Z wudaća: pjatk, 16 junija 2017

Po tym zo je Němsko-Serbske ludowe dźiwadło swoju inscenaciju „Raketa“ šěsć króć němsce a hornjoserbsce předewšěm na serbskich wyšich šulach a minjeny tydźeń tež we Wotrowskej starej šuli (na wobrazu) předstajiło, podadźa so z njej do Delnjeje Łužicy. Hra z aktualnym pozadkom, w kotrejž hraje elewka činohrajneho studija při NSLDź Anna Zacharijasojc, změje swoju delnjoserbsku premjeru póndźelu, 19. junija dopołdnja, na Delnjoserbskim gymnaziju (DSG). Dalšej předstajeni stej samsny dźeń wječor w internaće gymnazija a 22. junija hišće raz w DSG planowanej. Poslednje předstajenje hry budźe hornjoserbsce 27. junija w 19.30 hodź. w Serbskim seminarje w Praze. Foto: Feliks Haza

wozjewjene w: Serwis
pjatk, 16 junija 2017 14:00

Protyka (16.06.17)

Pjatk 16. do 18.6.  Archiwowa konferenca „Slědy we wuchodnej Europje a Aziji“ w Ochranowje

   Swjedźeń „Staroměšćanske kuzło“ we Wojerecach

   Choćebuski měšćanski swjedźeń

 16. a 17.6.  Zetkanje łužiskich oldtimerow w Hórnikečanskej energijowej fabrice

  20:30 Smochčanske hudźbne dny: Berlinske nocy

Sobotu 17. a 18.6.  Lětanišćowy swjedźeń w Kamjencu

   Captains cup we Worklecach

   40. ADACjowy motocross w Jaworje

  10:00 Smolerjowy dźeń towarstwa Přećeljo Smolerjec kniharnje

  14:00 Dźeń wotewrjenych duri z popołdnjom za młode swójby w Domje Měrćina Nowaka-Njechorńskeho w Njechornju

  14:00 10. serbski swjedźeń we wobłuku měšćanskeho swjedźenja w Choćebuskim Puškinowym parku

  17:00 Předstajenje „Martin Luther – musical“ w Slepjanskej cyrkwi

  18:30 Dźiwadłowa skupina kulturneho towarstwa Ćisk předstaji na Ćišćanskim statoku komediju „Hra wo Jupitera“

  20:30 Smochčanske hudźbne dny: Berlinske nocy

Njedźelu 18.6. 9:30 Klóšterski a swójbny swjedźeń Budyskeho wo­krjesa w Pančičansko-Kukowskim zežiwjenskim a zelowym centrumje

  10:00 10. ewangelski domizniski dźeń Wojerowskeho regiona w Sprjejcach a Nowym Měsće

wozjewjene w: Protyka
pjatk, 16 junija 2017 14:00

Rozhłós (16.06.17)

Njedźelu hornjoserbsce

11:00 Łužica tutón tydźeń

11:20 Skupiny na mjezynarodnym folklornym festiwalu

11:45 Wustajeńca wo Serbach w Kašubskej

12:00 Nabožne wusyłanje

 (Jan Malink)

po tym zbožopřeća

delnjoserbsce

12:30 Aktualny magacin, mjez druhim wo serbskim narownym kamjenju w Strobicach

13:00 Portret čěskeje folklorneje skupiny

13:30 Nabožne wusyłanje

 (Hans-Christian Schütt)

po tym zbožopřeća

wozjewjene w: Rozhłós
pjatk, 16 junija 2017 14:00

Wo FUEN-kongresu

Choćebuz (SN). W meji pobychu redaktorojo delnjoserbskeho telewizijneho magacina Łužyca na 62. FUEN-kongresu pola madźarskeje narodneje mjeńšiny w Rumunskej. Što su tam filmowcy dožiwili, móža sej přihladowarjo jutře w 13.30 hodź. w telewiziji sćelaka RBB wobhladać. Nimo toho předstaja w magacinje 26lětneho přichodneho jurista Wylema Janhoefera, kiž je njedawno zastojnstwo zastupowaceho předsydy Domowiny přewzał. W pućowanskej rubrice wotkryja filmowcy serbske slědy w Nowej Niwje. Po pokiwach rozmysluje domownik Šybalik wo narodnych mjeńšinach a jich mocy.

wozjewjene w: Telewizija
pjatk, 16 junija 2017 14:00

Pokiwy (16.06.17)

Do Domu Njechorńskeho

Budyšin. Župa „Jan Arnošt Smoler“ Budyšin přeproša zajimcow na dźeń wote­wrjenych duri do Domu Měrćina Nowaka-Njechorńskeho, a to jutře wot 14 do 17 hodź. Mjez druhim poskića w Njechornju wodźenja po domje a po woblubowanych šćežkach serbskeho molerja, spisowaćela a ludowědnika.

Staroměšćanske kuzło

Wojerecy. Jutře a njedźelu pokročuja z Wojerowskim staroměšćanskim swjedźenjom. Wosebitu wažnosć kładu na regionalne rjemjesło, lokalnu a regionalnu kulturu a tradicje. Wot 19 hodź. je jutře wulka show sćelaka Radio Lausitz, njedźelu wot 11 hodź. kulturne rańše piwko, mjez druhim ze serbskej folkloru.

Lětnje dźiwadło z komediju

Ćisk. We wobłuku swjedźenskich tydźenjow k 20lětnemu wobstaću Ćišćanskeho kulturneho towarstwa přeproša tamniše dworowe dźiwadło jutře we 18.30 hodź. na předstajenje. Na Ćišćanskim statoku pokazaja komediju „Hra wo Jupitera“. Při tym jedna so wo stadłoweho byka na burskim dworje.

Pisany program na dworje

wozjewjene w: Pokiwy
pjatk, 16 junija 2017 14:00

Sport (16.06.17)

Motocross na Kaponicy

Jutře a njedźelu zarjaduje MC Jawora 40. ADAC motocross, a to na Jaworskej motocrossowej čarje Kaponica. Sobotu započnje so swobodny trening we 8 hodź. a časowe treningi w 9.50 hodź. Prěnje běhi budu w 12.35 hodź., we 18 hodź. dobyćerjow mytuja. Njedźelny wotběh budźe podobny: swobodny trening wot 8.45 hodź., běhi na čas wot 10 hodź. a prěnje hódnoćenske běhi wot 12.40 hodź.

Ministrantski turněr

Ministranća ze serbskich wosadow su na koparski turněr prošeni a to jutře, sobotu, 17. junija, w Pěskecach. Započatk budźe w 9 hodź. z Božej mšu we wjesnej kapałce.

Kónctydźenska kopańca

We wutornym wudaću smy hižo pokalne koparske hry w Rakecach připowědźili. Dypkowu partiju změja jenož w Husce. Tam nastupi we wokrjesnej klasy, stafli I ST Huska přećiwo ST Hnašecam-Dobruša II.

Triatlon za dźěći

wozjewjene w: Sport
pjatk, 16 junija 2017 14:00

Zajeće škitarjow wukazali

Istanbul (dpa/SN). Po namócnosćach před turkowskim wulkopósłanstwom we Washingtonje w meji su zamołwići w USA zajeće cyłkownje jědnaće wosobinskich škitarjow turkowskeho prezidenta Recepa Tayyipa Erdoǧana wukazali. Jim wumjetuja, zo su so 16. meje brutalnje do demonstrantow dali a wjacorych zranili. Turkowska je mjeztym ameriskeho wulkopósłanca w Istanbulu do wonkowneho ministerstwa „přeprosyła“.

Jednanja zahaja po planje

Brüssel (dpa/SN). Jednanja wo wustupje Wulkeje Britaniskeje z Europskeje unije započinaja so přichodnu póndźelu. Na to su so zamołwići EU a Wulkeje Britaniskeje dojednali. Tak chcedźa dawno wujednany časowy plan dodźeržeć, byrnjež nowe knježerstwo w Londonje hišće wu­tworjene njebyło. Wolerjo we Wulkej Britaniskej­ běchu před lětom rozsudźili, zo kraj EU wopušći. Doba za jednanja wo tym skónči so w měrcu 2019.

Putin za lěpše poćahi k USA

wozjewjene w: Kraj a swět
Němska koparska wubranka pod 21 lětami je do dźensa so zahajacych europskich mišterstwow w Krakowje wčera něhdyše nacistiske zaničowanske lěhwo Auschwitz wopytała. Při wopomnišću połožichu hrajerjo z trenarjom Stefanom Kuntzom (naprawo) a kapitanom Maximilianom Arnoldom (srjedźa) wěnc. W lěhwje běchu nacionalsocialisća wjace hač milion ludźi morili. Foto: dpa/Sung-Bin Hong

wozjewjene w: Kraj a swět
pjatk, 16 junija 2017 14:00

Přichodny syn Trumpa podhladny?

Washington (dpa/K/SN). W aferje Ruskeje dla rešeršuje wosebity přepytowar Robert Mueller nětko tohorunja wo móžnych njedowolenych wobchodnych zwiskach Trumpoweho přichodneho syna Jareda Kushnera z Moskwu. Mueller zajimuje so předewšěm za financne trans­akcije, rozprawja nowina Washington Post. Kushner je so před nastupom zastojnstwa přez Donalda Trumpa z ruskim wulkopósłancom Sergejom Kisljakom a z Moskowskimi bankownikom zetkał. Při tej składnosći je wón pječa namjetował, zarjadować před wotposkanjom wěsty komunikaciski zwisk mjez Trumpowymi ludźimi a Krjemlom. Tón měł hić přez ruske zarjadnišća w USA.

wozjewjene w: Kraj a swět
pjatk, 16 junija 2017 14:00

To a tamne (16.06.17)

Skažena ryba, hnijace larwy insektow a smjerdźate hadźace hłowy – wšo to su cłownicy w Mnichowje w póstowej posyłce ze Sambije namakali, kiž měješe priwatna wosoba w Mnichowje jako chłóšćenku dóstać. Larwy insektow pochadźeja wot wačkow, kotrež w južnym dźělu Afriki jako delikatesu jědźa. Na­jebać to cłownicy posyłku sćazachu a zničichu, dokelž to zakoń za škit přećiwo mrětwam předpisuje, cłownistwo zdźěli.

Na wšě 48 hodźin w Pariskich podzemskich katakombach staj młodostnaj wutrać dyrbjałoj, doniž jeju policija njenamaka. 16- a 17lětnaj běštaj dehydrěrowanaj a steještaj pod šokom. Pariske katakomby su 300 kilometrow dołhe. Něhdy jako skały wužiwane chódby su jenož zdźěla přistupne. W přistupnym dźělu składuja nopy a kosćowcy. Zbytny dźěl je za wopytowarjow zakazany. Najebać to so stajnje zaso ludźo do njeho zwaža. Tam pak jara spěšnje orientaciju zhubja.

wozjewjene w: To a tamne

Serbska debata

nowostki LND