Z wudaća: srjeda, 11 apryla 2018

srjeda, 11 apryla 2018 14:00

Započnu kartki předawać

Budyšin. Z wutřělom z kanony před Budyskim Němsko-Serbskim ludowym dźiwadłom zahaji so sobotu, 14. apryla, w 11 hodź. předpředań zastupnych lisćikow za lětuše dźiwadłowe lěćo. Krótko do toho dóstanu zajimcy mały dohlad do lětušeho krucha „Olsenowa cwólba wotzběhnje“. Dźiwadło na to skedźbnja, zo tón dźeń jeničce lisćiki předawaja, rezerwowanja abo telefoniske skazanki njepřijimuja. Samsny dźeń wot 20 hodź. hodźa so lisćiki tež internetnje skazać.

wozjewjene w: Z městow a wsow
srjeda, 11 apryla 2018 14:00

Policija (11.04.18)

Spěšnosć měrili a smalakow lepili

Porchow. 81 přespěšnych šoferow je policija předwčerawšim na awtodróze A 4 lepiła. Tam je 100 kilometrow na hodźinu dowolene. 56 króć mějachu šoferojo chłostanje płaćić, w 25 padach přepo­dachu zastojnicy naležnosć statnemu rěčnistwu. Šesćoch su nimo toho z handyjom při wuchu lepili. Najnuznišo měješe wodźer BMWja, kiž bě ze 150 km/h po puću. Wón ma so nastajić na 160 eurow chłostanja, na dypkaj w Flensburgu a na měsac nóžkowanja. Měrili běchu spěšnosć wjac hač 3 600 awtow.

wozjewjene w: Policija
srjeda, 11 apryla 2018 14:00

W rejach so dale wukmanjeli

Napinacy zwučowanski kónc tydźenja leži za čłonkami a čłonami rejwanskeje skupiny Serbskeho folklorneho ansambla Wudwor. Woni pobychu wot 6. do 8. apryla w treningowym lěhwje w krasnym měsće nad Nysu Zhorjelcu.

Jako běchu wšitke zmachi spakowane a skupinske foto třělene, podachu so rejwarki a rejwarjo z busom do napjateho kónc tydźenja. Do młodownje dojěwši so proby hnydom započachu. Z mócnym „Sportej zdar!“ Wudworčenjo swój zhromadny kónc tydźenja zahajichu. Hłowny fokus tónkróć bě, zwučować zakłady a skrućić wobstejacy repertoire rejow.

Pjatk trenowachu hišće hač do pózdnjeho wječora, doniž sprócni do łoža njepadnychu. Nazajtra, po rańšim joggingu w šesćich a po słódnej snědani započachu nowu treningowu jednotku z porjadnym sćoplenjom a wukmanichu so na to mjez druhim w rejach, kaž su to „Cypowa“, „Burska“, „Dumpańca“ a „Mazurka“. Po napinacym probowym dnju dachu sobotny wječor w bowlingowej hali wuklinčeć. Posledni dźeń zahajichu z rańšej nutrnosću, po kotrejž su hišće raz wšitke nazwučowane reje wospjetowali.

wozjewjene w: Serbski powěstnik
srjeda, 11 apryla 2018 14:00

Město njech je dale a pisaniše

Budyšin (SN/MiR). Šěre kućiki w sprjewinym měsće Budyšinje maja so zhubić. Wo to stara so nětko tudyša wobydlerska iniciatiwna skupina „měšćanscy wozelenjerjo“ (Die Stadtbegrüner). Aktualna akcija angažowanych Budyšanow je wu­směrjena na štomy po­dłu dróhow. Tam ma so přichodnje wšitko zelenić a pisanić. Za to pyta skupina pomoc. „Zaměr je, podłu měšćanskich dróhow mjez štomami kwětki sadźeć a tak žiwjenske wjeselo přisporjeć“, zdźěla rěčnica iniciatiwy Anke Knaak. Dobre přikłady su na Fichtowej hižo widźeć. Tam wu­hladachu nimoducy loni samo róže ­a smjerdnički (Ringelblume). Na Lieb­knechtowej běchu zašłe lěta wokoło štomow mjez druhim macoški kćěli. Wšudźe tam, tak tež na Lubijskej, běchu a su zdźěla hižo lětsa wobydlerjo ze swójskeho zajima kwětki sadźeli. „Nimo zlěpšenja klimy dźe nam wo wjeselo při porjeńšenju našeho města“, Anke Knaak wuswětla.

wozjewjene w: Łužica
srjeda, 11 apryla 2018 14:00

Za domoródnych a turistow

W Blunju nawjes tuchwilu zdźěla nowu wuhotuja. Na dotalnej łuce napřećo tamnišej pěstowarni, hudźbnej šuli a wohnjowej woborje, njedaloko tykowaneje cyrkwički, nastawaja nowe parkowanišća, hdźež móžeš mjez druhim tež elektroawto nabiwać. Nimo toho nastaja na nawsy někotre ławki, na kotrež móža so wjesnjenjo runja turistam posydnyć, hdźež móža wodychnyć a sej rjany wuhlad lubić dać, rěka ze zarjada gmejny Halštrowska Hola na Horach, kotrejž Bluń přisłuša. Dale nastanje tam wodomjet, a stejaki za kolesa tohorunja natwarja. Wšako wjedźe njedaloko nawsy kolesowarska šćežka při Blunjanskim južnym jězorje nimo. Foto: Gernot Menzel

wozjewjene w: Łužica
Nina Krawčikec z Njebjelčic (naprawo) a Tabea Cyžec z Wudworja běštej ćichu sobotu w narodnej dra­sće­ w Budyšinje po puću a rozłožowaštej zajimcam nałožki.

Jeho mnohich tradicijow k nabožnemu nalětnjemu swjatkej rěkachu Budyšinej hižo před 90 lětami, kaž dźensa zaso, jutrow­ne město Němskeje. Lětsa je so to znowa wobkrućiło. Nimo procesiona Budyskich křižerjow do Radworja jutrow­ničku a lěta 2001 wožiwjeneho jónkrótneho nałožka jejkakulenja na Hro­dźišku čakachu na hosći mnohe dalše dožiwjenja w tysaclětnym měsće.

Hižo třeći króć je Serbski ludowy ansamb­l wobchodam srjedź města za jutrowny čas wupožčił narodnu drastu, kotraž na figurinach we wukładnych woknach na serbsku wosebitosć Łužicy skedźbnješe. Dwurěčne taflički informowachu wo tym, wo kotru drastu so jedna, w kotrej kónčinje je abo bě wona doma a při kotrej składnosći so ju žony abo mužojo hotuja. We woknje Kalauchec sanitarneho domu na Žitnych wikach wuhladach delnjoserbsku swjedźensku drastu z małej lapu (hawbu), katolsku swjedźensku drastu a serbsku mužacu drastu.

Chwalba za narodnu drastu

wozjewjene w: Kultura
srjeda, 11 apryla 2018 14:00

Wrota po róžkach

Tabulka regionalneje ligi

1. Energija Choćebuz 26 59 : 10 67

2. BFC Dynamo 25 62 : 28 52

3. Berlinski AK 27 45 : 37 42

4. Wacker Nordhausen 24 34 : 16 40

5. Lok Lipsk 25 30 : 21 40

6. Union Fürstenwalde 25 45 : 37 38

7. Hertha BSC II 26 40 : 32 38

8. ZFC Meuselwitz 27 36 : 32 37

9. Germ. Halberstadt 25 46 : 40 36

10. SV Babelsberg 03 24 33 : 25 34

11. FC Viktoria Berlin 26 40 : 40 34

12. Altglienicke Berlin 26 21 : 29 28

13. FC Neugersdorf 25 34 : 44 28

14. Budissa Budyšin 27 20 : 35 28

15. VfB Auerbach 25 32 : 38 27

16. Chemija Lipsk 28 17 : 45 26

17. TSG Neustrelitz 25 25 : 54 20

18. FSV 63 Luckenwalde 28 22 : 78 7


VfB Auerbach 1906

– FSV Budissa Budyšin 3:0 (0:0)

Zestawa hosći: Ebersbach – Kunze, Hoßmang, Hausdorf, Mack, Pfanne, Weiß (80. Gehrmann), J. Müller (72. Milde), T. Schmidt, Heppner, Bönisch (80. Kloß)

wozjewjene w: Sport
srjeda, 11 apryla 2018 14:00

W šěsćdypkowej hrě so přesadźili

Tabulka krajneje klasy

1. FSV Nowosólc-Hródk 15 47 : 18 32

2. FSV Oderwitz 02 16 41 : 27 30

3. LSV Nowe Město 16 43 : 33 30

4. Laubegast 16 37 : 31 28

5. Čerwj.-běli Mužakow 16 38 : 23 27

6. SZ Drježdźany-Strěžin 17 39 : 20 26

7. FC Neugersdorf II 17 35 : 28 23

8. ST Horni kraj-Sprjewja 15 34 : 24 21

9. SJ Chrósćicy 16 24 : 34 21

10. SG Weixdorf 16 28 : 33 20

11. Fortuna Trjebin 17 21 : 51 19

12. ST Ćisk 16 24 : 36 17

13. SC Borea Drježdźany 16 27 : 50 17

14. Drježdźanski SC 17 29 : 59 8


SJ Chrósćicy

– Fortuna Trjebin 2:1 (2:1)

Zestawa domjacych: Stein – Šiman, Sentivan, Hrdlitschka, Cyž, M. Zahrodnik, Henčl, Žur, G. Zahrodnik (53. Bogusz), Młynk (87. Dórnik), Němec (90. Teichmann)

Jara wažnu hru mějachu koparjo prěnjeho mustwa Chróšćanskeje SJ minjenu njedźelu. Při najrjeńšim wjedrje wočakowachu woni přećiwnika prěni króć w lěće na domjacym trawniku. Fortuna Trjebin je w tabulce direktny konkurent SJC. Tak běchu wažne tři dypki wězo wulki cil.

wozjewjene w: Sport

Serbska debata

nowostki LND