Z wudaća: pjatk, 08 junija 2018

Zajutřišim, 10. junija, so PlusBus wobchadneho zwjazka Hornje Łobjo (VVO) prěni króć na puć poda. Linije budu wot póndźele do pjatka 15 razow a kónc tydźenja znajmjeńša šěsć razow z Drježdźan do nakromnych kónčin tam a sem jězdźić. Z PlusBusom maja so tež wobchadne zwiski do Budyskeho wokrjesa kaž Kinsporka, Wojerec a Kamjenca polěpšić. Foto: Lars Neumann

wozjewjene w: Serwis
pjatk, 08 junija 2018 14:00

Protyka (08.06.18)

Pjatk 8. do 10.6.  Wjesny swjedźeń w Jaseńcy

   25. Schiebockske dny

   48hodźinska akcija

   Wjesny swjedźeń a 450lětne wobstaće Bjezdowow

   Swjedźeń Zhorjelskeje piwarnje Landskron

  19:00 12. čitanska nóc w Budyskim Dźiwadle na hrodźe

  19:00 Rakečanska chórowa serenada při Pawołskej šuli

Sobotu 9. a 10.6.   Hornjołužiski wuměłstwowy bus po puću

   675. wobstaće Wulkeje Dubrawy

  10:00 Zetkanje oldtimerowych jězdźidłow w Hórnikečanskej Energijowej fabrice

  14:00 Dźeń wotewrjenych duri w Ludowym nakładni- stwje Domowina składnostnje jeho 60lětneho wobstaća

  14:00 Dźeń wotewrjenych duri w Domje Měrćina Nowaka­ w Njechornju

  14:00 Nadróžny swjedźeń při Kamjenskich klóšterskich wrotach

  15:00 Duchowna hudźba z chórom Budyskeho Serb­skeho gymnazija pod nawodom Friedemanna Böhmy w cyrkwi swj. Marije w čěskich Hejnicach

  17:30 Serbski ludowy ansambl předstaji zhudźbnjenu stawiznu wo worakawcomaj Maksu a Moricu na žur­li Budyskeho SLA

  18:00 Dołha nóc kultury w Budyšinje – mjez druhim w Smolerjec kniharni

  18:00 Předstajenje němeho filma „Cuzy ptak“ z live-přewodom na klawěrje w Budyskej Röhrscheidtowej bašće SLA

wozjewjene w: Protyka
pjatk, 08 junija 2018 14:00

Rozhłós (08.06.18)

njedźelu hornjoserbsce

11:00  Łužica tutón tydźeń

11:20 Hornjołužiski zwjazk Carity 25 lět – studijowa rozmołwa z Handrijom Rjenčom a Andreasom Ošiku

12:00  Nabožne wusyłanje

(Jan Malink)

po tym zbožopřeća

delnjoserbsce

12:30 Aktualny magacin, mjez druhim wo Dešnjanskim domizniskim muzeju

13:00 Serbski sejm – iniciatiwa za serbski parlament

13:30 Nabožne wusyłanje

(Hans Christof Schütt)

po tym zbožopřeća 

wozjewjene w: Rozhłós
pjatk, 08 junija 2018 14:00

Pokiwy (08.06.18)

Swjedźeń na sportnišću

Jaseńca. Po tym zo je dźensa Dr. Taste Jasčanam a jich hosćom w 20 hodź. na rejach mócnje „zapyrił“, su wšitcy jutře po koparskim turněrje wot 15.30 hodź. na program wjesnych dźěći přeprošeni. Wot 20 hodź. slědujetej na sportnišću zabawny program a diskoteku Pretorius. Njedźelu w 10 hodź. budźe rańše piwko z dujerskej hudźbum w 12 hodź. volleyballowy turněr.

Wulki swjedźenski ćah

Wulka Dubrawa. Prjedy hač so jutře we Wulkej Dubrawje w 20 hodź. reje z Dr. Tastu započnu a w stanje piwo natoča, přewjedu tam na wjesnym swje­dźenju wot 9 hodź. přez cyły dźeń najwšelakoriše sportowe wubědźowanja. Njedźelu poćehnje wot 11 hodź. wulki swjedźenski ćah wot Richarda Reinickoweje hač k Brězynskej dróze. W 12 hodź. započnje so na swjedźenišću pisany program z Heikom Harigom, Budyskimi sportowymi akrobatami a wuměłcami Serbskeho ludoweho ansambla.

Kulturna brigada spěwa

wozjewjene w: Pokiwy
pjatk, 08 junija 2018 14:00

Sport (08.06.18)

Koparske derbyje

W Njebjelčicach změja njedźelu dwaj koparskej derbyjej, w Radworju jedyn. We wokrjesnej wyšej lize wo­ča­kuja Ra­dworčenjo w 15 hodź. koparjow z Ralbic. W Njebjelčicach hraja w 13 a 15 hodź. Najprjedy rěka­ přećiwnik tamnišeje rezerwy Natwar Němske Pazlicy II, po tym nastupitej prěnjej mustwje přećiwo sebi.

Dalše koparske hry

09.06. 15:00  LSV Hory II –

  Módro-běli Kulow II

09.06. 15:00  SJ Chrósćicy –

  LSV Nowe Město

09.06. 15:00  SC Großröhrsdorf –

  Módro-běli Kulow

09.06. 15:00  Rakečanske ST –

  ST Budyšin

10.06. 13:00 ST Marijina hwězda –

  HZ Łaz/Běły Chołmc

10.06. 13:00 SJ Chrósćicy II –

  HZ Wulke Ždźary

Klóšterscy koparjo přeprošuja

Prěnje koparske mustwo ST Marijineje hwězdy přeprošuje swojich přiwisnikow na poslednju domjacu dypkowu hru sezo­ny 2017/2018, kotraž budźe njedźelu wot 13 hodź. w Pančicach. Přećiwnik je HZ Łaz/Běły Chołmc. Wo ćělne derje­měće postara so hosćićel sam, wudawki přewozmje mustwowa kasa.

Turněr stareje gardy

wozjewjene w: Sport
pjatk, 08 junija 2018 14:00

Wotrow wołał: Sportej zdar!

Takle rěkaše njedawno na Wotrowskim sportnišću. Kubłarki a kubłarjo serbskeje pěstowarnje „Dźěćacy raj“ běchu dźěći a jich staršich na zhromadny sportowy swjedźeń přeprosyli. Nawodnica pěstowarnje Hańžka Nawcyna móžeše nimale połsta wobdźělnikow witać. Sportowy swjedźeń bě zdobom přiležnosć dźeń nana­, dźeń maćerje a dźeń dźěsća hromadźe swjećić.

K zazběhej bě sej kubłar Chrystof Šołta někotre zwučowanja k sćoplenju pře­myslił. Tak zestupachmy so do wulkeho kruha a kružachmy při rjanej hudźbje z ramjenjomaj: Skakachmy kašporka a smy­ k lóštnej zabawje wšelakore hry přewjedli. Te běchu sej kubłarjo pře­myslili. Tak dyrbjachu starši swoje dźěći na karu sadźić a je z druhim mustwom napřemo wozyć. Při napřemoběhu z pjericomaj (Flossen) běchu nanojo wosebje wužadani. Maćerje přizamknychu so we wubědźowanju z wobručemi.

Wjeršk swjedźenja bě kopańca nanow z dźěćimi. Dobra nalada na sportnišću je tež­ wjesnjanow přiwabiła a woni su zhromadnje z maćerjemi mustwa po­honjeli. Na kóncu je wšitkim mały imbis z Bulankec pjekarnje zesłodźał. Felizitas Birkhofenowa

wozjewjene w: Kubłanje
pjatk, 08 junija 2018 14:00

Křižowka (08.06.18)

Wodorunje: 3 muž a ..., 5 napjaty film, 6 dźěl trawnika, 7 japanska stolica, 10 rozkora, 13 pólski parlament, 14 nahladnosć wosoby, 15 město w Badensko-Württembergskej

Padorunje: 1 zadni dźěl mustwa, 2 moderna barba, 3 dźěl Budy­šina, 4 lud, 8 jězor w sewjernej Ruskej, 9 turkowske město, 11 horiny ­w Aziji, 12 kónc modlitwy

wozjewjene w: Serwis
pjatk, 08 junija 2018 14:00

Krótkopowěsće (08.06.18)

Twórby zapodać

Choćebuz. Wotnětka přijimaja zarja­dowarjo Choćebuskeho filmoweho festiwala (CFF) přinoški za lětuše wubědźowanje „FilmSchau“. Wurisanje měri so na łužiskich filmowcow a wěnuje so krótkim formam toho wuměłstwa. Załožba za serbski lud spožči w tym wo­błuku wosebite, z 1 000 eurami dotěrowane myto. Z mjeztym 16. „FilmSchau“ festiwal spočatk nowembra zahaja.

Brězana česćić

Berlin/Budyšin. Iniciatiwna skupina Jurij Brězan je so dźensa ze zjawnym listom na Budyskeho wyšeho měšćanostu Alexandera Ahrensa (SPD) wobroćiła. Město měło „móžnosće rozjimać, kak naj­wuznamnišeho serbskeho spisowaćela přimě­rjenje počesći“. Podpisali su list mjez druhim­ zapósłanča zwjazkoweho sejma Caren Lay (Lěwica), Lutz Hillmann, Benedikt Dyrlich a Jan Bělk.

Common Voice wjacerěčny

wozjewjene w: Krótkopowěsće
pjatk, 08 junija 2018 14:00

Riziko infekcijow jara snadne

Strowotniski zarjad ma kwalitu wody w jězorach za jara dobru

Kulow/Budyšin (SN/mwe). Jónu wob mě­sac přijědu přistajeni zamołwiteho labo­ra w nadawku Budyskeho strowot­niskeho zarjada a hygieny do Kulowskeje lěsneje kupjele, zo bychu tam probu wody­ wzali, z basenka a pitnu wodu ze sy­će. Prjedy hač je so lětuša kupanska sezona na tymle přewšo krasnym a w Serbach woblubowanym arealu 26. meje zahajiła, běchu tam fachowcy tydźeń do toho wodu jara dokładnje přepru­wowali. Ale žane strašne bakterije našli njejsu. Na kwalitu wody dźě wo­sebje wjelelětny a nazhonity płuwanski mišter Uwe Kickel hlada. Tak do bli­žacych so njewjedrow přitok wody z D­u­brjenskeho bahna zawěra, zo njeby so mazana woda do kupjele dóstała.

wozjewjene w: Łužica
pjatk, 08 junija 2018 14:00

Njech je žiwa běrokratija

Marian Wjeńka

Europska unija je hižo wjacekróć zakonje wupjekła, kotrychž dla ze strowym rozumom jeno z hłowu wiješ. Myslu na přikład na zakaz žehlawkow abo na wukaz, kajka ma zelena kórka wupadać. Naj­nowši přikład su nětko nowe postajenja škita wosobinskich datow dla, kotrež wot 25. meje płaća. Zo ma so z tajkimi datami jara sensibelnje wobchadźeć, je samo mi jasne. Ale kotre wuskutki tajki zakoń ma, nazhonjeja nětko na přikład wšitcy ći, kotřiž chcedźa někomu přez žołmy rozhłosa k narodninam gratulować. Tele wusyłanja – serbske kaž němske – su jara woblubowane, dokelž njesłyšiš jeno zabawnu hudźbu, ale zdobom zhoniš, zo je tón abo tamny znaty zaso lětko starši. A wězo so tež potrjecheny sam zwjeseli.

wozjewjene w: Rozmyslowane

Serbska debata

nowostki LND