanju je tuchwilu dorostowa skupina z Pančic-Wotrowa.
Tule aktualna tabulka:
1. Konjecy-Šunow 87 dypkow
2. Worklecy 82 dypkow
3. Róžant-Sernjany 76 dypkow
4. Ralbicy-Róžant 72 dypkow
5. Pěskecy 67 dypkow
6. Wotrow 66 dypkow
7. Smjerdźaca 42 dypkow
8. Hórki 32 dypkow
Liga beachvolley- balla ma ćeže
Kónc meje wotměchu so prěnje hry serbskeje beachvolleyballoweje ligi w Róžeńće. Serbske Nowiny wo tym rozprawjachu. Nětko pak je tróšku ćišiny wokoło noweje ligi zaćahnyło. Clemens Šmit je so tuž załožerja ligi Jurja Bjeńša za přičinami toho prašał, čehodla jenož hišće hdys a hdys hraja.
Jurjo, beachvolleyballowa liga bu minjeny čas w najwšelakorišich medijach wuchwalowana. Nětko pak wo njej přewjele wjac njesłyšimy. Što su přičiny?
J. Bjeńš: Eksistuje jenož jedna přičina. A to je ta, zo so jenož hišće zrědka hry wotměwaja. Mje wosobinsce to tež jara mjerza, a nadźijam so, zo ligu hišće porjadnje skónčimy.
Čehodla to tak je? Nimaja mustwa wjac žadyn elan?
Serb na swětowych mišterstwach w Japanskej
Zo ma Serbski gymnazij Budyšin w swojich rjadach šulerki a šulerjow, wobdźělacych so na wokrjesnej, krajnej a zwjazkowej runinje na sportowych wubědźowanjach, wo tym smy hižo časćišo w SN čitali. W lětnich prózdninach bě jedyn z nich na swětowych mišterstwach w Japanskej. Egon Hübner, šuler 10. lětnika Serbskeho gymnazija,wobdźěli so tam na swětowych mišterstwach karate. Po nawróće je so z nim Jan Šołta rozmołwjał.
Egonje, móžeš nam jako prěnje něšto wo wubědźowanju rjec?
E. Hübner: Wurisanje rěka WADO-world cup, kotrež so kóžde pjeć lět w kraju załoženja sportoweje družiny karate, potajkim w Japanskej, wotměwa. W mojej skupinje-klasy bě 24 wobdźělnikow z cyłeho swěta.
Sy jenički wobdźělnik z Němskeje był?
E. Hübner: Ně, běchmy tam dwanaćo wottud.
Kak sy so za swětowe mišterstwa kwalifikował?
E. Hübner: Sym hižo tak mjenowany WADO-cup na europskej runinje dobył a so na dalšich mjezynarodnych wubědźowanjach wuspěšnje wobdźělił. To bě wuměnjenje za kwalifikaciju za swětowe mišterstwa.
Kotre městno sy w Japanskej wobsadźił?
Pola načolnika poražku poćerpjeli
FSV Zwickau – Budissa Budyšin 3:0 (2:0)
Zestawa hosći: J. Jakubov – Patka (82. Fröhlich), Klippel, Pfanne, Kral, Rosendo, Kolan, Čermák, Reher (58. Heppner), Hansch (88. Walther), Salewski
Koparjo Budissy Budyšin su w Zwickauwje přećiwo načolnikej regionalneje ligi nastupili. Wobaj cyłkaj běštej do hry hišće bjez poražki. Hosćo mějachu tři njerozsudne wuslědki na konće, domjacy tři dobyća bjez přećiwniskich wrotow. Trenar Budissy Tomaš Henčl by sej ze swojim mustwom rady dypk sobu domoj wzał, byrnjež wědźał, zo budźe to ćežko. Do stadiona přišło je 2 027 přiwisnikow, mjez nimi 16 z Budyšina. Dwaceći mjeńšin bě hra wotewrjena a hosćićel njeměješe ani jeničku prawu móžnosć. Prěnja strašna třělwa Fricka pak dźěše do wrotow Budissy (22.). Na to měješe Hansch za nju šansu, přećiwnik pak tomu zadźěwa. W 30. min. bě to znowa Frick, kiž zwyši na 2:0. Hosćićel hru jasnje dominowaše a přećiwnikej nimale ničo wjace njedowoli.
Wuslědki (25.08.15)
Regionalna koparska liga
Zwickau – Budissa Budyšin 3:0 (2:0)
Babelsberg 03 – Rathenow 2:0 (0:0)
Halberstadt – Meuselwitz 0:2 (0:1)
RB Lipsk II – Nordhausen 0:3 (0:3)
Berlinski AK – Neustrelitz 0:0 (0:0)
Neugersdorf – Luckenwalde 1:0 (1:0)
Hertha BSC II – Auerbach 1:2 (0:1)
Schönberg – BFC Dynamo 2:3 (1:2)
Jena – FC Viktoria Berlin 2:3 (1:0)
1. Zwickau 4 12 : 0 12
2. Jena 4 7 : 1 10
3. Babelsberg 03 4 5 : 0 8
4. Neugersdorf 4 7 : 4 8
5. Nordhausen 4 7 : 4 7
6. Neustrelitz 4 5 : 2 7
7. Berlinski AK 4 3 : 1 6
8. BFC Dynamo 4 10 : 9 6
9. Hertha BSC II 4 5 : 5 6
10. Schönberg 4 4 : 4 5
11. Rathenow 4 3 : 4 5
12. RB Lipsk II 4 4 : 6 4
13. Auerbach 4 3 : 8 4
14. Budissa Budyšin 4 3 : 6 3
15. Meuselwitz 4 2 : 6 3
16. FC Viktoria Berlin 4 0 : 7 2
17. Halberstadt 4 2 : 9 1
18. Luckenwalde 4 1 : 7 0
Krajna koparska klasa
Radebeul – Laubegast 0:3 (0:1)
Drježdźanski SC – Mužakow 2:6 (1:3)
Niska – Drježdźany-Strěžin 2:0 (1:0)
Póst Drježdźany – Nowe Město 4:2 (3:1)
Biskopicy II – Trjebin 1:2 (1:0)
Nowosólc-Hródk – Budissa II 2:1 (0:1)
Zschachwitz – Budestecy 6:1 (4:1)
1. Trjebin 2 6 : 1 6
2. Niska 2 6 : 2 6
3. Laubegast 2 5 : 2 4
4. Nowosólc-Hródk 2 4 : 3 4
5. Mužakow 2 10 : 8 3
6. Biskopicy II 2 7 : 6 3
7. Zschachwitz 2 6 : 5 3
8. Póst Drježdźany 2 5 : 4 3
9. Budissa Budyšin II 2 4 : 3 3
10. Drježdźany-Strěžin 2 2 : 3 3
11. Nowe Město n. Spr. 2 4 : 6 1
12. Drježdźanski SC 2 4 : 8 1
13. Radebeul 2 1 : 6 0
14. Budestecy 2 3 : 10 0
Wokrjesne pokalne koło
Sepicy II – Sokoł Ralbicy/Hórki II 1:3 (1:0)
FC Łužica II – Marijina hwězda II5:4 (3:1)
SJ Chrósćicy II – TSV Wachau II0:2 (0:1)
Nowopřichady trjechili
Zeleno-běli Sepicy II
– Sokoł Ralbicy / Hórki II 1:3 (1:0)
Zestawa hosći: J. Matka – Zynda, Mi. Matka (58. Šnajder), Róbl, Serbin (46. G. Kurjat), Bernard (69. Mě. Matka), Kř. Matka, Šěn, Kobalc, M. Kurjat, Šmit
We wurisanskim pokalnym kole nastupichu chowancy trenarja Sokoła Michała Čóški pola Sepičanskeje rezerwy, kotraž hraje we wokrjesnej klasy. Přichodne koło docpěć běše cil Ralbičanow. Woni tež dominowachu a wuhrachu sej tójšto móžnosćow. W 20. min. běžeše Šmit sam na wrota přećiwnika, njetrjechi pak. Dźesać mjeńšin pozdźišo poskići so jemu dalša składnosć, nětko pak wrotarja natřěli. Šmit njebě jenički Sokoł, kotremuž čuwy zaprajichu. Tež Šěn přesłabje wotzamkny. Wuwostajenje šansow so wjećeše. Po zmylku hosći hrajachu Sepičenjo spěšnje doprědka a přewinychu wrotarja Jurja Matku k 1:0 (32.).
