Z wudaća: póndźela, 05 nowembera 2018
póndźela, 05 nowembera 2018 13:00

To a tamne (05.11.18)

Jónu wokoło Wulkeje Britaniskeje płuwał je 33lětny Ross Edgley. Wón trjebaše za 2 900 kilometrow dołhu čaru 157 dnjow. Jako so wón wčera pobrjohej w juhowuchodnym Margate bližeše, přewodźeše jeho witanski komitej 400 płuwarjow. Tam bě so rekordne „pućowanje“ 1. junija zahajiło. Poprawom chcyše płuwar čaru za sto dnjow zmištrować. Wulke žołmy, zyma a kwale pak tomu zadźěwachu. Edgley płuwaše wšědnje dwanaće hodźin a přenocowaše na čołmje.

Mjeztym 3. swěcowy spektakl w Podstupimje je sej kónc tydźenja na wšě 100 000 ludźi wobhladało. Wot pjatka bě tam něhdźe 30 objektow na wosebite a zdźěla­ spektakularne wašnje wobswětlenych. Ludźo ćahachu ze swěćacymi powětrowymi balonami po měsće. Na wjacorych městnach wustupowachu hudźbne skupiny a pokazachu wohnjowu show.

wozjewjene w: To a tamne
póndźela, 05 nowembera 2018 13:00

Widźał, słyšał, napisał (05.11.18)

Awtor dźensa

André Strelow

póndźela, 05 nowembera 2018 13:00

Policija (05.11.18)

Na třěchu wobchoda zalězli

Budyšin. Kedźbnosć mnohich ludźi zdoby sej skupina muži, kotraž je sobotu wječor po wohnjowobornym rěblu na třěchu sportoweho wobchoda na Wonkownej Lawskej zalězła. Tam rozpřestrěchu woni něhdźe 40 metrow dołhi plakat z napisom „UN-Migrationspakt stoppen“. Zo by wón derje widźeć był, zapalichu tak mjenowane bengalo-wohenje. Policija zakroči, zwěsći wot wosom muži w starobje 16 do 31 lět personalije a plakat sćaza.

wozjewjene w: Policija
póndźela, 05 nowembera 2018 13:00

Wuslědki (05.11.18)

Kopańca, krajna klasa

Ćisk – Oderwitz II1:1 (1:1)

Drježdźany-Strěžin – Weixdorf 1:1 (1:0)

Großröhrsdorf – Rotacija Drjež.2:2 (2:0)

Borea Drježdźany – Horni kraj  0:2 (0:2)

Laubegast – Trjebin3:1 (0:1)

Chrósćicy – Nowe Město 1:1 (0:1)

Neugersdorf II – Běła Woda  3:1 (1:0)

1. LSV Nowe Město 9 28 : 10 19

2. FC Neugersdorf II 9 18 : 10 19

3. Laubegast 9 23 : 12 17

4. SZ Drježdźany-Strěžin 9 17 : 9 16

5. SG Weixdorf 9 18 : 15 16

6. VfB Běła Woda 1909 9 28 : 16 14

7. SC Borea Drježdźany 9 13 : 13 11

8. FSV Oderwitz II 9 11 : 12 11

9. ST Ćisk 9 16 : 18 11

10. SC Großröhrsdorf 9 15 : 12 10

11. SJ Chrósćicy 9 17 : 25 9

12. TSV Rotacija Drježdźany 9 14 : 24 9

13. ST Horni kraj-Sprjewja 9 11 : 36 6

14. ST Trjebin 9 8 : 25 4

wokrjesna wyša liga

Kumwałd – Radwor2:0 (0:0)

Kulow – Wojerowski FC 1:0 (1:0)

Rakecy – Hory5:0 (2:0)

Germ. Budyšin – Němske Pazlicy 0:1 (0:1)

Kinspork/Łužnica – Bukecy 2:0 (2:0)

Großnaundorf – Połčnica 2:3 (0:2)

Porchow – Ramnow1:1 (1:1)

wozjewjene w: Wuslědki
póndźela, 05 nowembera 2018 13:00

Čita wo wjesnych stawiznach

Stróža. Stawizny Stróže a Lemišowa steja w srjedźišću čitanskeho wječora srjedu, 7. nowembra, w 19 hodź. w Stróžanskim Domje tysac hatow. Tam čita publicist a awtor Sieghard Kozel ze swojeje němskorěčneje knihi, kotraž zaběra so z časom wot prěnjeho wobsydlenja a prě­njeho pisomneho naspomnjenja wobeju wsow hač k přitomnosći. Čitanje zwjaza Sieghard Kozel ze swójskimi dopomnjenkami na wjesne žiwjenje w zašłych sydom lětdźesatkach a kak je so serbska rěčna substanca w tym času změniła. Zastup­ płaći dwaj euraj, potuńšene euro. Zajimcy su wutrobnje přeprošeni.

Wuzwola noweho princa

Njebjelčicy. Serbskopazličanske karnewalowe towarstwo hotuje so na swoju 49. sezonu. Prěni wjeršk budźe 17. nowembra w 19.30 hodź, hdyž w Njebjelčanskej „Bjesadźe“ noweho princa wu­zwola. Zastupne lisćiki za to móža sej zajimcy pola Hübenthalec pod telefonowym čisłom 03578/ 303 505 (wot 17 hodź.) w Serbskich Pazlicach skazać. Zbywace zastupne lisćiki předawaja při wječornej kasy.

wozjewjene w: Z městow a wsow

nawěšk

nowostki LND