Z wudaća: štwórtk, 09 awgusta 2018

Mineralna bursa

Hórnikecy. W Hórnikečanskej energijowej fabrice wotměje so zajutřišim wot 10 do 16 hodź. 14. łužiska mineralna bursa. Pod wěcywustojnym nawodom wobsteji tež přiležnosć, złoto myć.

Jězby z hlinowej železnicu

Běła Woda. Sobotu, 12. awgusta, móža so zajimcy w 10 kaž tež w 14 hodź. z Běłowodźanskeho dwórnišća Hatna dróha z hlinowej železnicu tři hodźiny na kołopuć tež do Mužakowa a Wochozy podać.

Na prěnim posedźenju Njeswačanskeje gmejnskeje rady po lěćnej přestawce su radźićeljo wutoru wuradźowali, kak hasy w Dobrošicach přichodnje pomjenować. To je trjeba, zo móže so wuchowanska słužba lěpje orientować.

Njeswačidło (CS/SN). Dobroščenjo běchu mjena za hasy hižo namjetowali. Tak měl­i dróhi a puće Při hrodowym haće, Li­pa­, Křižerski puć, Dobroščanska hłowna dróha, K staremu młynej, Janska a Cyrkwinski puć rěkać. Radźićeljo pak mějachu wobmyslenja, zo móhło „Při hrodowym haće“ k zaměnjenju w Njeswačidle wjesć. Pola „Lipy“ wustajichu, zo je mjeno překrótke. Namjety chcedźa na jednej z přichodnych gmejnskich radow wothłosować. Wobydlerjo móža dale swoje namjety dawać. Hdyž wšo derje poběži, móhli Dobroščenjo k 1. septembrej 2019 taflički z nowymi mjenami dróhow připrawjene měć: němsce a serbsce w jenakej wulkosći popisane.

9.8.–15.8.2018

Budyski filmowy palast:

Christopher Robin: nj 14:30 Hotel Transsilvanien 3 – Ein Monsterurlaub: wšědnje 14:30 (nimo srj) | 17:15 Hotel Transsilvanien 3 – Ein Mon­s­ter­urlaub w 3D: nj 12:15 Mission: Impossible – Fallout: wšědnje 14:15 (nimo nj, pó a srj) Mission: Impossible – Fallout w 3D: nj 14:30 | wšědnje 16:45 a 19:45 | pj a so tež 22:15 Mamma Mia! Here We Go Again: wšědnje 14:45 (nimo srj), 17:15 a 19:45 Ant-Man and the Wasp w 3D: wšědnje 14:45 a 17:15 (nimo nj, pó a srj) | 19:45 | pj a so tež 22:45 The Equalizer 2: srj 20:15 Sicario 2: pj a so 22:00 Meine teuflisch gute Freundin: nj 12:15 Papst Franziskus – Ein Mann seines Wortes: pó 15:00 Skyscraper: pj a nj 19:30 Die Farbe des Horizonts: štw, so a wu 19:30 The First Purge: pj a so 22:15 Jurassic World: Das gefallene Königreich: nj 12:15 Jim Knopf und Lukas der Lokomotivführer: nj 12:15

Kino Ekstra: Swimming with Men: nj 17:15 | pó 14:30, 17:15 a 20:15

Wojerowski CineMotion:

Zahroda Radworskeje serbskeje wyšeje šule je woprawdźita zelena oaza

Radworska wyša šula „Dr. Marja Gról­musec“ ma wosebje powabliwu šulsku zahrodu. Tam so wot zažneho nalěća wšitko zeleni, a hač do nazymy žněja šulerjo z wulkej radosću to, štož je pod jich wušiknymi rukami narostło a zrawiło.

Zelena oaza njeje něhdźe na kromje terena kubłanišća, ale je wosrjedź šul­ske­ho twarjenja zaměstnjena. W Radworju njejsu sej městnosć dźěći zakładneje šule jako šulsku zahrodku wotkryli, za­běrace so z temu we wobłuku wěcneje wučby. Ně, su to dźewjatkarjo a dźesat­karjo, kotřiž so wo zahrodku staraja. Ći młódši z nich sad a zeleninu sadźeja a plahuja. A ći starši z wotchadneho 10. lětnika smědźa sej tam wšědnje přestawki popřeć. Dobra duša projekta je Monika Naglo­wa, wučerka matematiki a geografije. „Zajimuju so za zahrodu a posrěd­ku­ju šulerjam rady dobry poměr k při­ro­dźe“, wona měni. W lěće 2012 bě so wšitko započało. Te­hdyši „wulcy“ běchu so na 48hodźinskej akciji wobdźělili a sej teren wosrjedź kubła­nišća wotkryli. Pomhał je jim při tym Radworčan Ludwig Sachsa, kiž ma takrjec „zeleny palc“.

Sabina Jurencec je wosom lět z wulkim angažementom na Wyšej šuli „Dr. Marja Grólmusec“ Slepo wuwučowała. Wot noweho šulskeho lěta skutkuje wona nětko na wyšej šuli samsneho mjena w Radworju, bliže k swojej ródnej wsy Pančicam-Kukowej.

Slepo (AK/SN). „Wuwučować bjez wjesela? Wučba bjez smjeća? To njemóžu sej předstajić“, měni Sabina Jurencec z Pančic-Kukowa. „Jeli so w šulskej hodźinje ze šulerjemi njesměju, da něšto njetrjechi.“ Sprawna, direktna a konsekwentna chce wona jako wučerka być – awtentiska a runje tajka kaž hewak tež.

Minjeny štwórtk běchu so koparjo Chróšćanskeje SJ na puć do Pólskeje nastajili. Cil rěkaše wjes Raszowa w gmejnje Leśnica. Po někak tři a poł hodźiny docpě­chu mužojo kwartěr za přichodne dny: hotel Viktorjan. Na druhi dźeń rano započachu trenować. Trenarjej Detlefej Panitzej dźěše při tym wosebje wosebje wo wu­trajnosć. Prěnjej połdrahodźinskej jednotce přizamkny so připołdnju dalša. Tež testowa partija steješe hišće na programje. Přećiwnik bě mustwo ze Stareho Ujazda, hrajace na 6. runinje pólskeho ligo­weho systema. Loni bě wone postupiło a ma ambicije dale postupić. Tak steještej na kopanišću runohódnej cyłkaj. Zaměr testa njebě jenož dobry wuslědk, skerje wuspytanje wšelakich formacijow. Spočatnje bě widźeć, zo maja Chróšćenjo napinacy trening za sobu. Domjacy běchu přeco kročel spěšniši a so w dwu­bojach přesadźichu. Spytachu přećiwnika zahe pod ćišć stajeć, tak zo bě opcija za SJC husto­ jenož dołhi bul. Hosćićeljo w ofen­siwje so z technisce sylnymi hrajerjemi přeco zaso do šěsnatki předrěwachu.