„Schadźowanka zwěrjatow“ rěka zběrka nowych serbskich fabulow, kotruž tuchwilu w našim nakładnistwje dodźěłujemy. Kolektiw 21 młodych serbskich „spisowaćelow“ mjez Wutołčicami a Salowom je sej hłójčku łamał. A woni njejsu sej jenož nowe fabule wumyslili, tež ilustracije su sami zhotowili. Ně, to njejsu koncepcionelne sony našeje přichodneje jednaćelki – chiba jednaćela ☺ – to je wěrno. Wězo dyrbi so nětko rjec, zo jedna so wo cyle wosebite předewzaće a zo awtorojo hišće do šule chodźa. Srjedu tydźenja poby 21 šulerjow 7. lětnika Ralbičanskeje wyšeje šule z wučerjomaj Francisku Wróblowej a Janom Rjedu na Sukelnskej 27 tu w Budyšinje, zo bychu sej wobhladali, kak z jich manuskriptow a wobrazow na ličaku pisana čitanka nastawa. Při tym zbližichu sej a dožiwichu tež mnoho dalšeho, štož so w nakładnistwje dźeń wote dnja stawa. Projekt słuša do marketingowych aktiwitow, z kotrymiž chcemy wobdźělnikam dohlad do procesa nastaća knihi dać a jich na našu dźěławosć skedźbnjeć. Serbscy šulerjo tak nazhonjeja, zo so aktiwna zaběra ze serbskej rěču zadani a zo ma zmysł, w maćeršćinje tworić.
Pjatk 11.10. 19:00 12. Kulowska nakupowanska nóc
Sobotu 12.10. 9:30 Rybarski swjedźeń při Wysočanskim (Weißig) Starym haće pola Wóslinka
10:00 Kermušne wiki w Koćinskim Krabatowym mlokowym swěće
13:00 Posedźenje Serbskeho sejma w Ewangelskej wysokej šuli (stwa 3-317B) na Dürerowej dróze 25 w Drježdźanach
19:30 Předstajenje hornjoserbskeje inscenacije „Łapanje šefa“ w Budyskim Dźiwadle na hrodźe
Njedźelu 13.10. Kermuša w Kulowje, Hbjelsku (Gebelzig) a Hornim Wujězdźe (Uhyst am Taucher)
10:00 Nazymske wiki z přehladku družin jabłukow w Slepjanskim Serbskim kulturnym centrumje
10:00 Tradicionalny nazymski swjedźeń z kirbsowym wubědźowanjom na rybarskim dworje w Małym Holešowje
14:00 Hudźbny nyšpor TCM k spominanju na 225. posmjertniny Michała Wałdy w Baćońskej cyrkwi
17:00 Předstajenje hornjoserbskeje inscenacije „Łapanje šefa“ na Chróšćanskej Krawčikec žurli
njedźelu hornjoserbsce
11:00 Łužica tutón tydźeń, mjez druhim wo nowej akciji „Cyły tydźeń w holi“
11:20 Pućowanje po přirodźe wot Budestec na Lubin
12:00 Nabožne wusyłanje
(Thomas Haenchen)
po tym zbožopřeća
delnjoserbsce
12:30 Aktualny magacin, mjez druhim wo jězbje konfirmandow ze serbskej dušepastyrku do Lipska
13:00 Čěska ludowa hudźba
13:40 Nabožne wusyłanje
(Cyril Pjech)
po tym gratulacije
Sejmarjo so zetkaja
Drježdźany. Přichodne wuradźowanje Serbskeho sejma wotměje so jutře, sobotu, w Drježdźanach. Prěni raz zetkaja so sejmarjo zwonka Łužicy. Posedźenje zahaji so w 13 hodź. w Ewangelskej wysokej šuli (stwa 3-317B) na Dürerowej 25. Posedźenje je zjawne. Wšitcy zajimcy su tuž wutrobnje witani
Znowa „šefa łapaja“
Budyšin/Chrósćicy. Dwójce předstaji Němsko-Serbske ludowe dźiwadło kónc tydźenja komediju Thomasa Steinki „Łapanje šefa“. Zajimcy dožiwja ju jutře, sobotu, w 19.30 hodź. w Budyskim Dźiwadle na hrodźe a njedźelu w 17 hodź. na Chróšćanskej Krawčikec žurli. Zeserbšćiła je hru Lubina Hajduk-Veljkovićowa. Hraja Anna-Maria Brankačkec, István Kobjela, Jan Mikan a Měrko Brankačk.
Paslić, wobkedźbować a wjace
Mužojo doma hraja, žony nic
We wolejbulowej wobwodnej lize změje prěnje mustwo muži Viktorije Worklecy jutře, sobotu, dwójce domjacu lěpšinu, hdyž nastupi w 14 hodź. we Worklečanskej ćěłozwučowarni TSV Kundraćicy a po nim ST 1896 Wulka Dubrawa. Wšitke tři mustwa žonow Viktorije Worklecy a Hrajneho zjednoćenstwa Pančicy-Worklecy pak hraja w Rychbachu.
12.10. 09:00 Nysa Volleys II –
Viktoria Worklecy (ž)
12.10. 11:00 Nysa Volleys II –
HZ Pančicy-Workl. II (ž)
12.10. 14:00 Nysa Volleys –
HZ Pančicy-Worklecy (ž)
Dalše pokalne koło
Na wokrjesnej a na krajnej runinje přewjedu koparske cyłki jutře a njedźelu dalše pokalne koło. Serbski derby Radwor – Pančicy njedźelu w 14.30 hodź. drje budźe wosebje napjaty.
12.10. 14:00 Nowe Město II –
Jednota Kamjenc
12.10. 14:30 Módro-běli Kulow II –
Sokoł Ralbicy/Hórki
13.10. 14:00 Budissa Budyšin –
BSG Chemija Lipsk
13.10. 14:00 Mały Wosyk II/Panč. II –
Drohotka Ramnow
Kolesowanje a běhanje
W Mainzu inscenuja „Krabata“
Mainz. W małym domje Statneho dźiwadła w Mainzu předstaja w tutej hrajnej dobje kruch „Krabat“ po 1971 wušłej knize Otfrieda Preußlera. Režiser Markolf Naujoks, kiž je zdobom hudźbu za inscenaciju spisał, skedźbnja tež na serbski pochad powěsće. W dlěje hač dwě hodźinje trajacym předstajenju tohorunja serbsce rěča.
Sprjewiny hotel předaty
Budyšin/Halle. Firma Bankimmobilien z Halle je Budyski Sprjewiny hotel kupił. Nowy mějićel chce dom zaso jako hotel wuhotować. Do toho ma so twarjenje dospołnje wobnowić. Hač do lěta 2017 bydlachu w tehdyšim Budyskim integraciskim domje při spjatym jězoru ćěkancy, po tym twarjenje dale njewužiwachu. Hamburgska firma je dlěši čas bjez wuspěcha spytała dom předać.
Sokołske wopory česćili
Stockholm (SN/CoR). Šwedska akademija je wčera dwě Nobelowej myće za literaturu spožčiła. Za 2018 dósta je pólska awtorka Olga Tokarczuk, lětuši lawreat myta je awstriski dramatikar Peter Handke. Loni bě spožčenje Nobeloweho myta skandala wumjetowanjow korupcije a přesćěhanja dla wupadnyło. Najwyše wuznamjenjenje za literaturu na swěće je dotěrowane z dźewjeć milionami šwedskich krónow, štož je 830 000 eurow.
Kak móža so informacije wo našim ludźe do němskeje zjawnosće dóstać? Tele prašenje jimaše mnohich wobdźělnikow Serbskeho wječorka wčera we Wulkodubrawskim Šnajdrec kuchinskim domje.
Wulka Dubrawa (SN/at). Župa „Jan Arnošt Smoler“ je na swoje mjeztym třeće dialogowe zarjadowanje přeprosyła, zo bychu so Serbja, kotřiž bydla abo dźěłaja we Wulkodubrawskej gmejnje, ze zastupjerjemi Domowiny, Rady za serbske naležnosće a rady Załožby za serbski lud rozmołwjeli. Tam zwuraznjene mysle měrjachu so na njespokojnosće, njezamjelčachu pak tež pozitiwne wuwića. Wo tajkim rozprawješe na přikład Maria Bušina. Kubłarka w žłobiku „Dźěćaca kupa“ z někotrymi dźěćimi serbsce rěči; starši to chcedźa a nawodnica prócowanje tohorunja podpěruje. „W tym nastupanju je so w našim zarjadnišću něšto na dobre polěpšiło“, zwěsći wčera wjelelětna kubłarka. Tež domizniske towarstwo w Lichanju so zaměrnišo serbskim temam přiwobroća, kaž Marja Michałkowa wuzběhny.
W dobje pobrachowacych lěkarjow su nowe koncepty trěbne, zo by zastaranje pacientow zaručene było. Kamjenc ma za to modelowy region być. Mnozy pak su skeptiscy.
Kamjenc (UM/SN). Mamy přichodnje hišće sami k lěkarjej hić? Budźe scyła hišće tajki, ke kotremuž móžemy hić? Tróšku prowokantnej prašeni matej swoju přičinu: Hižo dźensa je přićehnjenym Kamjenčanam ćežko domjaceho lěkarja namakać. Pola fachowych medicinarjow lědma lěpje wupada.