Drasty sami šić nowy trend

srjeda, 27. decembera 2023 spisane wot:

„Budź žiwy, štož lubuješ“ – pod tutym motom wabi Budyska Kofejownja za šiće „Lotte“ cyłu swójbu hižo z lěta 2017. Anja Nowakowa je so z wobsedźerku Katharinu Pfeifer wo poskitkach, mjez druhim tež hladajo na aktualne trendy rozmołwjała.

Kotry koncept maće za Wašu kofejownju?

K. Pfeifer: Poskićamy swojim kupcam wosebity ramik. Mamy mały wobchod, w kotrymž zamóža sej ludźo płaty a přisłušk za šiće kupić. Zwjazany je tutón wobchod z kofejownju. Jako dalše mamy tu zarjadowanu městnosć za kursy w šiću wot wosom lět. Zajimcy móža šiće pak we wosobinskej wučbje, pak jako skupinka předewšěm w prózdninach abo tež we wobłuku dźěćacych narodnin pola nas nawuknyć.

Sće w adwenće wosebite poskitki měli?

K. Pfeifer: Nažel njemějachmy lětsa w adwenće wosebity poskitk. Smy ze wšědnym poskitkom wućežene a hladajo na personelne wobstejnosće je za nas ćežko, přidatne projekty poskićeć. Mějachmy a mamy tež hišće mnoho skazankow za hody a čas za tym wobdźěłać.

Kajka je rezonanca swójbow a dźěći, hladajo na přećah w lěću 2022 wot Hošic hasy na Wonkownu Lawsku?

Muzejej spomóžnjepoboku

štwórtk, 21. decembera 2023 spisane wot:

Njedawno je spěchowanske towarstwo Serbskeho muzeja w Budyšinje swoje nowe předsydstwo wuzwoliło. Z předsydku dr. Annett Brězanec je so Maximilian Gruber wo dźěławosći towarstwa rozmołwjał.

Na kotre wašnje angažuje so spěchowanske towarstwo na dobro muzeja?

A. Brězanec: Jedyn wažny stołp wobsteji w tym, zo podpěrujemy Serbski muzej jako jednotliwa wosobina abo jako cyłk. Podpěrujemy projekty a nakupy muzeja. Wosebje projektowe dźěło leži nam jara na wutrobje. Naše dźěło wšak je wosebje financielna podpěra. Na přikład dźe tu wo spěchowanske srědki. Wo někotre móže so mjenujcy jenož towarstwo požadać, nic pak institucija. Tež podpěra z dźěłowymi mocami je jedyn stołp našeho dźěła. Před něšto časom smy na přikład jednu sobudźěłaćerku přez program dźěłoweho zarjada financowali. Wězo pěstujemy tež swoju zhromadnosć jako sobustawojo. Tak smy sebi hižo wšelakore wustajeńcy muzeje wobhladali. Powšitkownje hodźi so rjec, zo podpěrujemy muzej ze skutkom a radu.

Partnerstwo klětu 25 lět

póndźela, 11. decembera 2023 spisane wot:

Čěsko-serbske partnerstwo mjez zakładnymaj šulomaj w Jablonecu nad Nisou a w Budyšinje traje hižo 24 lět. Budyska wučerka Gabriela Bajtlowa tute wot wšeho spočatka přewodźuje. Milenka Rječcyna je so z njej rozmołwjała.

Kak sće partnerstwo za čas korony, w času wobmjezowanjow zdźeržeć zamóhli?

G. Bajtlowa: Dokelž njebě nam móžno wosobinske zwiski hajić, smy kontakt po puću nowych medijow dźerželi a sej prawidłownje krótke powěsće posrědkowali.

Jutře přijědu šulerjo z Čěskeje do Budyšina. Kak bě to móžno?

G. Bajtlowa: We hłownej měrje je so naš šulski asistent knjez Illguth wo wšitko starał. Wón rěči trochu čěsce a je tuž wšitko dojednał. Mamy lětsa financielnu podpěru z boka města Budyšin, za čož smy přewšo dźakowni. Přiwšěm ma kóždy partner swójski financielny podźěl njesć. Naši čěscy hosćo na přikład zapłaća sami bus.

Što sće wšitko planowali?

Serbska murja z premjeru

štwórtk, 07. decembera 2023 spisane wot:

Na wulki kwisowy marathon pod titulom „kwisk a trysk“ přeprošuje towarstwo Serbska murja sobotu do Chróšćanskeje „Jednoty“. Maximilian Gruber­ je so ze sobuiniciatorom pro­jekta, Pětrom Dźisławkom, wo tym rozmołwjał­.

Kajki ma sebi zajimowany publikum format „kwisk a trysk“ předstajić?

Přinošuja k wudźeržliwosći

wutora, 05. decembera 2023 spisane wot:

Dźěćace dnjowe přebywanišćo „K wódnemu mužej“ we Worklecach wěnuje so z wosebitym projektom wudźerž­liwosći, zo bychu so surowizny znowa wužiwać móhli. Anja Nowakowa je so wo tym z wjednicu Vanessu Krahl rozmołwjała.

Što chowa so za projektom „Wodpadkowy monster“?

V. Krahl: Zhotowjer „Nuk“ ma hladajo na tutón projekt zaměr, stare bleški a comaki z plasty hromadźić, kotrež maja so recyclować. Z toho produkuja so nowe pěskowe hrajki wobstejace ze 100 proc. recyklata. Tute su za přirodu nješkódne. Mam za jara dobre, zo zamóža so nimo přebywanišćow tež swójby priwatnje za akciju přizjewić. Lětnje so šěsć miliardow plasty preć mjeta a runje w dźěćacych přebywanišćach je to wulki podźěl skóncowanych hrajkow dla. Team našeho kubłanišća je so rozsudźił, tomu zadźěwać a prěnju kročel k polěpšenju na dobro našeho wobswěta kročić.

Kak sće tutón projekt nadešła?

FabMobil mytowany

póndźela, 27. nowembera 2023 spisane wot:

FabMobil z.t. je přez cyłe lěto po puću, zo by kreatiwne technologije do wjesnych kónčinow přinjesło. Minjeny tydźeń wopyta swobodnu wyšu šulu we Wulkej Dubrawje. Milenka Rječcyna je so z jednaćelom předewzaća FabMobil, Bosćijom Pjacu, rozmołwjała.

Kotre wobsahi sće šulerjam we Wulkej Dubrawje posrědkowali?

B. Pjaca: Na poskitku su so zajimowani šulerjo wšitkich rjadownjow wobdźělili. W prěnim rjedźe su woni po swójskich idejach w kompjuterowym programje figury kreěrowali a je naposledk w 3D wučisćeli.

Ma Waš angažement za kubłanje dźěći a młodostnych dale a wjetši wuspěch?

B. Pjaca: Tak sej to znajmjeńša přejemy a tež začuwamy. Přetož digitalizacija postupuje – hač to chcemy abo nic. ­A młodźina je wotewrjena za nju. Z našim FabMobilom podpěrujemy a rozšěrjamy poskitk zaběry na tutym polu.

Na kotre wašnje so tónle wuspěch pokazuje abo snano tež mytuje?

Schadźowankaz nowostkami

wutora, 21. nowembera 2023 spisane wot:

149. schadźowanka bliži so z wulkimi krokami. Wo stawje přihotow a nowosćach je so Maximilian Gruber z režiserku wječora, Katku Pöpelec, roz­mołwjał.

Lětsa přihotujeće zhromadnje ze Symanom Hejdušku schadźowanku hižo štwórty raz – mataj mjeztym tajke něšto kaž rutinu?

K. Pöpelec: Nó haj, za naju je wšak to nětko hakle druha schadźowanka, kotraž so z publikumom w Krónje wotměwa. Přirunujo z lońšimi přihotami móžu tola rjec, zo so wotběhi dale a bóle zjednorjeja. Zakładny system, kotryž smój sebi ze Symanom před lětami zarjadowałoj, dale zdźeržimy, wšako z nim jara derje dźěłamoj: Syman stara so wo chóry a kapały a ja staram so wo kabarety. Moje dźěło wobsteji w tym, zo wotrěču sebi ze skupinami, kajke su jich plany. Zwoprědka ­sebi skeče potom wězo tež předčitam a dawam tón abo tamny tip. Tež rekwizity a podobne leža w mojej zamołwitosći.

Kajki wupada staw přihotow lětsa?

K. Pöpelec: Přihoty su wotzamknjene. Program je w dalokej měrje nastajeny. Pobrachuja jenož hišće poslednje proby, ale tute chcemy pjatk nawječor a sobotu do spočatka programa přewjesć. Schadźowanka móže přińć!

Powołanska orientacija

póndźela, 20. nowembera 2023 spisane wot:

Na Worklečanskej wyšej šuli „Michał Hórnik“ maja hladajo na powołansku orientaciju nowy poskitk, kotryž zamóža z pomocu partnerskeho zawoda w Budyšinje zrealizować. Anja Nowakowa je so wo tym ze zamołwitym šule za powołansku orientaciju Tobiasom Bulankom rozmołwjała.

Knježe Bulanko, što chowa so za „Kubłanskimi rjećazami“?

W skupinkach za blidami

štwórtk, 16. nowembera 2023 spisane wot:

Zwjazkowe předsydstwo Domowiny chce jutře, pjatk, we Wojerecach „za blidami“ naćisk „Myta za hospodarstwo“ rozjimać. Što za tym tči, wopisuje dr. Hartmut Leipner, nawoda wuběrka za naležnosće změny strukturow, hospodarstwo a infrastrukturu, w rozmołwje ­z Axelom Arltom.

Čehodla chce Domowina „Myto za hospodarstwo“ spožčić?

H. Leipner: Je trjeba, wšitke aktiwity priwatnych předewzaćow na polu serbskeje rěče w šěršim zmysle připóznawać. K tomu słuša mjez druhim, zo w firmje aktiwnje serbsku rěč nałožuja, ju we wabjenju wužiwaja abo na druhe wašnje spěchuja. Wuznamjenjenje nima někajke pjenježne myto być. Skerje měło w zjawnosći wabić z tafličku abo ze znamješkom na podłožkach firmow a z tym wobswědčić, zo tu serbsku rěč podpěruja.

Předležacy naćisk za wustawki myta pak kriterije za požadanje njedefinuje?

Mysla hižo na festiwal 2025

wutora, 14. nowembera 2023 spisane wot:

Festiwalny wuběrk je wčera w Krawčikec korčmje z Chróšćanami a wjesnjanostu Markom Klimanom festiwal wuhódnoćił. Wo tym je so Marcel Brauman z Katharinu Jurkowej rozmołwjał.

Nawal hosći bě zaso jara wulki – su zastupjerjo dworow z wothłosom spokojom?

K. Jurkowa: Sobotu smy limit skoro docpěli, njedźelu njebě horcoty dla telko wopytowarjow kaž 2019. Lětsa běchu wšitke dwory wot spočatka programa hač do kónca jara derje pjelnjene, tež wosrjedź wsy bě wjele wopytowarjow. Wosebje kofej a tykanc pak njejsu lětsa tak derje předawali. Za 2025 nadźijamy so zaso šěsć wobdźělenych dworow.

Maja wšitcy wobdźěleni wotpohlad, tež za dwě lěće zaso sobu skutkować?

K. Jurkowa: Zasadnje haj. Konkretnje so klětu dorěčimy.

Kak běži stajne zhromadne dźěło mjez wuběrkom a čestnohamtskimi?

Serbska debata

nowostki LND