Z wudaća: septembera 2018

Dosć wuspěšne bě minjeny pjatk zwučowanje Smjerdźečanskich, Njebjelčanskich a Pěskečanskich wohnjowych wobornikow. Jich nadawk bě, z Pěskečanskeho jězora wodu za hašenje lěsneho wohenja klumpać. Jako spomóžna wukopa so ideja, zasadźić 10 000 litrow wopřijacy sud Miłočanskeho agrarneho zawoda. To by tež w chutnym padźe jara pomhało. Foto: Feliks Haza

Přiwisnicy FC Energije Choćebuz su wolóženi. Do toho dźě mějachu mjenujcy wulke starosće, zo jich woblubowany stadio­­nowy rěčnik Benjamin Hantschke Energiju snano wopušći, dokelž bě dźěło jako moderator pola lokalneho rozhłosoweho sćelaka BB-Radio zakónčił. Tuž bě wón hižo wo tym powědał, zo móhł so po­wołansce hinak orientować a Choćebuz wopušćić.

Nětko pak jednaćelstwo FC Energije wozjewi, zo chce „Benni“ w přichodźe marketingowy a medialny wotrjad jeje sportoweho towarstwa zesylnić. Ze swojimi wjelelětnymi nazhonjenjemi jako mo­derator na polu radija a eventow budźe so 33lětny Hantschke – wón je tučasnje w kónčnej fazy swojeho studija na polu sportoweho managementa a marketinga na Wysokej šulu we Wismarje – tež hišće wo přidatne zwičnjenske móžnosće starać. „Jako dołholětny stadionowy rěčnik znaje wón wšitkich sobudźěłaćerjow kaž tež­ struktury towarstwa a ma daloko sahace eksterne medijowe kontakty“, chwali sej marketingowy nawoda Ralf Lempke přichodnu personalnu a fachowu podpěru koparskeho kluba.

We wokrjesnej wyšej lize Zapadołužiskeho koparskeho zwjazka su Módro-běli Kulow dosć derje do noweje sezony startowali. Po štyrjoch hrach maja woni dwě dobyći a dwaj remisaj na konće. Tak su woni nimo Rakečanow jedne z dweju cyłkow, kotrejž stej hišće­ bjez poražki. Sobotu hrajachu Módro-běli doma přećiwo koparjam z Hnašec-Dobruše njerozsudnje 2:2. Na wobrazu widźimy Bjarnata Korcha z Koćiny (naprawo). Foto: Werner Müller

Awtor dźensa

Jurij Bjeńš

Kopańca, NOFV-wyša liga

Kamjenc – Niska3:1 (0:0)

Pirna-Copitz – Mittweida 6:0 (1:0)

Riesa – Grimma1:3 (0:1)

Radebeul – Nowosólc-Hrodk 1:1 (1:1)

Taucha – Lößnitz1:2 (1:1)

Markranstädt – Olbernhau 4:0 (2:0)

Glauchau – Markkleeberg 2:0 (0:0)

Kamjenica – Großenhain 0:2 (0:1)

čoło tabulki

1. FC Grimma 2 7 : 2 6

2. FC 1910 Lößnitz 2 5 : 1 6

3. Großenhainski FV 90 2 3 : 1 4

3. Jednota Kamjenc 2 3 : 1 4

5. VfL Pirna-Copitz 07 2 6 : 3 3

6. SV Olbernhau 2 6 : 5 3

7. SSV Markranstädt 2 5 : 4 3

krajna klasa

Horni kraj-Sprjewja – Weixdorf 2:3 (1:0)

Borea Drježdźany – Oderwitz II 3:3 (3:3)

Großröhrsdorf – Drježdź.-Strěžin 2:2 (1:0)

Rotacija Drježdźany – Běła Woda  1:1 (0:0)

Laubegast – Neugersdorf II 0:3 (0:1)

Chrósćicy – Ćisk2:5 (1:2)

Trjebin – Nowe Město 1:10 (0:3)

1. LSV Nowe Město 2 13 : 2 6

2. VfB Běła Woda 1909 2 10 : 1 4

3. SC Borea Drježdźany 2 6 : 3 4

4. FC Neugersdorf II 2 5 : 2 4

5. SZ Drježdźany-Strěžin 2 4 : 2 4

6. ST Ćisk 2 5 : 3 3

7. SG Weixdorf 2 3 : 5 3

8. ST Trjebin 2 2 : 10 3

9. FSV Oderwitz II 2 4 : 4 2

10. SC Großröhrsdorf 2 3 : 3 2

11. TSV Rotacija Drježdźany 2 2 : 4 1

12. SJ Chrósćicy 2 4 : 7 1

13. Laubegast 2 0 : 5 0

14. ST Horni kraj-Sprjewja 2 2 : 12 0

FC Hornja Łužica Neugersdorf II – SJ Chrósćicy 2:2 (2:2)

Zestawa hosći: Králíček – Pöpel, Püschel, Sentivan, Henzl, M. Zahrodnik, G. Zahrodnik (90. Lešawa), Henčl (87. Bogusz), Runt, Młynk (70. Šiman), Beneš

K prěnjej dypkowej hrě noweje sezony wočakowaše koparjow Chróšćanskeje SJ jedyn z faworitow na lětuši titul­. W Nowych Jěžercach (Neugersdorf) nastupichu woni runočasnje tež přećiwo něhdyšemu trenarjej Tomašej Henčlej. Tak běchu chě­tro motiwowani a chcychu wězo dypkować. To so jim w minjenymaj hrajnymaj dobomaj mjenujcy poradźiło njebě, dokelž startowachu wobaj razaj z poražku.

Dublin (B/SN). Wot 21. do 26. awgusta zetkachu so swójby w irskej stolicy Dublin­ pod hesłom „Ewangelij swójby – Radosć­ ze swětom“. „Zetkanje je wulka pastoralna šansa, swójby nutřkocyrkwinsce zesylnić. Wosebitych wužadanjow a poćežowanjow dla wostanje mnohostronski angažement za swójby zdobom wusahowacy nadawk cyrkwje. Tohodla so našim swójbam dźakuju za jich křesćanske skutkowanje a wobohaćenje w na­šich wosadach, za jich towaršnostnu zhromadnosć“, wuzběhny arcybiskop dr. Heiner Koch, předsyda komisije mandźelstwo a swójba Němskeje biskopskeje konferency.

Konsum wobmjezować

Aachen (B/SN). Hladajo na rosćace bro­je­nje zežiwidłow a dalšich tworow hrozy zemska katastrofa wudyrić. Tohodla žada­ sej hłowny jednaćel pomocneho skutka Misereor Pirmin Spiegel zakładne změny nastu­pajo konsum tworow. „Kóždy měł ma­terielne potrjeby na znjesliwu měru za wšěch ludźi wobmje­zować“, potwjerdźa romsko-katolski duchowny a wuwićowy pomocnik.

Europska měrowa jězba