Z wudaća: septembera 2018

Pančicy-Kukow. Zastupjerki a zastupjerjo Domowiny, Sakskeje serbskeje rady a Załožby za serbski lud přeproša wšitkich zajimcow na zhromadny diskusijny wječor. Wón wotměje so wutoru, 2. oktobra, w 19 hodź. w hosćencu „Karstenowa piwowa stwička“ w Pančicach-Kukowje. Přeprošeni njejsu jenož aktiwni čłonojo najwšelakorišich serbskich towarstwow, ale tež jednotliwcy, serbscy młodostni a starši kaž tež politisce zajimowani. Z nimi chcedźa so wo tym rozmołwjeć, hdźe derje běži, hdźe klaca a kak móhli jich skutkowanje podpěrać. W srjedźišću steja prašenja wopytowarjow. Organizatorojo wjesela so na čiłu diskusiju.

Parkowanišćo ponowja

W kupnicy móšeń pokradnyli

Pančicy-Kukow. 29lětnej žonje su nje­znaći minjenu póndźelu popołdnju w kupnicy Netto w Pančicach-Kukowje móšeń pokradnyli. Žona drje bě swój nachribjetnik w nakupowanskim wozu krótki čas njewobkedźbowany wostajiła. Tutu składnosć njeznaći wužiwachu a za móšnju sahnychu. Nimo wupokaza a pjenježnych kartow zhubi so tohorunja dwucyfrowa suma pjenjez. Kriminalna policija pad přepytuje a radźi, wosobinske wěcy njewobkedźbowane njewostajić.

Kóń do awta zaběžał

Prěčecy. Wjacore konje so wčera rano pola Bolborc ze swojeje pastwy wudobychu. Jedyn z nich je krótko po 5 hodź. na statnej dróze S 100 pola Prěčec do wosoboweho awta zaběžał a so při tym snadnje zranił. Skótny lěkar jeho zastara. Šofer so na zbožo zranił njeje.

Štož je w Budyšinje a wšudźe druhdźe hewak kruće zakazane, smědźa tu młodostni w tymle tydźenju cyle oficialnje činić, mjenujcy jedyn grafiti za druhim pryskać.

Budyšin (UM/SN). Njewšědnje wjele ludźi bě zawčerawšim popołdnju w Budyšinje w tunlu za pěškow mjez Žitnymi wikami a Karla Marxowej. Předewšěm młodźi ludźo so tam zhromadźichu. Mjez nimi bě Julian Wulke, kiž z tyzami barby wušiknje dźěłaše a najprjedy zelene, pozdźišo tež hinakbarbne smuhi na do toho běłu přebarbjenu sćěnu pryskaše, doniž so z tychle smuhow jendźelske słowo „peace“ (měr) formowaše.

27.9.–3.10.2018 Budyski filmowy palast: A Star is Born: srj 19:45 Ballon: wšědnje 14:15, 17:00 a 20:00 | pj, so a wu 22:30 Die Unglaublichen 2 w 3 D: wšědnje 14:30 (nimo srj), 17.15 (nimo srj) a 19:45 (nimo srj) | srj 14:15, 16:45 a 20:00 | pj, so a wu 22:30 Venom: srj 20:00 Venom w 3 D: srj 14:30 a 17:15 Klassentreffen 1.0: wšědnje 17:00 a 19:45 (nimo srj) | pj, so a wu 22:30 Das Haus der gehemnisvollen Uhren: wšědnje 14:45 (nimo srj) a 15:45 (nimo pó a srj) Hotel Transsilvanien: nj a srj 12:00 Gundermann: štw, pj, so a wu 18:00 Pettersson und Findus: wšědnje 14:00 (nimo pó a srj) | pó 15:00 Das schönste Mädchen der Welt: nj a srj 12:00 Predator w 3 D: pj a wu 22:45 The Nun: nj 19:45 | štw, pj, so a wu 20:30 The Equalizer 2: so 22:45 Mamma Mia: nj a srj 12:15 Christopher Robin: nj a srj 12:00

Kino-ekstra: Mountain: pó 17:15 a 20:15 | nj 18:00

Wojerowski CineMotion:

Sakska, wokrjes a gmejna su w Bóščanskej gmejnje za dróhu inwestowali

Bóšicy (SN/MiR). Wot lěća hižo chwala sej wobydlerjo Bóščanskeje gmejny swoju K 7205. Je to nowa dróha z wotbočki S 100 pola Libona hač do Bóšic. Wčera bu druhi twarski wotrězk mjez Nowej Jaseńcu a Bóšicami oficialnje za wobchad wotewrjeny a z tym je twarska naprawa dokónčena. Při Parku 4 w Bóšicach běchu so wčera připołdnju zamołwići z boka Sakskeje, wokrjesa a gmejny kaž tež někotři wjesnjenjo zešli. Birgit Weber, přirjadnica Budyskeho krajneho rady rjekny: „Dźakowano dobremu hospodarskemu wuwiću we wokrjesu a stabilnemu połoženju etata je nam móžno kóžde lěto 20 milionow eurow do infrastruktury dróhow inwestować. Tele předewzaće je wokrjes zhromadnje z gmejnu přewjedł. Docyła bu do naprawy něhdźe 2,4 miliony eurow inwestowane.“ Gmejna je so wo dróhupřewodźacy chódnik, šěsć busowych zastanišćow, wobswětlenje wsow a zhromadny kanal za dešćikowu wodu starała.

Lawdacija přełožerki Boženy Braumanoweje a muzejownicy Andreje Pawlikoweje lawreatomaj Zejlerjoweho myta 2018

„Mužakowskej góli pokazujo se wóteraz jeden tašk z rjanym pisanym pjerjom a zło­śaneju hopyšu a złośanyma šćidłoma … Dyž něchten jog huglěda, da ten změjo gluku.“

Waženi přitomni, mamoj česć, před­njesć lawdaciju za Serba a Serbowku, kiž njejstaj jenož Slepjanskej kónčinje złota hódnaj. Zawodny citat pochadźa z noweje zběrki „Slěpjańske ludowe powěsći“, na kotrejž staj wobaj pilnje sobu dźěłałoj. Našej dźensnišej lawreataj staj znataj kaž pisany ptačk. Staj połnaj za­horitosće za rjanu slepjansku narěč. Přinjesetaj zbožo wšudźe, hdźež sobu skutkujetaj. Na prěni pohlad so snadź njewšědna dwójka zdawataj: Dieter Reddo z Trjebinka – před 74 lětami w Slepjanskej kónčinje rodźeny a čas žiwjenja tam zakótwjeny, a poł tak stara 38lětna Ju­liana Kaulfürstowa, rodźena Budyšanka. Wona je do Slepjanskeho regiona hakle „přilećała“ a nětko z jednej nohu w Slepom a z druhej w Drježdźanach bydli.

Kopańca, regionalna liga žonow

Jena II – Drježdźany2:0 (1:0)

Rudne horiny Aue – Marzahn 1:1 (0:0)

Biskopicy – Hohen Neuendorf 0:7 (0:5)

Union Berlin – Viktoria Berlin 0:2 (0:1)

Steglitz – Magdeburg  0:2 (0:1)

Lipsk-juh – RB Lipsk 1:6 (1:4)

čoło tabulki

1. FC Viktoria Berlin 5 21 : 2 15

2. Union Berlin 5 16 : 4 12

3. USV Jena II 5 11 : 1 12

4. Magdeburgski FFC 5 14 : 7 12

5. RB Lipsk 5 22 : 6 9

6. Hohen Neuendorf 5 16 : 7 9

7. Steglitzski FC Stern 5 15 : 8 9

8. Biskopičanske KT 5 5 : 16 6

NOFV-wyša liga

Pirna-Copitz – Olbernhau 0:0 (0:0)

Riesa – Markkleeberg 2:4 (1:0)

Radebeul – Niska3:0 (1:0)

Lößnitz – Mittweida3:0 (1:0)

Taucha – Grimma0:0 (0:0)

Markranstädt – Großenhain 1:0 (1:0)

Glauchau – Nowosólc-Hrodk 1:2 (0:2)

Kamjenica – Kamjenc 2:1 (2:1)

čoło tabulki

1. FC 1910 Lößnitz 4 12 : 1 12

2. FC Grimma 4 8 : 3 8

3. FSV Nowosólc-Hrodk 4 7 : 4 8

4. Jednota Kamjenc 4 8 : 4 7

5. Großenhainski FV 90 4 6 : 3 7

6. SV Olbernhau 4 9 : 7 7

7. SSV Markranstädt 4 6 : 5 6

8. BSC Rapid Kamjenica 4 6 : 7 6

SJ Njebjelčicy

– SJ Chrósćicy II 1:1 (0:0)

Zestawa domjacych: Hahn – D. Kral, S. Kral, Hrjehor, Pawlik, Hanuza, Plaettner, Domš, Lejnart, Čornak (68. Hoelzel), Korjeńk

zestawa hosći: Cyž – M. Donat, Mark, Šiman, Špitank, Zahrodnik (78. Šmit), Liznar, Lešawa, J. Donat (87. Pjetaš), Domaška, Šołta

Na kóncu partije njebě zawěsće žadyn z wobeju koparskich cyłkow z njerozsudnym wuslědkom tak prawje spokojom. Njebjelčenjo z poměrnje dobrym wukonom w prěnjej połojcy znowa so skićace šansy njewužichu. W druhej połojcy pak po­kazachu domjacemu publikumej słabu partiju. Na tamnym boku mějachu hrajerjo SJ Chrósćicy lěpši druhi połčas, w kotrymž móhli tež při njerozsudnym stawje 1:1 w 54. min. jědnatku dóstać. Tola po hrubym dwuboju w Njebjelčanskej šěsnatce sudnik kaž tež pobóčny asistent reagowałoj njejstaj.

W Rakecach nastanje strowotniski centrum

Rakecy (SN/BŠe). Zo so hižo wjacore kupnicy we wsy při zwjazkowej dróze B 96 hižo­ njewužiwaja, je njezrozumliwe. Tole pokazachu tež diskusije, hdźež dźěše wo to­ w Rakecach nowu kupnicu Netto zaměstnić. Inženjer Rudolf Rychtar, kiž zdobom we wsy bydli, starosće ludźi derje znaje a měješe ideju w jednej z mjeztym třoch prózdnje stejacych twarjenjow strowotniski centrum zarjadować. Loni wón ideju zrodźi a lětsa spočatk januara je bywšu kupnicu Penny, hdźež bě zdobom hosćenc Waikiki, kupił.

Zo njeby wulce čas dlijił, je wón zhromadnje z dźowku Danielu, kotraž bě architekturu studowała, projekt zhotowił. Hižo w měrcu hrube plany stejachu, tak zo móžeše so Rudolf Rychtar wo spěchowanske pjenjezy programa Leader pró­cować. Přiwšěm je hišće předewzaćelsku towaršnosć załožił. Čas za twar strowotniskeho centruma tłóčeše, wšako měješe hižo prěnje zajimcy, kotřiž chcychu prawje bórze do domu zaćahnyć. 12. meje je inženjer kluče za twarjenje dóstał a w juniju sćěhowaše twarska dowolnosć.

Hartmann na čole frakcije CDU

Drježdźany. Christian Hartmann je nowy předsyda frakcije CDU w Sakskim krajnym sejmje. Wón naslěduje Franka Kupfera, kiž bě zastojnstwo strowotniskich přičin dla złožił. 44lětny Hartmann je so z 32 k 24 hłosam přećiwo Geertej Mackenrothej přesadźił, kotrehož běštaj Kupfer a ministerski prezident Michael Kretschmer (CDU) namjetowałoj.

Chcedźa nakładnistwo rozšěrić

Berlin. Nakładnistwowa skupina Aufbau kupi Berlinske knižne předewzaće Ch. Links. Z akwizu chce so lěpje na přichod nastajić, rěka w zdźělence knižneho bursoweho zjednoćenstwa. Nakład Aufbau bě za čas NDR najwažniši zastupjer branše za nowu a mjezynarodnu literaturu. Mjez druhim publikowaše knihi Jean-Paula Sartreho a Franza Kafki kaž tež Kita Lorenca a Benedikta Dyrlicha.

SŠT nowy Staršiski list wudało