Tři motorske fuk
Budyšin. Mějićel jězbneje šule na Budyskej Müntzerowej dyrbješe zawčerawšim zwěsćić, zo su njeznaći z jeho předewzaća tři motorske pokradnyli. Stało bě so to po wšěm zdaću minjeny kónc tydźenja, jako so paduši do garaže zadobychu a ju wurumowachu. Policija pyta nětko za motorskimi typa Honda CBF (čorne), Honda CB 500 (běłe) a Honda VJF (čerwjene). Nimo toho su skućićeljo tři kožane kapy, tři nahłowniki a tři dešćowe płašće sobu wzali. Hódnotu rubizny trochuje mějićel jězbneje šule na něhdźe 20 000 eurow.