Z wudaća: srjeda, 14 junija 2017

Němski zwjazkowy sejm žada sej wot zwjazkoweho knježerstwa we wobłuku jemu přewostajenych srědkow:

1. hdźež je nuzne, politiske sobuskutkowanje připóznatych narodnych mjeńšin a mjeńšinowych rěčow dale podpěrać a sylnić;

2. pruwować, hač hodźiło so w § 184 wustawy rjadowane prawo Serbow, na sud­nistwje serbšćinu wužiwać, tež za tamne připóznate narodne mjeńšiny w Němskej kaž tohorunja za mjeńšinowe rěče nałožować;

3. pruwować, hač ma so po wustawje rjadowane prawo na změnu mjena za mjeńšiny tak wukładować, zo je Serbowkam přichodnje móžno, wosebitu serbsku žónsku formu swójbneho mjena přewzać;

4. pruwować, w kotrej měrje je móžno w datowych bankach na zwjazkowej runinje wosebite wašnje pisanja mjenow w jednotliwych mjeńšinowych rěčach přewzać;

5. pruwować, w kotrej měrje móhli zastupjerjow jednotliwych mjeńšinowych rěčow we wobłuku digitalnych medijow podpěrać, zo bychu runoprawnje wužiwajomne byli;

Tójšto terminow za delegaciju młodych serbow we wobłuku rozmołwow a posedźenjow zwjazkoweho sejma w Berlinje

Dosć naročny program su sej zastupnicy štyrjoch awtochtonych na­rodnych mjeńšin a ludowych skupin w Němskej před tydźenjomaj w Berlinje zwoprawdźili. W plenarnym tydźenju zwjazkoweho sejma do swjatkow steješe za Łužiskich Serbow, Danow z Južneho Schleswiga, němskich Sintow a Romow a za Frizow wjace hač dźesać zarjadowanjow na dnjowym porjedźe. Prěni króć běchu tež młodźi zastupnicy narodnych mjeńšin Němskeje pódla, zo bychu mjeńšinowu politiku w němskej stolicy sobu dožiwili.

Wokrjesna wyša koparska liga

Kulow – Ćisk0:3 (0:2)

Póst Budyšin – Hory1:4 (0:1)

Ralbicy/Hórki – Rakecy 3:3 (1:2)

1. ST Ćisk 29  100 : 23 71

2. Sokoł Ralbicy/Hórki 29 76  : 38 56

3. Rakečanske ST 29 73  : 52 53

4. ST Hnašecy-Dobruša 29 65  : 55 51

5. LSV Hory 29 72  : 46 47

6. SC Großröhrsdorf 29 48  : 36 45

7. ST Kinspork/Łužnica 29 57  : 46 38

8. Motor Kumwałd 29 53  : 68 38

9. Póst Germ. Budyšin 29 51  : 61 37

10. Wojerowski FC 29 60  : 54 34

11. Módro-běli Kulow 29 47  : 55 32

12. Drohotka Ramnow 29 41  : 60 32

13. Zeleno-běli Bukecy 29 53  : 83 30

14. ST Wjelećin 29 59  : 10428

15. TSV Połčnica  29 49  : 75 27

16. FV Ottendorf-Okrilla 29 36  : 84 21

wokrjesna klasa, stafla II

Kulow II – Šćeńca1:2 (0:1)

SJ Njebjelčicy II – FSV Łuty II 0:6 (0:3)

SJ Chrósćicy II – ST Hlinowc 0:2 (0:1)

1. ST Hlinowc 21 64  : 22 47

2. SJ Chrósćicy II 21 55  : 29 46

3. FSV Šćeńca 21 63  : 42 41

4. HZ Łaz/Běły Chołmc II 21 61  : 38 40

Nimo jěchanskeho a skakanskeho turněra w Holešowskej Dubrawce změjemy přichodne tydźenje a měsacy tójšto dalšich zarjadowanjow, na kotrychž so konjacy sportowcy ze swojimi štyrinohačemi wubědźuja. Wosebje na turněrje w Hórkach móžemy wo­spjet z tójšto serbskimi wobdźělnikami ličić, wšako je to domjacy turněr Konjaceho sportoweho towarstwa při Klóšterskej wodźe Pančicy-Kukow.

24. – 25.06. w Kulowje: skakanje a dresura

21. – 23.07. w Zhorjelcu: jenož skakanje

28. – 30.07. w Bošecach: skakanje

  a dresura

15. – 17.09. w Hórkach: mnohostronske   jěchanje

20. – 22.10. w Kamjencu-Jěžowje:

  skakanje a dresura SN

Mišterstwa jěchanskeho dorosta Sakskeje wot 15. do 18. junija w Holešowskej Dubrawce su prěni raz wotewrjene mišterstwa za młode jěcharki a młodych jěcharjow z nowych zwjazkowych krajow kaž tež z Pólskeje a Čěskeje. Mjezynarodnu barbu dóstanje turněr dźakowano podpěrje Swobodneho stata Sakskeje, Horsta Gebersoweje załožby, krajneho zwjazka konjacy sport a kmótřistwa ministerskeho prezidenta Sakskeje Stanisława Tilicha.

1 000 startowych městnow je rezerwowanych. Přez jednore přizjewjenske modality maja nimo młodych jěcharkow a jěcharjow do 21 lět tež dorosćeni z cyłeje Němskeje dowolnosć startować. Wjac hač 140 boksow za přenocowanje hóstnych koni w modernych stanach-konjen­cach je zarjadowar spřihotował. Při zhromadnym měrjenju mocow chcedźa wot jutřišeho dobyćerjow hač do skakanja klasy S z hwězdźičku zwěsćić.

štwórtk, 15. junija – wot 10.30 do 20 hodź. skakanje a dresura

pjatk, 16. junija – wot 8 do 18.40 hodź. skakanje a dresura

wot 20 hodź. party w jěchanskej hali

sobotu, 17. junija – wot 8 do 19.30 hodź. skakanje a dresura

wot 20 hodź. krajowy wječor w jěchanskej hali

Na swojej 18. jězbje po Łužicy je so korutanski wuměłc Karl Vouk (nalěwo) nětko na nahrawanje do Wochožanskeje wuhloweje jamy podał. Zhromadnje z dźowku Laru a Fabrisom Šulinom chcedźa tam krótkofilm za nowy projekt „Přechod 2019“ wjerćeć. Nastać ma wustajeńca na temu přiroda, kotruž chcedźa potom w Awstriskej, Łužicy a Słowjenskej pokazać. Foto: Karl Vouk

Chróšćanske hońtwjerske drustwo je na­ swojej hłownej zhromadźiznje dobru­ bilancu sćahnyło. Tež bilanca dweju hajnikow-hońtwjerjow móžeše so widźeć­ dać.

Chrósćicy (JK/SN). Swoju lětušu hłownu zhromadźiznu su čłonojo Chróšćanskeho hońtwjerskeho drustwa lětsa chětro pozdźe přewjedli. Zdobom je so jenož poměrnje mało drustwownikow zawčerawšim, póndźelu, na zarjadowanju w gmejnskej sydarni wobdźěliło. Najebać to móžeše předsyda Benedikt Wjenk dosć dobru rozprawu dźěławosće drustwa podać. Znowa su lěto bjez škody dźiwiny dla přetrali a na 1 165 hektarach dosć derje hospodarili.

Delanscy radźićeljo zwjazka za wopłóčki bychu sej sprawniši model přeli

Porchow (AK/SN). Zaměrowy zwjazk za wopłóčki­ Při Klóšterskej wodźe (AZV) swoje sadźby za zakładny a mnóstwowy popłatk wobchowa. To je wčera zhro­madźizna zwjazka za dobu 2016/2017 wobkrućiła. Gmejny Porchow, Chrósćicy, Pančicy-Kukow a Worklecy hłosowachu za to, gmejna Ralbicy-Róžant přećiwo tomu­. Tuchwilu žadaja sej wosom eurow měsačnje na bydlenje a 3,90 eurow na kubikny­ meter wopłóčkow. „Prawi­znik Thomas Dils, kiž nas na Drjež­dźanskim zarjadniskim sudnistwje zastupuje, nam radźi dotalne popłatki wobchować“, rozłoži jednaćel AZV Hans-Jochen Schöne. Po słowach prawiznika maja so popłatki po zakonju a su wot prawni­skeho dohladowanskeho zarjada wobkrućene.

Smochćicy. W Smochčanskim Domje biskopa Bena wotměja so zajutřišim, pjatk, a sobotu, 17. junija, hudźbne dny. Pod hesłom „Berlinske nocy“ wotwjedu wopytowarjow hudźbje a optisce do němskeje stolicy. Za to móža čitarjo SN zastupnej lisćikaj dobyć, kotrejž płaćitej za wobaj­ dnjej. Zajimcy njech zazwonja jutře, štwórtk, wot 10 do 10.30 hodź. w redak­ciji SN pod čisłom 03591/ 577 232.

Na móšnju njekedźbowała

Wojerecy. Zawčerawšim připołdnju je njeznaty w jednej Wojerowskej kupnicy 75lětnej žonje móšnju pokradnył. Wona bě swój wačok nakupowanskemu wozyčkej připowěsnyła a so tworam na polcach přiwobroćiła. W tym wokomiku sahny cuzy za móšnju. W njej bě nimo ec-kartki a wosobinskich papjerow třicyfrowa suma pjenjez.