Z wudaća: štwórtk, 07 februara 2019

štwórtk, 07 februara 2019 13:00

Lubosć we wobrazach

Budyšin. Nowa wustajeńca akwarelow lajskeje molerki Evelin Leske je wotnětka hač do kónca měrca w Budyskej turistiskej informaciji widźeć. Budyšanka moluje wot lěta 2013 a zwobraznja hłownje motiwy swojeho města w rozdźělnych počasach, kotrež wotbłyšćuja jeje lubosć k łužiskej metropoli.

Porěčitaj wo Sprjewicy

Łaz. Wobrazowy zwjazk wo Sprjewicy steji w srjedźišću čitanskeho wječora jutře, pjatk, we 18 hodź. we Łazowskim Domje Zejlerja a Smolerja. Knihu předstajitaj awtoraj Eberhard Garbe a Peter Hennig. Zajimcy su wutrobnje witani.

wozjewjene w: Z městow a wsow
štwórtk, 07 februara 2019 13:00

Do kina (07.02.19)

7.2.–13.2.2019 Budyski filmowy palast:­

Alita: Battle Angel w 3 D: srj 20:00 Drachenzähmen leicht gemacht w 3 D: wšědnje 15:45 (nimo srje) a 20:15 (nimo srj) | srj 17:30 Drachenzähmen leicht gemacht: wšědnje 14:30 (nimo srj) | nj 12:00 | srj 20:30 The Lego Movie: wšědnje 13:30 (nimo srj) The Lego Movie w 3 D: wšědnje 17:00 Dragon Ball Super: so 14:30 Sweethearts: srj 19:45 Chaos im Netz: wšědnje 18:15 (nimo pó) | štw, pj, nj a wu 13:30 Feurwehrmann Sam: nj 12:00 Immenhof: wšědnje 16:00 (nimo so a pó) Der Junge muss an die frische Luft: wšědnje 20:30 (nimo pó a srj) | nj 11:30 | pj a so 22:45 100 Dinge: wšědnje 18:00 (nimo srj) | srj 15:15 | pj a so 22:30 Glass: wšědnje 19:30 (nimo srj) Aquaman w 3 D: pj a so 22.15

Kino-ekstra: Aufbruch zum Mond: pó 14:30, 17:15 a 20:15

Wojerowski CineMotion:

Creed 2: wšědnje 19:30 | pj a so 22:10 Alita: Battle Angel w 3 D: srj 20:00 Dragon Ball Super: nj 20:15 Drachenzähmen leicht gemacht w 3 D: wšědnje 17:50 a 20:15 (nimo nj | nj 20:00 Drachenzähmen leicht gemacht: wšědnje 15:00 | so a nj 12:45 The Lego Movie w 3 D: wšědnje 17:00 The Lego Movie: wšědnje 14:30 | so a nj 12.15 Mia und der weiße Löwe: wšědnje 13:55 a 16:00 | so a nj 11:45 Chaos Im Netz: wšědnje 15:15 a 17:20 Polaroid: pj a so 22:25 Plötzlich Familie: wšědnje 20:00 (nimo so a srj) | pj a so 22:25 Glass: wšědnje 19:45 Der Junge muss an die frische Luft: wšědnje 18:00 (nimo srj) Immenhof: so a nj 13:00 Kalte Füße: 22:30 Shoplifters: srj 18:00

wozjewjene w: Do kina
štwórtk, 07 februara 2019 13:00

Klětu zaso z wosebitym serwisom přesadźenja

Slepo (FAG/SN). Jedne z najwoblubowanišich zarjadowanjow w běhu lěta w Slepjanskim Serbskim kulturnym centrumje je přehladka orchidejow. Wona je minjeny kónc tydźenja wjace hač tysac přećelow tychle kwětkow přiwabiła. Hłownje wuhotujetej přehladku zahrodnistwje z Ranja (Großräschen) a bliskeho Allmosena. Wosebitosć orchidejow po měnjenju Hans-Joachima Wlodarczyka z Ranja je, zo ma lědma druha kwětka telko družin, mjenujcy 28 000.

Nanajwjetši dźěl wopytowarjow je sej minjenu sobotu a njedźelu jednu z poskićenych orchidejow kupił, byrnjež snano doma hižo wjacore měł. Wažne je, zo maja wone swětłe městno, ale nic w połnym słóncu. Jónu wob tydźeń přiliwać dosaha. „Orchideje dyrbjeli so kóždej dwě lěće do druheho hornca přesadźić“, poruči plahowar Lutz Lehradt z Allmosena. Tohodla chcedźa po lětušej přestawce klětu tónle serwis zaso poskićeć. Zajimcy móža potom swoje orchideje k přesadźenju sobu přinjesć.

wozjewjene w: Łužica
štwórtk, 07 februara 2019 13:00

Politika a kompromisy

Šulerjo a minister – prašenja a wotmołwy. Zetkanje mjez młodej bazu a politiku, kotraž bě so njedawno na Worklečanskej wyšej šuli „Michał Hórnik“ jako­ wunošna wopokazała.

wozjewjene w: Kubłanje
štwórtk, 07 februara 2019 13:00

Njelochki diskurs

Zetkanje sakskeho ministra za kultus Christiana Piwarza (CDU) ze staršimi a wučerjemi Worklečanskeje wyšeje kaž tež zakładneje šule zahajejo pokaza nawo­da wyšeje šule Křesćan Korjeńk na zhro­madny list wučerjow, šulerjow a staršich (hlej dokumentowane), kotryž su ministrej přepodali. „Sće husto přemóženy wot dožiwjenjow ze swojich wopytow na šulach. Tuž smy naše mysle napi­sali a list skića wam składnosć, sej jón wospjet přečitać.“ Zdobom poda wón ličby. Na šuli wuknje 181 šulerjow w jědnaće rjadownjach. Podźěl mjez sobudźěłaćerjemi, žony/mužojo wučinja 57/43 procentow. Zašłej lěće je tójšto młodych wučerjow na šulu přišło, kotřiž z nowymi idejemi wučbu wobohaćeja. Zapósłanc Sakskeho krajneho sejma Alojs Mikławšk (CDU) napominaše přitomnych składnosć wužić, wotewrjenje rěčeć.

Wobstajny bój wo prawa

wozjewjene w: Kubłanje
štwórtk, 07 februara 2019 13:00

List kultusowemu ministrej

Sehr geehrter Herr Kultusminister Piwarz, wir danken Ihnen, dass Sie unserer Ein­ladung gefolgt sind und unsere Schule besu­chen. Sie vermitteln uns damit das Gefühl, dass wir mit unseren Sorgen und Anliegen nicht allein gelassen werden, dass Sie uns zuhören und mit uns gemeinsam nach Lösungen suchen. Sie sehen, so im letzten Bildungsbericht zu lesen, die starke Rolle der Oberschule und Sie setzen sich für die Stärkung dieser ein. Diese Stärkung trägt Früchte. „Bundesweit hat Sachsen den höchsten Anteil an Schülern mit mittlerem Schulabschluss.“ Das sind die Facharbeiter und Facharbeiterinnen der Zukunft in handwerklichen, sozialen und verwaltungstechnischen Berufen, diese Schülerinnen und Schüler sind unsere Zukunft. Das Herzblut der Lehrerinnen und Lehrer der sorbischen Oberschule Räckelwitz hängt an der Ausbildung dieser Kinder und Jugendlichen. Mit großem Engagement und Freude vermitteln wir Werte, Normen und Fachwissen, um unseren Schützlingen einen erfolgreichen Start ins Berufsleben zu ermöglichen.

wozjewjene w: Kubłanje
štwórtk, 07 februara 2019 13:00

Jenož kosmetiska korektura wuslědka

FC Energija Choćebuz

– ST Wehen Wiesbaden 2:3 (0:3)

Zestawa FC Energije: Spahić – Starcew, Knechtel, Matuwila, Schlüter, Schneider, Zickert (46. Raak), Bender (55. Scheidhauer), Geisler, Rangelow (67. Mamba), Broschinski

Dokelž je tójšto koparjow FC Energije Choćebuz zranjenych a dokelž je so ka­pitan Marc Stein z Choćebuza rozžo­hnował, bě trenar Claus Dieter Wollitz nu­zowany, po zdaću najmłódše startowe mustwo cyłeje třećeje ligi na hrajnišćo pósłać. Hnydom šěsć koparjow su ze swójskeho dorosta a wjetšina z nich je pod 19 lětami. Na tym pak njesměmy so po­storčić, pře wjele indiwidualnych zmylkow zmóžnichu hosćom dočasnje rewanšu za domjacu poražku 0:2. Hakle po změnje stronow, jako buštaj najprjedy Kevin Scheidhauer, a pozdźišo tež Streli Mamba zaměnjenaj, nastachu rjane akcije­ před wrotami hosći. Scheidhauer a Mamba postaraštaj so pola 4 500 přihladowarjow z 1:3 (82.) a 2:3 (90.) wo nadźiju na znajmjeńša jedyn dypk. Na kóncu pak njedosahaše čas při „Wšo abo ničo“­. Georg Zielonkowski

wozjewjene w: Sport
štwórtk, 07 februara 2019 13:00

Kwartet nowačkow pola FC Energije

Dokelž je dypkowa hra FC Energije Cho­će­buz pola hrajneho zjednoćenstwa Unter­haching wupadnyła, předstajimy wam raz zym­ske nowopřichady. W busu do Unterhachinga a wróćo sedźachu mjenujcy hnydom štyrjo nowi FCE.

Nimo Roberta Müllera, kotrehož smy hi­žo­­ skrótka předstajili, rěka nowopřichad čisło dwaj Jürgen Gjasula (na wobrazu). Wón přińdźe k FCE wot Viktorije Berlin. 1,89 metrow wulki srjedźopólny hrajer z Albanskeje je zrěčenje hač do junija 2019 podpisał. Jeli FC Energija w třećej lize­ wostanje, so zrěčenje wo dalše lěto­ podlěši. Gjasula bě so w albanskim Ti­rana narodźił a kopački za Freiburg, Kaiserslautern, Sankt Gallen, Basel a Litex Lovetch šnórował. W Němskej bu 33lětny pola FSV Frankfurt, MSV Duisburg, VfR Aalen, Greuther Fürth a Viktoria Berlin zasadźeny. Jürgen Gjasula ma 191 hrow w druhej zwjazkowej lize, sydom w prěnjej zwjazkowej lize a 150 hrow na eu­ropskej runinje.

wozjewjene w: Sport
štwórtk, 07 februara 2019 13:00

Hišće městna w koparskim campje

Tež lětsa zaso budźe Zapadołužiski koparski zwjazk (WFV) swój dźewjaty ewag Kamjenc – prózdninski koparski camp při Baltiskim morju přewjesć, a to wot 21. 28. julija 2019.

Přizjewić smědźa so holcy a hólcy lětni­kow 2005 do 2009. Po wotrěčenju ze staršimi smědźa so tež młódše abo starše dźěći přizjewić. Cyłkownje 54 městnow ma WFV k dispoziciji, 45 su hižo wobsadźene a kruće knihowane. Dalše informacije steja we wupisanju na internetowych stronach www.westlausitzer-fussballverband.de/feriencamp.html.

Na dotalnych wosom koparskich campach­­ bě so hižo wjac hač 500 dźěći a do­rosćenych wobdźěliło. Mjez nimi běchu tež přeco serbscy dorostowi koparjo a z Jó­zefom Šwonom tež čłon předsydstwa Serbskeho Sokoła.

Kompletny camp z busowym transferom z Kamjenca k morju, sydom pře­no­cowanjemi, połnej pensiju, zastupnymi lisćikami, koparskim bulom a modernej hrajerskej garnituru płaći 309 eurow.

Jurij Bjeńš

wozjewjene w: Sport

Serbska debata

nowostki LND