Z wudaća: srjeda, 06 nowembera 2019

Eksplozija w bydlenju – třo zranjeni

Njedźichow. Wohnjowu woboru, nuzoweho lěkarja a policiju su wčera rano do Njedźichowa wołali. Tam je krótko po wosmich k rozbuchnjenju w třěšnym bydlenju wjaceswójbneho domu dóšło. Třěcha so zdźěla wotpali, tež swisle domu zdźěla wjac njestejachu, tak sylna detonacija bě. Wšitkich wosom wobydlerjow domu móžachu wobornicy z Wojerec a Njedźichowa wuchować. Třo pak so při njezbožu zranichu, jedyn tak jara, zo dyrbjachu jeho z helikopterom do chorownje dowjezć. Dom njeje tuchwilu wobydlomny. Kriminalisća přičinu eksplozije nětko přepytuja.

Diesel kradnyli

Bluń. Na twarnišću w Blunju w gmejnje Halštrowska Hola běchu njeznaći minjeny kónc tydźenja z twarskeju jězdźidłow diesel kradnyli. Kaž policija zdźěla, su dźěłaćerjo póndźelu, jako na dźěło přińdźechu, pytnyli, zo běchu paduši z tankow dweju bagrow 400 litrow ćěriwa wotklumpali, a to w hódnoće něhdźe 500 eurow.

Poradźene to zarjadowanje, kotrež žně­ješe mjez přitomnymi wjele připóznaća a dźa­ka! To je­ facit swójbneho popołdnja župy „Handrij Zejler“ Wojerecy, kotrež wotměchu minjenu sobotu w Ćišćanskim hosćen­cu „Zeleny wěnc“.

Žurla hosćenca bě z něhdźe 50 dorosćenymi a wulkej šwitu dźěći a wnučkow derje pjelnjena. Nowa regionalna rěčnica za Wojerowski region Sonja Hrjehorjowa přitomnych lubje witaše a so jim skrótka předstaji. Zdobom zwurazni swoju nadźiju na dobre zhromadne dźěło.

Šulerjo zakładneje šule „Handrij Zejler“ zawjeselichu hosći ze zabawnym kulturnym programom. Woni spěwachu, hudźachu na instrumentach a rejwachu z wulkim wjeselom a zapalom. Přihladowarjo dźakowachu so jim za to ze sylnym přikleskom.

Budyšin. Pod hesłom „Diagnoza – studij mediciny“ informuje powołanskoinformaciski centrum (BiZ) Budyskeje agentury za dźěło wo studiju mediciny. Přede­wšěm wěnuja so jutře, štwórtk, 7. nowembra, w BiZ prašenjam, čemu wšemu maja zajimcy za studij wotpowědować a kak tón wotběži. Zdobom chce studentka mediciny na Drježdźanskej Techniskej uniwersiće ludźom dohlad do wšědneho studijneho dnja dać. Zarjadowanje započnje so w 16 hodź.

Njebjelčicy (SN/JaW). Kulturne towarstwo a gmejna Njebjelčicy kaž tež tamniša młodźina hotuja so na „dźeń rejwanskeje lipy“. Wo tym informuje Njebjelčanski gmejnski zarjad w nowinskej zdźělence. Wotměć chcedźa jón sobotu, 9. nowembra, w Njebjelčanskim gmejnskim centrumje.

Pozadk je, zo chcetej Njebjelčanski młodźinski klub a tamniše Domizniske a kulturne towarstwo runje tajku rejwansku lipu na swjedźenišću wsy sadźić, kaž w zdźělence rěka. „Tak chcemy na tradiciju wjesnych lipow jako zhromadne srjedźišćo gmejny nawjazać. Wosebitosć wšak je zhromadne hudźenje a rejwanje pod respektiwnje tež w štomje, štož zmóžnja wuměłske wodźenje hałzow kaž tež připrawjenje rejwanskich podestow wokoło njeje“, zdźěla sobudźěłaćerka gmejnskeho zarjada Constanze Róblec.

26. oktobra před dokładnje lětom bu Marcel Brauman za župana Wojerowskeje župy „Handrij Zejler“ wuzwoleny. Regionalny zwjazk třěšneho zwjazka serbskich towarstwow ma tuchwilu něhdźe 800 čłonow a 20 sobustawskich towarstwow a dalšich skupin.

Po lěće w načolnym čestnohamtskim zastojn­stwje je 56lětny we Łuze (Luga) pola Njeswačidła bydlacy Brauman na prašenja žurnalistki Silki Richter wotmołwił a z njej zhromadnje do zańdźenosće kaž tež do přichoda hladał.

Mnozy ludźo maja zaćišć, zo wot časa Wašeho wuzwolenja za župana Wojerowskeje župy hinaši, čerstwiši wětřik duje ...

W nazymskich prózdninach podachu so Worklečanscy wolejbulisća do treningoweho lěhwa w sportowym centrumje Rabenberg. Wot pjatka do njedźele stejachu tam taktiske lekcije pod na­wo­dom Stephana Wjeńki, hry kaž tež­ zwučowanja mocy a wutrajnosće po instruk­ciji Clemensa Eckerta na pro­gramje.

Wolejbulisća prěnjeho a druheho mustwa Viktorije Worklecy běchu chutnje při wěcy. Hrajerjo wokoło kapitana Ludwiga Eckerta přihotowachu so tak na wažne partije sezony. Tež zhromadnosć a zabawa přinošowaštej k dobrej atmosferje mjez wobdźělnikami treningoweho lěhwa. Na wróćopuću z Rudnych horin zdobychu sej Worklečenjo na wotpočnišću nowych přiwisnikow. Tři wuměnkarki (hlej foto) jim wotnětka palcy tłóča, hdyž zaso wo dypki dźe.

SJ Chrósćicy II – HZ Wojerowski FC II/Wětnica-Hola 2:1 (1:0)

Zestawa domjacych: B. Klimant – M. Donat, Kl. Mark, Šiman, Ki. Mark, Zahrodnik (73. Handrik), Wowčer, Domaška, Šołta (85. Cyž), Liznar (90. T. Klimant), J. Donat