Šěsć awtow skóncowanych
Budyšin. Wodźer Renaulta bě wčera připołdnju na Budyskej Schliebenowej po puću, je pak z dotal njewujasnjeneje přičiny nalěwo z puća zajěł. Zhubiwši kontrolu nad wodźidłom zrazy wón z wulkim wotmachom do jězdźidła hladanskeje słužby. Te suny so do Peugeota, kotryž prasny na to do před nim stejaceho BMWja. Tón zrazy skónčnje do Seata a VWja. Wěcna škoda je hoberska.
Z garaže koleso pokradnyli
Nowa Wjes. W Nowej Wsy pola Rakec je wobsedźer trekingoweho kolesa hakle wčera rano zwěsćił, zo wone hižo w garaži njesteji. Paduši běchu elektriske wrota wočinili a jězdźidło w hódnoće 1 000 eurow sobu wzali. Z njejasneje přičiny na wrotach žana škoda njenasta.
Budyšin (SN/mwe). Wobchadny zwisk Hornje Łobjo (VVO) připowědźa wot 15. decembra w swojim jězbnym planje za wuchodosaksku železnisku syć mjez Drježdźanami – Zhorjelcom/Žitawu kaž tež na čarje Drježdźany – Kamjenc „wulke změny“. Informacije k tomu dawa krajna železnica Trilex. Nowinski rěčnik VVO Christian Schlemper zdźěli, zo budu mjez Kamjencom a Budyšinom (linija 102) kaž tež mjez Radebergom a Biskopicami (linija 305) nowe tak mjenowane Plusbusy zasadźene.
Wulke starosće pak ma VVO dale z regionalnej železnicu. Na naprašowanje Serbskich Nowin Schlemper wujasni, „zo su tuchwilne wobmjezowanja tež za VVO a noweho wobhospodarjerja, Transdeva pod marku Srjedźoněmskeje regionalneje železnicy (MRB), jara mjerzace. Dźěłamy zhromadnje na rozrisanju njedostatkow. Bytostny problem su falowace kapacity w zamkarnjach a z nimi pobrachowace ćěridne wozy. Wšako njemóže MRB něhdyšu dźěłarnju měšćanskeje železnicy hižo wužiwać.“
Budyšin (SN). Při zachodźe do Budyskeje tachantskeje cyrkwje stejitej nowej ławce, kotrejž so we wuhotowanju derje do historiskeho ambienta hodźitej a na kotrymajž přijomnje sedźiš. Tež na derje wopytanych Žitnych wikach je město nowej ławce stajić dało. Cyłkownje je za to zamołwita wobdźělenska a wobhospodarjenska towaršnosć lětsa dwanaće ławkow a šěsć wotpadkowych sudobjow na wšelakich městnosćach města připrawiła.
Wólnje zastup płaćić
Wojerecy (SN). Pod hesłom „móžeš płaćić, štož chcež“ móža wopytowarjo Wojerowskeho zwěrjenca w adwentnym času wot 1. do 20. decembra při zachodźe telko pjenjez dać, kaž chcedźa. Z pomocu akcije chce Wojerowska coologiska zahroda pokazać, zo hodźi so tež w zymnym počasu wjele wuslědźić. Kaž tam mjedwjedźowej bratraj Björn a Bengt w zymje rady zaskakujetej, činja to tež tiger, lamy a dalša zwěrina.
Rasowe nukle fuk
W lěće 2001 běchu Krabatowe towarstwo w Čornym Chołmcu wutworili. Oficielne mjeno je „Na slědach Krabata – towarstwo k regionalnemu wuwiću dwurěčneje Łužicy“. „Załoženje bě wuslědk diskusijow a wuwićow w gmejnach Njebjelčicy, Čorny Chołmc, Wulke Ždźary a Rakecy“, rozłožuje Reiner Deutschmann, kiž je mjeztym 13 lět předsyda towarstwa. Wo zwiskach, ćežach a přichodnych zaměrach je so z nim Andreas Kirschke rozmołwjał.
Honorarny konsul Chorwatskeje republiki w Sakskej dr. Peter Neumann je 10. septembra w Koćinskim zawodźe Krabatowy mlokowy swět na přijeće přeprosył. Tam běchu tež hosćo z chorwatskeho Varaždina. Kak wažne su tajke zwiski?
FC Energija Choćebuz – VfB Germania Halberstadt 1:0 (1:0)
Zestawa domjacych: Moser – Borgmann, Müller, Koch, Zickert, Eisenhuth, Bektić, Yildirim (90. Hoppe), Taz (82. Beyazit), Brügmann, Broschinski
Dokelž njemóžachu někotři konkurenća na 16. hrajnym dnju połnje dypkować, skrosnowa so FC Energija Choćebuz po wuspěchu 1:0 přećiwo wot zestupa wohroženej Germaniji Halberstadt na tabulkowe městno dwaj. Tak drje dosahaše jednore dobyće, kotrež pak by móhło wyše wupadnyć, byštej-li třělwje Moritza Broschinskeho do žerdźe a Felixa Brügmanna do łaty wrotow šłoj. Tuž dyrbješe so faworit hač do kónca wo tři dypki starosćić. Nimo toho bě w přidatnym hrajnym času tež hišće wurjadna parada Lennarta Mosera trěbna, zo bychu Łužičenjo dypki doma zdźerželi.
Tradicionalne běhi wokoło Brusnika dale woblubowane
W Běłej Wodźe wokoło idyliskeho Brusnika su mjeztym 27. króć woblubowane wurisanje běharjow přewjedli. 295 sportowcow wot lětnika 1932 hač k 2015 je so na jednej, swojej starobje wotpowědnej distancy 0,8 km, 2,0 km, 5,0 km abo 10 km wubědźowało. Mjez nimi běše kaž kóžde lěto tež zaso horstka Serbow. Běhi hódnoćachu hišće za lětušu rjadnu lisćinu Delnjołužiski cup a za Pokal wjercha Pücklera. Wobdźělnicy běchu hłownje z wobeju Łužicow, Choćebuza, Drježdźan, Berlina a dalšich kónčin Sakskeje a Braniborskeje.
Ehrung für Wilhelm Buck
Dresden. Des ersten sorbischen Ministerpräsidenten Sachsens, Wilhelm Buck, gedachten Vertreter der SPD, des Arbeitskreises Sorben der SPD Sachsen und des Vereins Stup dale e.V. anlässlich dessen 150. Geburtstags am 12. November auf dem Dresdner St. Pauli-Friedhof. Der in Bautzen-Seidau geborene Buck war ein Gewerkschafter und von 1920 bis 1923 der zweite Ministerpräsident des 1918 entstandenen Freistaates Sachsen.
Konzept vorgestellt
Burg. Zu den Vorhaben des Serbski Sejm zählt es, eine Verfassung des sorbischen/wendischen Volkes sowie einen Staatsvertrag zur Klärung der Rechte und Pflichten der inneren Selbstbestimmung und einer umfangreichen Mitbestimmung im Rahmen einer wirksamen Bildungs- und Kulturautonomie zu erarbeiten. Das Konzept dazu wurde auf der Sitzung am 9. November in Burg/Spreewald vorgestellt. Mit sorbischen/wendischen Institutionen sollen nun gemeinsame Thesen erstellt werden.
Der Erinnerungen zweiter Teil
Für Kittlitz bei Löbau war es schon ein bewegendes Ereignis. Ein Musikwerk kehrt an den Ort zurück, in dem es vor 125 Jahren entstand. Gleichzeitig wird damit ein Kantor in Erinnerung gerufen, der 36 Jahre in der Kirchgemeinde wirkte und dort auch seinen Lebensabend verbrachte.
Korla Awgust Kocor, oder deutsch Karl August Katzer, ist allgemein gesagt der sorbische Nationalkomponist. Er lebte und wirkte zur Zeit der Romantik. Seine Werke bezaubern bis heute. Das bestätigten nicht zuletzt Musikerinnen des erweiterten Collegium musicum Zittau, das die orchestrale Begleitung zur Aufführung von Kocors geistlichem Oratorium „Sorbisches Requiem“ am 10. November in der Kirche zu Kittlitz und am 24. November in der Zittauer Johanniskirche übernommen hatte.