Z wudaća: srjeda, 11 julija 2018

srjeda, 11 julija 2018 14:00

Kniha wuzběhuje jeje zasłužby

Spěchowanske towarstwo Čornochołmčanskeho Krabatoweho młyna je nětko knihu wudało, kotraž rěka „Dźiwje lěta Gertrud Wincarjoweje“. Nowostka hódnoći zasłužby bywšeje Čornochołmčanskeje wjesnjanostki, kotrejž maja so hłownje dźakować, zo móžeše dožiwjenski areal na kromje wsy nastać. Dopomnjenki Wincarjoweje spisa awtorka Gabriele Kohlmann. Tež wid sobuwojowarjow angažoweneje žony je w knize protokolowany. Dale je zapřijata mała chronika wo stawiznach nastaća Krabatoweho młyna. Jednu z inscenacijow lětušich Krabatowych swjedźenskich hrow je sej tež Gertrud Wincarjowa wobhladała a dósta při tej składnosći knihu wo sebi přepodatu. Zajimcy móža sej nowostku w Krabatowym młynje kupić. Nimo toho je tam tele dny kniha Stefana Rössela „Dospołnje zakuzłany“ wušła, ­kotraž rysuje wuwiće Krabatowych swjedźenskich hrow. Foto: Carmen Schumann

wozjewjene w: Towarstwa
srjeda, 11 julija 2018 14:00

Pohrjebnišćo chcedźa ponowić

Mułkecy (AK/SN). Po woli gmejnskeje ­rady Slepo budźe Mułkečanske pohrjebnišćo saněrowane a nowowuhotowane. Z jednym napřećiwnym a jednym wzdatym hłosom Slepjanscy gmejnscy ra­dźićeljo na swojim zašłym posedźenju wobzamknychu, předewzaće we wob­jimje 71 000 eurow zwoprawdźić.

wozjewjene w: Łužica
srjeda, 11 julija 2018 14:00

Swjeća 20lětne wobstaće

Smječkecy. Z wjesnym swjedźenjom zhladuje Smječkečanski wjesny klub Při winicy wot zajutřišeho hač do njedźele, 15. julija, na 20lětne wobstaće. Po pjatkownym natočenju piwa změja sobotu popołdnju wosebity program za młode swójby z wubědźowanskim parcoursom. Dobyćerjej kiwa jako prěnje myto swójbny lisćik za Wojerowski zwěrjenc. Wječor zahrajetaj diskoteka Melodia ze Serbskich Pazlic a Berlinski DJ Nellski. Wot 20.30 do 21.30 hodź. změja tak mjenowanu happyhour, hdyž poskića dwaj napojej za płaćiznu jednoho. Po njedźelnym rańšim piwku slěduje w 14 hodź. ekumeniski nyšpor w ewangelskej cyrkwi z fararku Karin Großmann a z diakonom Pětrom Mrózom. Po tym su wšitcy na kofej a tykanc kaž tež na pisany program wjesnjanow a hosći přeprošeni.

Wězo pokazaja w 17 hodź. finalnu hru koparskich swětowych mišterstwow. Wšitcy zajimcy su tuž do Smječkec wutrobnje přeprošeni.

wozjewjene w: Z městow a wsow
srjeda, 11 julija 2018 14:00

Policija (11.07.18)

Podhladnaj hižo raz napadnyłoj

Wojerecy. Wobsadka policajskeho awta je wčera rano we Wojerecach padustwu zadźěwała. Zastojnicy wuhladachu dweju muži w starobje 24 lět při wobchodźe na Dillingenskej. Jako wonaj policistow widźeštaj, spytaštaj ćeknyć, policistaj pak běštaj spěšnišej a jeju nachwilnje zaještaj. Přepytujo jeju awto z pólskim čisłom namakaštaj wulki hamor a mjezwočowej masce. Z tajkimi utensilijemi běštaj 24lětnaj w juniju hižo w Budyšinje napadnyłoj. Nimo toho staj wobaj tež w Pólskej zadobywanskich deliktow dla znataj. Policija nětko pruwuje, hač du dalše padustwa na jeju konto.

wozjewjene w: Policija

Znataj serbskaj dźiwadźelnikaj nahrawataj nowostku „Hura, prózdniny“

Nazymu ma w Ludowym nakładnistwje Domowina pod titulom „Hura, prózdniny“ antologija z powědančkami wo zawěsće najrjeńšim času šulerkow a šulerjow wuńć. Nimo wjazaneho wudaća, kotryž­ wopřijima cyłkownje 15 tekstow dohromady 15 awtorow – mjez druhim Křesćana Krawca, Andreje Chěžcyneje, Jurja Kocha, Boženy Hojerec, Pětra Dźisławka, Jěwy-Marje Čornakec, Dušana Haj­duka-Veljkovića, Dorotheje Šołćineje, Štefana Paški, Wernera Měškanka a Měrki Mětoweje –, produkuje LND tuchwilu tež słuchoknihu. Za nju wupytachu štyri krótkopowědančka ze zběrki, a te na­hrawataj dźiwadźelnica Gabriela-Marija Šmajdźina a dźiwadźelnik Stanisław Bran­kačk w Berlinskim studiju SERVI Jana­ Bělka. Tuchwilu w Hamburgu skutkowaca hrajerka spožča figuram po­wědančka „Krótki a dołhi čas“ Moniki Dyrlichoweje a načasnej bajce „Jejko z Beskidow“ Lubiny Hajduk-Veljkovićoweje hłós – lěpje: hłosy.

wozjewjene w: Kultura
srjeda, 11 julija 2018 14:00

Wuslědki (11.07.18)

Aktualna tabulka bičwolejbuloweje ligi

hry/sadźby/dypki

1. Spiesec/Mieth  6 10 :4  10

2. Rjelka/Wjeńka/Gall  4 8 :0  8

3. Šewc/Bjeńš 3 6 :0  6

4. Bětnar/Wahlicht/Smoła 4 7 :2  6

5. Smoła/Šołta  5 7 :5  6

6. Cyž/Krawc 4 5 :4  4

7. Škit Budyšin  5 4 :8  2

8. Langa/Heeleman/Hanuza  

 7 2 : 12 2

9. Ješka/Šmit 0 0 :0  0

10. Gedik/Šołta  2 0 :4  0

11. Cyž/Zelnak/Cyž 3 0 :6  0

Kónčne tabulki dorosta Zapadołužiskeho koparskeho zwjazka

młodźina E, wokrjesna wyša liga

1. Liegau-Augustusbad II 18 143 : 34 52

2. ST Zeleno-běli Bukecy 18 148 : 54 37

3. TSV Wachau II 18 123 : 79 36

4. Jednota Kamjenc 18 115 : 56 34

5. ST Horni kraj Sprjewja 18 88 : 78 28

6. Biskopičanske KT 08 18 80 : 80 26

7. Wojerowski FC 18 67 : 103 18

8. FSV Budissa Budyšin  18 62 : 108 18

9. Rakečanske ST 18 46 : 133 7

10. ST Porchow 18 48 : 195 7

młodźina E, wokrjesna liga, stafla 1

1. ST Wulka Dubrawa 10 99 : 27 28

2. HZ Traktor Malešecy/

Budissa 08 Budyšink 10 85 : 31 28

3. ST Bart 10 106 : 49 21

4. Motor Kumwałd 10 51 : 24 19

5. ST Hnašecy-Dobruša 10 58 : 40 16

6. ST 1922 Radwor II 10 61 : 49 12

7. HZ Zeleno-běli Bukecy II/

ST Kubšicy 10 75 : 71 12

8. FSV Budissa Budyšin II 10 60 : 50 10

9. Horni kraj Sprjewja II 10 51 : 51 10

10. ST Budyšin 10 46 : 62 6

11. Wóspork/Hrodźišćo 10 1 : 239 0

młodźina E, wokrjesna liga, stafla 2

1. Póst Germ. Budyšin 11 70 : 9 29

2. TSV 1859 Wjernarjecy 11 96 : 20 28

3. ST Hodźij 04 11 58 : 24 25

4. TSV 90 Wjazońca 11 95 : 21 24

5. HZ Postup Großharthau/

SZ Drjewnica 05/SV Seeligstadt 

 10 50 : 23 20

6. Biskopičanske KT 08 II 11 63 : 56 16

7. ST Huska 10 77 : 40 15

8. TSV Wjernarjecy II 11 53 : 69 12

9. Drohotka Ramnow 11 36 : 52 12

10. SZ Wjelećin 11 21 : 102 4

11. Budissa Budyšin III 11 27 : 110 4

12. SG Frankenthal 11 19 : 139 0

wozjewjene w: Wuslědki
srjeda, 11 julija 2018 14:00

Wjedro sobu njehrało

Minjeny tydźeń bě do Budyšina hnydom pjeć mustwow serbskeje bičwolejbuloweje ligi přichwatało. Planowane bě, zo přewjedu tónraz dohromady sydom hrow. Zdypkom we wosmich pak dyrbjachu wolejbulisća swoje zma­chi­ zaso spakować. Swjaty Pětr njeměješe žadyn lóšt wjac na serbsku bič­ligu a skónči wječor ze sylnym dešćom. Štyri duele pak najebać špatne wjedro wuhrachu, a to bjez překwapjenki.

W prěnjej hrě nastupištaj Józef Krawc a Matej Cyž přećiwo Worklečanskej trójce Marcel Rjelka/Daniel Gall/Stephan Wjeńka. Tući třo wobstajnje měnjachu a dobychu suwerenje z 2:0 (21:14, 21:12), a to tež dźakowano zmylkam młodeju Krawca a Cyža. Druhu hru pak Chróšćanska dwójka přećiwo koparjomaj Njebjelčanskeje SJ doby. Ronnyja Hanuzu a Jakuba Langu porazy z 21:15 a 21:17.

wozjewjene w: Sport

Serbska debata

nowostki LND