Z wudaća: póndźela, 04 decembera 2017

póndźela, 04 decembera 2017 13:00

Rjemjeslnicy zhromadnje rězali

Swoje 20lětne wobstaće je sobotu Zwjazk serbskich rjemjeslnikow a předewzaćelow swjećił. Prjedy hač so jeho čłonojo pola Šołćic w Hórkach k tomule jubilejej zetkachu, mějachu Sćěpan Dej, Marko Ryćer, Jan Wjesela, Pětr Šołta, Volkmar Šołta, Marcel­ Hoza a Ferdinand Rječka (wotlěwa) ruce połne dźěła, zo bychu kulinariske słódnosće ze swinjorězanja spřihotowali. Foto: Feliks Haza

wozjewjene w: Towarstwa
póndźela, 04 decembera 2017 13:00

Na adwentničku župy

Budyšin. Župa „Jan Arnošt Smoler“ přewjedźe štwórtk, 7. decembra, w 16 hodź. swoju adwentničku w Budyskim Serbskim domje. K tomu su wšitcy čłonojo Domowinskich skupin, čłonojo serbskich towarstwow teritorija Budyskeje župy a dalši wutrobnje prošeni. Zajimcy njech so hač do jutřišeje wutory w Budyskim regionalnym běrowje pod telefonowym čisłom 03591/ 550 211 abo emailnje pod přizjewja.

wozjewjene w: Z městow a wsow
póndźela, 04 decembera 2017 13:00

Policija (04.12.17)

Paducha lepili

Brěžki. Na Brěžkowskim přemysłownišću zwěsćichu w nocy na njedźelu, zo bě tam něchtó kable a metalowe dźěle přihotował, zo by je pokradnył. Bórze na to lepichu 26lětneho muža, kiž započa sej wšo do swojeho awta pakować. Jeho nachwilnje zajachu.

wozjewjene w: Policija
póndźela, 04 decembera 2017 13:00

Načolnistwo skrućili

Z jasnym dobyćom přećiwo TTC Wojerecam III z 11:4 je prěnje blidotenisowe mustwo DJK Konjecy swoje načolnistwo w 1. wokrjesnej lize skrućiło. Wšitke dwójki swoje duele dobychu. W prěnim kole jednotliwcow dypkowachu Alojs Čóška, Michał Elstner a Pětr Bejma, tak zo delanscy blidotenisća ze 6:3 wućeknychu. W druhim kole běchu Rafał Šěrak, Maćij Kokla, Dierk Šewc a znowa Čóška a Elstner wuspěšni, a jasne dobyće bě perfektne.

W 1. wokrjesnej klasy wočakowaše Konječanske druhe mustwo suwereneho načolnika TuS Gersdorf III. A bjezmała by načolnika poskubał. Pola dwójkow dobyštaj Dietmar Hrjehor a Stefen Woko swoju hru. Tak mějachu Konječenjo po prěnich hrach zastatk 1:2. W prěnim kole jednotliwcow dypkowachu za Konjecy Rudolf Wittig, Rainer Roßmy a Stefen Woko, tak zo startowachu hosćo z 5:4 do druheho koła. Tam přesadźichu so Dietmar Hrjehor, Julian Hrjehor a znowa Woko. Při stawje 8:7 dyrbješe štwórta dwójka hru rozsudźić. Tu pak staj Hrjehor/Woko z 2:3 cyle njezbožownje podležałoj. W pjatej sadźbje běštaj wonaj dołho nawjedowałoj, doniž ze 17:19 njepřěhraštaj.

wozjewjene w: Sport
póndźela, 04 decembera 2017 13:00

Sokoljo derby snadnje dobyli

Sokoł Ralbicy/Hórki

– ST Radwor 2:1 (1:1)

Zestawa domjacych: Ch. Gloxyn – Rawš, Zynda, Šewc, J. Bjeńš, Janca (57. D. Gloxyn), Šołta, S. Bjeńš, Matka (82. Młynk), Kurjat (69. B. Bjeńš), Domaška

Zestawa hosći: Kral – Henke, Šěrak, Zähr (67. Hančik), Wjenka, Nuk, Zimmermann, Winar, Bejmak (77. Omran), Schulze, M. Kurjat

Tribuna w Ralbičanskim Stadionje přećelstwa bě po dołhim času zaso raz derje pjelnjena, wšako přichwata do Ralbic postupnik z Radworja k serbskemu der­byjej. Wšitcy hrajerjo so mjez sobu dosć derje znaja, a tohodla knježeše na hrajnišću stajnje napjata, ale fairna nalada. Jenož sudnik Clemens Mey měješe swoju lubu nuzu, prawu nitku namakać – mustwje běstej z wukonom sudnika njespokojom.

wozjewjene w: Sport
póndźela, 04 decembera 2017 13:00

Widźał,słyšał, napisał (04.12.17)

Awtor dźensa

Křesćan Korjeńk

„To tola móžno njeje, to tola być njemóže!“ Tajke wuprajenja słyšiš často, hdyž rěči so wo njewšědnym podawku, wo wěstej fazy abo wo njewočakowanym rozsudźe. Žiwjenje ma mnohe tajke situacije, ma nimale kóždy dźeń překwapjenki, z kotrymiž njejsmy ličili. A dokelž je to kolumna ze sportowej tematiku, pohladam z tohole městna raz do swěta sporta. Njeje wjace dołho do zahajenja olympiskich zymskich hrow w Južnej Koreji. W nimale wšitkich disciplinach běža poslednje přihoty a wotměwaja so wurisanja. Nastajene kriterije, normy, časy a zdale­nosće za kwalifikaciju su wšitkim sportowcam znate.

Druhdy pak dožiwiš swojorazne rjadowanja. Tak čitach njedawno, zo dóstanje sportowy partner krasnosmykarki Aljony Zawčenko, Bruno Massot, po dwójnym zwrěšćenju w rěčnym pruwowanju nětko tola staćanstwo Němskeje a smě při olympiskich hrach startować. Žane wopačne twjerdźenja hač je tam něchtó poslednje pruwowanje wobwliwował! A jeli staj na kóncu wuspěšnaj, potom bu wšitko prawje činjene!

wozjewjene w: Sport
póndźela, 04 decembera 2017 13:00

Wuslědki (04.12.17)

Wokrjesna wyša koparska liga

Kulow – Großröhrsdorf 1:1 (1:0)

Budyšin – Rakečanske ST 0:5 (0:2)

Großnaundorf – Hory 2:1 (2:1)

Ramnow – Wojerowski FC 1:1 (0:1)

Ralbicy/Hórki – Radwor 2:1 (1:1)

1. SC Großröhrsdorf 14 28  :  5 34

2. Módro-běli Kulow 14 38  : 13 28

3. Wojerowski FC 14 29  : 20 27

4. SG Großnaundorf 14 31  : 21 25

5. Rakečanske ST 14 32  : 21 24

6. LSV Hory 14 34  : 28 22

7. Motor Kumwałd 14 23  : 21 22

8. Drohotka Ramnow 14 28  : 25 21

9. Sokoł Ralbicy/Hórki 14 18  : 18 21

10. ST Hnašecy-Dobruša 14 27  : 28 18

11. ST Wjelećin 14 27  : 38 15

12. ST Radwor 14 29  : 34 14

13. Zeleno-běli Bukecy 14 18  : 37 14

14. Póst German. Budyšin 14 19  : 25 12

15. ST Kinspork/Łužnica 14 22  : 41 10

16. ST Budyšin 14 13  : 41 7

wokrjesna klasa, stafla III

1. LSV Bluń 10 53  :  6 30

2. SZ Wóslink/Skaskow 10 42  :  6 24

3. SV Hermsdorf 10 46  : 17 19

4. LSV Hory II 10 35  : 15 19

5. Módro-běli Kulow II 10 17  : 27 15

6. ST Lubuš II 10 25  : 37 14

wozjewjene w: Wuslědki
póndźela, 04 decembera 2017 13:00

Ikona jednoći swědkow wěry

Drježdźany (B/SN). Jeho něhdyši sobudźěłaćerjo z biskopskeho oficialata w delnjosakskim měsće Vechta su na njedawnym wopyće Drježdźan biskopej Heinrichej Timmereversej wotchadny dar sobu přinjesli. Sotra benediktinkow Antje Eichhorn z klóštra Burg Dinklage je ikonu w tamnišej dźěłarni po ortodoksnej tradiciji w ručnym dźěle zhotowiła. Pod napisom „Što móže nas dźělić wot lubosće Chrystusa?“ předstajenaj staj swědkaj wěry z časa nacionalsocializma, zbóžnoprajeny Alojs Andricki (1914 – 1943) pó­dla Münsterskeho kardinala von Galena (1878 –1946).

Cyrkej Našeje knjenje wopytał

Drježdźany (B/SN). Zwjazkowy prezident Frank-Walter Steinmeier wobdźěli so na swojim nastupnym wopyće Sakskeje na nyšporje w Drježdźanskej cyrkwi Našeje knjenje. Ewangelski krajny biskop Carsten Rentzing swjećeše ekumenisku Božu słužbu hromadźe z Drježdźansko-Mišnjanskim biskopom Heinrichom Timmereversom a z fararku cyrkwje Našeje knjenje Angeliku Behnke. Z mandźelskej Elku Büdenbender zapisa Steinmeier do hóstneje knihi: „Přejemy sej měr mjez ludami a měr w nutřkownym.“

wozjewjene w: Cyrkej a swět

Serbska debata

nowostki LND