Z wudaća: pjatk, 17 meje 2019

Zajimawy wobraz skići so wopytowarjam wodosportoweho centruma w Klětnjanskim přistawje Bjerwałdskeho jězora při chowa­nju słónca. Oficialna kupanska sezona 2019 při jězoru je zahajena. Tekstilny, psyči a dalše přibrjohi su sobudźěłaćerjo zamoł­witeje firmy w nadawku Hamorskeje gmejny wurjedźili. Tež zjawne nuzniki su nětko přistupne. Foto: Arian Leffs

wozjewjene w: Serwis
pjatk, 17 meje 2019 14:00

Protyka (17.05.19)

Pjatk 17. do 19.5.   Němski drastowy swjedźeń w Lubinje

   Wjesny swjedźeń z mejemjetanjom w Němcach

Pjatk 17. a 18.5.   Židowsko-serbskej dnjej w Slepom

Pjatk 17.5. 19:00 Zarjadowanje we wobłuku rjada „Sakske křesło“ wo temje „Kak swobodnje rozprawjeja naše me­di­je“, mjez druhim ze šefredaktorom ZDF dr. Pe­te­rom Freyjom a ze sobudźěłaćerku MDR Ine Dipp­mann w Smochčanskim Domje biskopa Bena

  19:30 Nalětni koncert Załožby za serbski lud ze Serbskim muskim chórom Delany na Worcynskim hrodźe

Sobotu 18. a 19.5.   Mejemjetanje we Wěteńcy

   Mejemjetanje w Njebjelčicach

Sobotu 18.5. 9:00 Bursa trjebanych kolesow w Kamjenskim Bikehousu

  10:00 Dźěłarnička molerstwa ze židowskej wuměłču Judith­ Wetzka na Slepjanskej farje

  10:00 Mjezynarodny dźeń muzejow we Wulkodubrawskim elektropórclinowym muzeju Margarećina hěta

  10:00 Čaporowe wiki na Rakečanskim knježim dworje

  14:00 Dźěłarnička Kamjenskeje župy „Michał Hórnik“ k hotowanju družčeje drasty na Chróšćanskej farje

  14:00 Wubědźowanje wohnjowych woborow wo 10. pokal łužiskeje jězoriny na Blunjanskim sportnišću

  15:00 Nalětni swjedźeń w Šešowje

wozjewjene w: Protyka
pjatk, 17 meje 2019 14:00

Rozhłós (17.05.19)

njedźelu hornjoserbsce

11:00 Łužica tutón tydźeń, mjez druhim z powěsćemi tydźenja

11:20 Zjimanje temoweho tydźenja wo komunalnych wólbach

11:45 Wobraz z narańšich kónčin – Delnja Hórka

12:00 Nabožne wusyłanje

 (superintendent Jan Malink)

po tym zbožopřeća

delnjoserbsce

12:30 Aktualny magacin, mj. dr. wo čitanskim wubědźowanju Rěčneho centruma WITAJ

13:00 Drastowy swjedźeń w Lubinje

13:40 Nabožne wusyłanje

 (Hans-Christoph Schütt)

po tym gratulacije

wozjewjene w: Rozhłós
pjatk, 17 meje 2019 14:00

Na wopyće w Hochozy

Choćebuz (SN). W mejskim wudaću delnjo­serbskeho telewizijneho magacina Łužyca wita moderator Christian Matthée přihladowarjow jutře, 18. meje, w 12.40 hodź. w telewiziji RBB ze serbskeje wsy Hochozy. W srjedźišću wusy­łanja steji tamniši wjesnjanosta Fryco Wojto (Njewotwisna wolerska skupina Hochoza). Wón je po słužbnych lětach najstarši wjesnjanosta Braniborskeje. Prjedy hač 78lětny hišće w róžowniku zastojnstwo złoži, zhladuja we wusyłanju na jeho 25lětne njesprócniwe skutkowanje jako prěni muž gmejny we wokrjesu Sprjewja-Nysa.

wozjewjene w: Telewizija
pjatk, 17 meje 2019 14:00

Pokiwy (17.05.19)

Swjeća sportowy jubilej

Bart. Wot dźensnišeho hač do njedźele swjeća w Barće stolětny jubilej wob­staća tamnišeho sportoweho towarstwa. Po oficialnym swjedźenskim akće budźe dźensa w 20.30 hodź. w stanje na sportnišću piwo natočene. Jutře wotměja so přez cyły dźeń sportowe zarjadowanja, kaž blidotenisowy turněr. Na wječornych rejach wustupi mjez druhim rejwanska showskupina Flashpoints. Njedźelu wot 8 hodź. přewjedu mjezynarodne wubědźowanje we warjenju kotołoweho gulaša. Wot 14 hodź. je program, mjez druhim z wustupom dźěći Bartskeje zakładneje šule. W 17 hodź. chcedźa meju powalić a mejski porik krónować.

Program z překwapjenkami

wozjewjene w: Pokiwy
pjatk, 17 meje 2019 14:00

Sport (17.05.19)

Kónctydźenska kopańca

18.05. 13:00 Wojerowski FC II –

  SJ Njebjelčicy

18.05. 13:30 Budissa Budyšin –

  ZFC Meuselwitz

18.05. 15:00 LSV Nowe Město –

  SJ Chrósćicy

18.05. 15:00 ST Radwor –

  Motor Kumwałd

18.05. 15:00 HZ Wulke Ždźary –

  ST Marijina hwězda

18.05. 15:00 ST Mały Wosyk –

  SJ Chrósćicy II

18.05. 15:00 Wojerowski FC –

  Módro-běli Kulow

19.05. 10:30 LSV Hory –

  Rakečanske ST

19.05. 13:00 Sokoł Ralbicy/Hórki –

  ST Hnašecy-Dobruša

Sport na wjesnym swjedźenju

Na wjesnym swjedźenju w Konjecach-Šunowje budu jutře a njedźelu tež sportować. Sobotu wot 16.30 hodź. steja zabawne hry ze sportom na programje, njedźelu wot 10.30 hodź. wubědźuja so wohnjowi wobornicy.

Nalětni wolejbulowy turněr

Wučerki a wučerjo Serbskeho gymnazija Budyšin zarjaduja srjedu, 22. meje, nalětni wolejbulowy turněr. Wot 18 hodź. wubědźuje so w sportowej hali Serbskeho šulskeho a zetkawanskeho centruma Budyšin šěsć wólnočasnych wolejbulowych cyłkow. Mustwa zetkaja so w 17.45 hodź.

Třikrajowy turněr za dorost

W Holešowskej Dubrawce přewjedźe Jěchanske a jězdne towarstwo Njeswači­dło wot 24. do 26. meje třikrajowy turněr z dorostowymi jěcharkami a jěcharjemi z Němskeje, Pólskeje a Čěskeje.

wozjewjene w: Sport
pjatk, 17 meje 2019 14:00

Płastowka (17.05.19)

Spočatk pytanych słowow 1–9 je wupokazany.

1 susodny kraj, 2 cyłk twarjenjow, 3 wjes pola Rakec, 4 kruty zjaw, 5 nic dołho, 6 mały ćišćany produkt, 7 dlěše powědančka, 8 njerodnje pisać, 9 čin

wozjewjene w: Serwis
pjatk, 17 meje 2019 14:00

Krótkopowěsće (17.05.19)

Próstwa za wutwar A 4 zapodata

Drježdźany. Za šěsćčarowy wutwar awtodróhi A 4 mjez wotbóčkomaj Połčnica a Budyšin-wuchod je sakske wobchadne ministerstwo wčera próstwu Zwjazkej zapodało. Frakcija Zelenych w krajnym sejmje wobchadnemu ministrej Martinej Duligej (SPD) porokuje, zo „před lawinu nakładnych awtow na A 4 kapituluje“, mě­sto toho zo wužadanju njewotpowěduje, „klimje přichilenišu železnicu za nakładowy wobchad přichoda wukmanić“.

Wěstotnu centralu předstajili

Choćebuz. Město Choćebuz je wčera hižo dlěje planowany wěstotny centrum předstajiło. Tam stej policija a porjadowy zarjad zhromadnje městnosć za woby­dlerjow zarjadowałoj. Wšědnje je tam něchtó k dispoziciji, kotrehož móža ludźo nastupajo wěstotu narěčeć. Rumnosće maja tohorunja jako zasadźenska centrala za wjetše zarjadowanja słužić.

Za lěpše busowe zwiski

wozjewjene w: Krótkopowěsće
pjatk, 17 meje 2019 14:00

Kreatiwne hłójčki prašane

Na dźěłarničce chcedźa wo přichodźe Krabatoweho regiona rozmyslować

Rakecy (SN/BŠe). Bjezdwěla najznaćiša wosoba po cyłej Łužicy je Krabat, kotryž steji w srjedźišću romanow spisowaćela Jurja Brězana. Nimo toho je film wo Krabaće miliony ludźi zahorjał. Wot lěta 2001 so dwurěčna Łužica intensiwnje Krabatej wěnuje, při čimž je zdobom Kraba­towe towarstwo wutworiła. Chcyjo turistiske a hospodarske wuwiće pod hesłom­ Krabat zwičnić su čłonojo towarstwa dotal tójšto zdokonjeli. Mjez­tym je nad­regionalnje znata Krabatowa kolesowarska šćežka nastała.

wozjewjene w: Hospodarstwo
pjatk, 17 meje 2019 14:00

Štó ma koho před kim škitać?

Měrćin Weclich

Rjana słužbna jězba njedawno do Lejnoho (Geierswalde), wo čimž w Předźenaku pisach, we mni přeco hišće někotre prašenja zbudźa. Tak mi nastajnosći we hłowje chodźi, čehodla njesmědźach so w hosćencu a hotelu „K swětłowni“ personal při tejce a pinčnikow za ničim, ale woprawdźe ničim prašeć. „Naš šef je nam kazał, datoweho škita dla medijam ničo njeprajić“, mi jedna z přećelnych žonow w srjedźnej starobje přišeptny.

Zo njesměš so dźensa z kameru a mikrofonom cyle jednorje na hosći w tajkim lokalu měrić, je jasne. Ale zo nětko tež hižo personal ničo rjec njesmě, je mi nowe. Štó da koho před kim a za čo škita? Nochcych tola scyła wědźeć, kajki maja tam wobrot a kak su wuknihowani. Prašam so, čehodla njesmě mi pinčnica abo kuchar rjec, zo rady swoje dźěło wuko­njataj a što so jimaj na tym najbóle lubi­. Haj, što da scyła směm?

wozjewjene w: Rozmyslowane

Serbska debata

nowostki LND