Z wudaća: pjatk, 12 apryla 2019

Po dwulětnej přestawce hotuje so z Budyšina pochadźaca rockowa skupina Silbermond tuchwilu z tak mjenowanymi klubo­wymi koncertami na swoju klětušu wulku turneju po Němskej, Awstriskej a Šwicarskej. Po starće w Salzburgu poby kwartet woko­ło spěwarki Stefanie Kloß minjenu póndźelu w Nürnbergu. 25. julija koncertuje Silbermond w Choćebuzu (je hižo wu­předate), dźeń po tym w Kamjenicy. W januaru 2020 zahaja w Hamburgu swoju Arena-turu. Foto: SN/Maćij Bulank

Pjatk 12.4. 18:00 Filmowa premjera „Město rejuje: Manifest!“ we Wo­jerowskej Kulturnej fabrice

  19:30 Předstajenje rejwanskeho dźiwadła „Kamenz can dance X“ w Kamjenskim měšćanskim dźiwadle

  21:00 Koncert ameriskeje band Three For Silver we Wojerowskej Kulturnej fabrice

Sobotu 13. a 14.4.   Dźěłarnička debjenja jutrownych jejkow w Budyskim Serbskim muzeju (stajnje wot 13 hodź.)

   26. jutrowne wiki w Nowej łuce

Sobotu 13.4. 9:00 Zhromadny dźeń za šulerjow wot 6. do 8. lětnika pod hesłom „TY pokazaš nam puć!“ we Worklečanskim Don Boskowym domje

  14:00 Debjenje jutrownych jejkow na Rownjanskim Njepilic statoku

  14:00 Debjenje jutrownych jejkow w Dešnjanskim domi­zniskim muzeju

  14:30 Debjenje jutrownych jejkow we wjesnym muzeju Błobošojce (Bloischdorf)

  17:00 Předstajenje Serbskeho ludoweho ansambla „Wjesoły barokny program“ w awli Budyskeho Schilleroweho gymnazija

  19:00 Koncert z dudakom Handrijom Henčlom a dalšimi w Hodźijskim towarstwowym domje

  20:30 Hwězdna nóc na dworje Stróžanskeho zarjadnistwa biosferoweho rezerwata Hornjołužiska hola a haty

Njedźelu 14.4. do 5.5.   54. Wojerowske hudźbne swjedźenske dny

Njedźelu 14.4.   23. jutrowne wiki w Brězowce

njedźelu hornjoserbsce

11:00 Łužica tutón tydźeń, mjez druhim wo premjerje „Paternoster“

11:20 20 lět Radijo Satkula

11:45 Wobrazk z narańšich Serbow

12:00 Nabožne wusyłanje

  (Měrćin Deleńk)

po tym zbožopřeća

delnjoserbsce

12:30 Aktualny magacin, mjez druhim wo olympiadźe serbskeje rěče a wo zwučowanju jutrownych spěwarkow w Kosobuzu

13:00 25 lět spěchowanske towarstwo Serbska rěč w cyrkwi

13:30 Nabožne wusyłanje

 (Manfred Hermaš)

po tym zbožopřeća 

Choćebuz. W aprylskim wusyłanju delnjoserbskeho telewizijneho magacina Łužyca wita moderator Christian Mat­thée přihladowarjow z tradicionalnych Slepjanskich jutrownych wikow. W rozmołwach a přinoškach wěnuja so redaktorojo mjez druhim zakładnemu zrěčenju wo přesydlenju Miłoraza, Serbskemu institutej a strukturnej změnje we Łužicy. Dalše temy su serbske jutrowne nałožki, Europeada 2020, hłowna zhromadźizna Domowiny w Chrósćicach, młodźi ludźo ze serbskimi korjenjemi a dźeń přichoda w Choćebuskim studiju RBB. Magacin Łužyca wusyłaja jutře, 13. apryla, w 13.30 hodź. w telewiziji RBB.

Blidotenis

Prěnje mustwo blidotenistow Viktorije Worklecy wotměje jutře swoju poslednju dypkowu hru sezony, a to wot 15 hodź. w domjacej ćěłozwučowarni. Přećiwnik budźe rezerwa Wocla Krušwica, sedma tabulki wobwodneje ligi. Worklečenjo steja na 5. městnje.

Wolejbul

Dokelž wšitko za tym wupada, zo wolejbulisća CVJM Zhorjelc (třeći tabulki) jutře­ na poslednim hrajnym dnju wobwodneje ligi pola ST 1896 Wulkeje Dubrawy dobudu, dyrbja so Worklečanscy wolejbulisća mócnje koncentrować. Tež woni dyrbja połnje dypkować, zo bychu sej druhe městno hač do kónca zacho­wali a seriju wjacorych wicemišterstwow w zašłych lětach dźerželi.

13.04. 14.00  Módro-běli Wojerecy II –   Viktoria Worklecy

Kehelowanje

13.04. 13:00  Traktor Běły Chołmc –

  Sokoł Ralbicy/Hórki

Kónctydźenska kopańca

13.04. 14:00  FC Energija Choćebuz –

  1. FC Kaiserslautern

13.04. 15:00  Sokoł Ralbicy/Hórki –

  Motor Kumwałd

13.04. 15:00  Módro-běli Kulow –

  Rakečanske ST

13.04. 15:00  ST Lubuš –

  ST Marijina hwězda

14.04. 15:00  SC Borea Drježdźany –

  SJ Chrósćicy

14.04. 15:00  Drohotka Ramnow –

  ST Radwor

Po jutrońčce běhać

Wodorunje: 3 jězdźidło, 5 koparski klub w Mailandźe, 6 norwegska stolica, 7 wołanje k hotowosći, 10 delnjoserbski słownikar, prócowar, nošer Myta Ćišinskeho, 13 sudobjo, 14 tuchwilu, 15 město blisko Parisa

Padorunje: 1 lisćowy štom, 2 dźěl bydlenja, 3 słód, 4 nalětnja kwětka, 8 doktor, 9 powabny, so lubjacy, 11 los bjez dobyća, 12 kartyplacanje

Wjele městnow njewobsadźenych

Drježdźany. Wjac hač 4 500 wukubłanskich městnow we wobłukach industrija, wikowanje a posłužbowe přemysło je w Sakskej tuchwilu hišće njewobsadźenych. To zdźělichu wčera sakske Industrijne a wikowanske komory w Drježdźanach, Lipsku a Kamjenicy. Po informacijach je to we wokrjesach Zhorjelc, Budyšin, Mišno a Sakska Šwica-Wuchodne Rudne horiny 1 100 městnow.

Šěsć projektow zwoprawdźili

Budyšin. Pomnikowy wuběrk Maćicy Serbskeje je na swojim posedźenju minjenu wutoru bilancował, zo su loni šěsć přede­wzaćow na polu serbskich pomnikow zwoprawdźili, mjez druhim w Rachlowje pod Čornobohom, we Łomsku pola Njeswačidła, Skjarbošcu (Schorbus), w Chróšćanskej wosadźe a za bywšu wjesku Hronow. Załožba za serbski lud je projekty z 28 575 eurami spěchowała.

Mjenje swini a wowcow

Kamjenc. Ličba swini a wowcow w sakskich zawodach je so pomjeńšiła, informowaše zawčerawšim Sakski statistiski zarjad w Kamjencu. Tak plahowachu w Sakskej loni w nowembru 670 000 swini. W lěće 2017 bě jich hišće 11 000 skoćatow wjace. Hladajo na wowcy bě to minjene lěto 3 800 mjenje.

Towarstwo wjesnych žonow měješe tele dny w Hodźiju ruce połnej dźěła. Wšako plećechu girlandy za Budyske jutrowne studnje a dalše objekty w sprjewinym měsće. Cyłkownje 66 metrow su žony, kotrež nadawk kóžde lěto čestnohamtsce wukonjeja, w sprócniwym ručnym dźěle nawili. Hosćo móža tuž swjedźensce wupyšeny Budyšin k jutram dožiwić. Foto: SN/Maćij Bulank

Axel Arlt

Za šěsć tydźenjow zahaji so w Sakskej kaž tež w Braniborskej lětuši wólbny marathon. 26. meje budu komunalne wólby, při čimž rozsudźa wolerjo wo zestawje wo­krjesnych sejmikow, gmejnskich parlamentow a wjesnych radow. Samsny dźeń wolimy na zwučene wašnje tež němskich zastupjerjow za Europski parlament. Hač do 1. septembra, hdyž budu w Sakskej a Braniborskej wólby noweju krajneju sejmow, wabjenje stron wo hłosy wolerkow a wolerjow traje.

Što pak poskićeja strony přisłušnikam narodnych mjeńšin – kaž su to Frizojo, Danojo, Sintojo a Romojo a wězo Serbja – w swojich wólbnych programach? Čitamy tam docyła něšto? Europske wólby su Łužičanam snano najzdaleniše. Tohodla je zajimawe, programy w sakskim a braniborskim sejmje zastupjenych stron za Europske wólby po hesle „mjeńšiny“ přelistować. Runje z widom na zwoprawdźenje wobsahow europskeje wobydlerskeje iniciatiwy Minority SafePack je trjeba zhonić, kotru poziciju němskich parlamentownikow w Brüsselu a Strasbourgu móžemy wočakować.

LEAG přihotuje twar noweje spalernje wotpadkow w Janšojcach

Choćebuz (SN/at). Koncern Łužiska energija hórnistwo a milinarnje AG (LEAG) chce so na přichod nastajić a planuje twar noweje spalernje wotpadkow w susod­stwje Janšojskeje milinarnje. Kaž z nowinskeje zdźělenki předewzaća ze spočatka měsaca wuchadźa, „přihotuja po­d­łožki za přizwolensku proceduru“. Hač inwestuja a připrawu twarja, wo tym móhli w lěće 2021 rozsudźić. Tak by LEAG zdobom 50 nowych dźěłowych městnow wutworiła. Z planowanej připrawu hodźeli so kapacity ćopłotneho zwužiwanja wotpadkow na Janšojskim stejnišću perspektiwisce wyše planowaneje doby bruni­coweje milinarnje hač do spočatka 2030tych lět zachować a dobre wuměnjenja za dalše industrijne zasydlenja wutworić, informuje nowinska rěčnica LEAG Kathi Gerstner na naprašowanje.