Z wudaća: štwórtk, 10 awgusta 2017

NOFV – wyša koparska liga

Union Sandersdorf – Eilenburg 2:5 (0:3)

FSV Barleben – SV Merseburg 99 0:0 (0:0)

Halle – TV Askania Bernburg 0:0 (0:0)

Wismut Gera – SV SCHOTT Jena 0:1 (0:0)

Jednota Kamjenc – Jena II 2:1 (1:1)

1921 Krieschow – Biskopicy 2:4 (1:2)

Lok Stendal – Jednota Rudolstadt 2:0 (2:0)

International Lipsk – VFC Plauen 0:1 (0:0)

1. FC Eilenburg 1 5 :2  3

2. Biskopičanske KT 1 4 :2  3

3. 1. FC Lok Stendal 1 2 :0  3

4. Jednota Kamjenc 1 2 :1  3

5. SV SCHOTT Jena 1 1 :0  3

5. VFC Plauen 1 1 :0  3

7. FSV Barleben 1 0 :0  1

Wulka woda w lěće 2013 je tež při Dobroščanskej wodźe tójšto škodow načiniła. Nětko je poněčim wotstronjeja. Tak je Metznerec zawod z Dubrjenka w Dobrošicach při dźěle. Tobias Schulze ze swojim bagrom kromy rěčki porjedźa a je z kamjenjemi wobdawa, zo njebychu znowa škody nastali. Foto: Feliks Haza

W swojej lětušej dowolowej seriji předstajamy wosoby, kotrež na někajkežkuli wašnje stawizny zachowuja, starožitnosće zběraja a je zdźěla zjawnosći spřistupnjeja.­ Z dźensnišim přinoškom seriju zakónčimy.

Štóž sej w Ćisowje wjesny muzej wobhlada, to zawěrno njewobžaruje. Přećelnje wita wopytowarjow na drje jednym z najstaršich zdźeržanych třistronskich statokow Hornjeje Łužicy 56lětny Dieter Rječka, kotryž je předsyda před dźesać lětami­ załoženeho towarstwa „Za Ćisow“.

Domizniski swjedźeń w Grodku dźensa móhłrjec bjez serbskeho podźěla

Grodk (JoS/SN). Wot jutřišeho swjeća Grodkowčenjo swój domizniski swjedźeń. Lětdźesatki dołho běchu z tymle podawkom tež serbske tradicije zwjazane. Ale w minjenych lětach so serbski podzěl dźeń a bóle pomjeńši. Dopomnjenki na lěpše časy wobchowaja tuchwilu jeničce hišće Grodkowscy holanscy muzikanća.

Wjele lět bě z tradiciju, zo po oficialnym zahajenju swjedźenja na jewišću drastowa kapała, Grodkowski serbski kwasny ćah, Grodkowscy holanscy muzikanća a dźěći z pěstowarnje DRK „Bummi“ na torhošću wustupja. Pisane drastowe programy je sej kóžde lěto 800 do tysac zajimcow wobhladało. Hižo něšto lět pak je tomu hinak. Kwasny ćah su ­personalnych přičin dla rozpušćili. Kubłarka pěstowarnje, kotraž bě za program dźěći zamołwita, je dźěłowe městno změniła, a Grodkowska Domowinska skupina je přesłaba, zo móhła něšto samostatneho tuteje wulkosće na nohi stajić. Holanscy muzikanća maja mjeztym swójski program. Tuž je so serbskosć z měšćanskeho swjedźenja nimale dospołnje zminyła.

Wojerecy (AK/SN). Wobydlerski zwjazk „Wojerecy pomhaja z wutrobu“ so na mnohostronske wašnje za integraciju ćěkancow zasadźuje. Tole podšmórny hłownohamtska koordinatorka Birgit Radeck na wčerawšim zetkanju za čłonow a zajimcow. Něhdźe 100 wobydlerjow z města a wokoliny so w zwjazku angažuje.

Tuchwilu je we Wojerecach 16 swójbow ćěkancow decentralnje zaměstnjenych, 320 požadarjow wo azyl bydli w domje na Müntzerowej a 130 na Hasy Liselotty Herrmann. W dalšim domje w industrijowej přestrjeni bydli 22 njepřewodźenych młodostnych ćěkancow. Nošer wšitkich domow je AWO. Za ćěkancow organizuje zwjazk na přikład meblowy projekt. Tak pomhaja při zarjadowanju bydlenjow. Za młodostnych ćěkan­- cow wuhotowachu wosebitu rumnosć za domjace nadawki, při kotrychž jich tež podpěruja. Powołanski šulski centrum „Konrad Zuse“ poskićuje na dwě lěće rozšěrjeny powołanski přihotowanski čas.

10.8.2017 – 16.8.2017 Budyski filmowy palast: Der dunkle Turm: wšědnje 18:30 a 20:30 | pj a so 23:00 Emoji: wšědnje 14:30 (nimo štw a srj) | nj 12:15 Atomic Blonde: nj 20:00 Emoji w 3 D: wšědnje 16.30 Bigfoot Junior w 3 D: nj 15:00 Planet der Affen – Survival w 3 D: wšědnje 16:45 (nimo nj) a 19:45 | nj 17:00 | pj a so 22:30 Ich – Einfach unverbesserlich: wšědnje 14:00 (nimo štw, pó a srj), 16:30 a 18:15 (nimo pó) | nj 12:15 Ich – Einfach unverbesserlich w 3 D: wšědnje 14:30 (nimo štw, nj a srj) Ostwind 3 – Aufbruch nach Ora: wšědnje 14:15 (nimo štw a srj) a 16:00 (nimo pó) | nj 12:15 Dunkirk: wšědnje 20:30 (nimo nj) | pj a so 22:45 Valerian – Die Stadt der tausend Planeten: wšědnje 20:15 (nimo pó) | pj 22:30 Das Pubertier: wšědnje 18:30 (nimo nj) | nj 12:15 Transformers: The Last Knight: so 22:30

Kino­-ekstra: Die Hütte – Ein Wochenende mit Gott: pó 14.30, 17:15 a 20:15

Z motorskim do płota

Njeswačidło. W Njeswačidle je so wčera nawječor ćežke wobchadne njezbožo stało. Tam bě krótko do 18 hodź. 55lětna wodźerka motorskeho typa Honda na Kołowym puću po puću. Z dotal njeznateje přičiny zhubi wona kontrolu nad swojim jězdźidłom a prasny do płota priwatneje ležownosće. Při tym so žona ćežko zrani, tak zo dyrbjachu ju z helikopterom do chorownje dowjezć. Dokładnu přičinu zražki policija přepytuje.

Mały Wjelkow (CS/SN). Cyle w znamjenju cokoroweje tity steješe minjeny kónc tydźenja Małowjelkowski prazwěrjenc. Kóždy mały wopytowar, kiž swoju cokorowu titu sobu přinjese, smědźeše darmotnje do woblubowaneho wočerstwjenišća. Nimo toho móžachu so dźěći na pytanju za cokorowej titu wobdźělić a při tym rjane myta dobyć. Sčasami bě tež prazwěrjencowa maskotka po parku po puću. Mjez šulskimi nowačkami, kotřiž běchu do Małeho Wjelkowa přijěli, bě Mariella Dinesen ze Speyera. Jeje mać Franziska Dinesen pochadźa z Niniveja pola Ochranowa.

Nowy přistup ke kasy

Budyšin. Wot jutřišeho pjatka je serwisowy běrow Serbskeho ludoweho ansambla z lisćikami a dalšimi informacijemi kołowokoło předstajenjow zaso wotewrjeny. Hłowny zachod pokładnje přez hasu Při Młynskich wrotach pak je wot­thoranskich dźěłow dla zawrjeny. Wo­pytowarjow wjedu tohodla přez zachod SLA po domje do serwisoweho běrowa. Při Młynskich wrotach twarja po wšěm zdaću hišće dwaj měsacaj.

Yoga za staršich z dźěćimi

Smjerdźaca. We wobłuku swójbneho ­kubłanja poskići Serbske šulske to­warstwo kurs yoga za staršich ze swo­jimi dźěćimi. W rumnosćach žłobika w Smjerdźacej na Radlubinowej 23 přewjedźe so kurs štwórtk, 17. awgusta, w času wot 16.30 do 18 hodź. W kursu so posrědkuje, kak móža starši zhro­madnje z dźěsćom yoga dožiwić a doma tež ­samostatnje přewjesć. Za mać, nana, wowku abo dźěda a dźěćo (wot štyrjoch lět) płaći kurs dźesać eurow. Přizjewić móža so zajimcy hač do 15. awgusta pod telefonowym­ čisłom 03591/ 550 221 abo přez e-mail na .

Traktory so zetkaja